ສປປລາວ ຈະສົ່ງນັກກິລາ 6 ຄົນໃນມະຫະກໍາກິລາ ໂຕກຽວໂອລິມປິກ

ລາວສູ້ໆ ສປປ ລາວ ຈະສົ່ງນັກກິລາ 6 ຄົນ ໃນ 4 ປະເພດກິລາ ເຂົ້າຊິງໄຊ ໃນມະຫະກໍາກິລາ ໂຕກຽວ ໂອລິມປິກ ລະຫວ່າງ ວັນທີ 23/07/2021 – 08/08/2021. ນັກກິລາທີ່ຈະເຂົ້າຮ່ວມ ປະກອບມີ ນັກກິລາ ຢູໂດ 1 ຄົນ (ສຸພະໄຊ ສິດທິສານ ໃນລຸ້ນ 60 ກລ), ນັກກິລາ ຕີມວຍ 1 ຄົນ (Walter Sanrio Oupathana ໃນລຸ້ນ 60 ກລ),

ນັກກິລາລອຍນໍ້າ 2 ຄົນ (ນ. ສິຣິອາລົມ ບຸດຈະເລີນ 50 ແມັດ ຟຣີສະໄຕຮ, ແລະ ທ້າວ ສັນຕິສຸກ ອິນທະວົງ 50 ແມັດ ຟຣີສະໄຕຮ), ນັກກິລາແລ່ນລານ 2 ຄົນ (ທ. ອະນຸໄຊ ໄຊສາ ແລ່ນ 110 ແມັດ ແລະ ນ. ສິຣິນາ ພະອໍາໄພ ແລ່ນ 110 ແມັດ). ນອກຈາກນັ້ນ ຍັງຈະມີ ຄູຝຶກ ແລະຄະນະນໍາ ຈາກຄະນະກໍາມາການໂອລິມປິກແຫ່ງຊາດລາວ ເຂົ້າຮ່ວມ.