ຊາຍໄທພະນັກງານຂົນສົ່ງເຄື່ອງມາລາວພ້ອມມີເຊື້ອ ໂ ຄ ວິ ດ ອາດແຜ່ລະບາດໄດ້

ອີງຕາມການລາຍງານຂອງຄະນະສະເພາະກິດແຂວງໄຊຍະບູລີ ວັນທີ 28 ມິຖຸນາ 2021 ນີ້ ໃຫ້ຮູ້ວ່າ: ໄຊຍະບູລີພົບຜູ້ຕິ ດເ ຊື້ ອໃໝ່ 1 ກໍລະນີ ເປັນກໍລະນີ ຕິ ດເ ຊື້ ອນໍາເຂົ້າ ຈາກປະເທດໄທ ຜ່ານດ່ານນໍ້າເຫືອງເມືອງແກ່ນທ້າວ ແຂວງໄຊຍະບູລີ ເພດຊາຍ, ອາຍຸ 52 ປີ, ສັນຊາດໄທ, ອາຊີບ: ພະນັກງານຂັບລົດຂົນສົ່ງເຄື່ອສິນຄ້າ ບ້ານຢູ່ປະຈຸບັນ: ປະເທດໄທ, ບໍ່ມີຂໍ້ມູນພະຍາດປະຈໍາຕົວ, ມີອາການບໍ່ສະບາຍເລັກນ້ອຍ ໂດຍມີປະຫວັດການເຄື່ອນໄຫວຄື:ວັນທີ 24 ມິຖຸນາ 2021 ເວລາ 14:00 ໂມງ ເດີນທາງມາຮອດດ່ານນໍ້າເຫືອງ ເມືອງແກ່ນທ້າວ ແຂວງໄຊຍະບູລີ ດ້ວຍລົດຂົນສົ່ງເຄື່ອງກໍ່ສ້າງ ບໍລິສັດ ຊໍການຊ່າງ ເຂື່ອນໄຟຟ້ານໍ້າຂອງ ແຂວງຫຼວງພະບາງ ພາຍຫຼັງເຂົ້າມາດ່ານໄດ້ຜ່ານການກວດວັດແທກອຸນຫະພູມ ແມ່ນປົກກະຕິ ແລະ ໄດ້ເກັບຕົວຢ່າງສົ່ງກວດ 26 ມິຖຸນາ 2021.

ຈາກນັ້ນ ພະນັກງານ ຕມ 2 ທ່ານ ໄດ້ກວດກາເອກກະສານຕາມລະບຽບການມາດຕະຖານວິຊາການມີພະນັກງານອາກອນຢູ່ຫ້ອງການ 5 ຄົນ ແລະ ໄດ້ສືບຕໍ່ເດີນທາງໄປແຂວງຫຼວງພະບາງ.ພັກລົດຢູ່ທີ່ດ່ານສົ້ນຂົວບ້ານທ່າເດື່ອ ເມືອງໄຊຍະບູລີ ແຂວງ ໄຊຍະບູລີມີໝູ່ນໍາກັນ 2 ຄົນ, ຜູ້ຂັບລົດ (TL96) ແລະ ພັກຜ່ອນຢູ່ໃນລົດ. ວັນທີ 25 ມິຖຸນາ 2021 ສົ່ງເຄື່ອງຢູ່ໂຄງການກໍ່ສ້າງແລ້ວກຽມເດີນທາງກັບໄທ 18:00 ໂມງ ອອກເດີນທາງຮອດໜ້າດ່ານ (ລາວ) ດ່ານນໍ້າເຫືອງພ້ອມກັບຫມູ່ 3 ຄົນ. 19:30 ໂມງ ນອນພັກຜ່ອນໃນລົດບໍ່ໄດ້ໄປໃສ ແລະ ມີອາການບໍ່ຄ່ອຍສະບາຍ , ວັນທີ 26 ມິຖຸນາ 2021 ເດີນທາງອອກຈາກຊາຍແດນ. 09:30 ໂມງ ເຂົ້າເຕີມນໍ້າມັນທີ່ປໍ້າບາງຈາກອໍາເພີທ່າຈີ່ຈັງຫວັດເລີຍ ແລະ ອອກເດີນທາງເພື່ອກັນສູນ. 18:00 ໂມງ ຮອດສູນນາງເຕີຍ ແລ້ວພັກຜ່ອນບໍ່ໄດ້ໄປໃສ.

ວັນທີ 27 ມິຖຸນາ 2021 , ໄປກວດ ໂ ຄ ວ ິ ດ ທີ່ໂຮງໝໍ ກາລຸນເວດ ອໍາເພີບາງປະອິນ ຈັງຫວັດ ນະຄອນສີອາຍຸດທະຍາ ປະເທດໄທ ພ້ອມໝູ່ 4 ຄົນ ຈົນຮອດເວລາ 12:00 ໂມງ – 13:00 ໂມງ ເອົາລົດພ່ວງໄປເຕີມນໍ້າມັນທີ່ບໍ້ບາງເຕີຍປະຕູສອງ , 14:00 ໂມງ ມີຄວາມຮູ້ສຶກບໍ່ສະບາຍຈຶ່ງໄດ້ໄປພົບແພດອີກຄັ້ງໜຶ່ງທີ່ ໂຮງໝໍ ກາລຸນເວດອໍາເພີບາງປະອິນ ຈັງຫວັດ ນະຄອນສີອາຍຸດທະຍາ ທາງໂຮງຫມໍໄດ້ເຈາະເລືອດ, ກວດນໍ້າລາຍ, ກວດປອດ ແລະ ທາງໂຮງຫມໍໄດ້ແນະນໍາໃຫ້ມາກວດ ໂ ຄ ວ ິ ດໃນວັນທີ 28 ມິຖຸນາ2021 ກວດອີກຄັ້ງທີ່ສອງ. ຜົນກວດຢັ້ງຢືນຈາກສູນວິເຄາະລະບາດວິທະຍາປະເທດໄທຄັ້ງວັນທີ 27 ມິຖຸນາ 2021 (ເປັນຜົນບວກ) ປັດຈຸບັນຜູ່ກ່ຽວເຂົ້ານອນປິ່ນປົວຢູ່ໂຮງຫມໍ ກາລຸນເວດ ອໍາເພີ ບາງປະອິນ ຈັງຫັວດ ນະຄອນສີອາຍຸດທະຍາ ປະເທດໄທ