ທ່ານຮອງນາຍົກລັດຖະມົນຕີຢ້ຽມຢາມໂຄງການຂຸດຄົ້ນແຮ່ຄຳ

ທ່ານ ຮອງນາຍົກລັດຖະມົນຕີ ຢ້ຽມຢາມໂຄງການຂຸດຄົ້ນແຮ່ຄຳ ຂອງບໍລິສັດ ທຽນຈີນຫົວຄານ ບໍ່ແຮ່ລາວ ຈຳກັດ ວັນທີ 2 ສີງຫາ 2021 ນີ້ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີກະຊວງແຜນການ ແລະ ການລົງທືນ ພ້ອມດ້ວຍການນຳຂອງແຂວງ ແລະ ກະຊວງກ່ຽວຂ້ອງ ໄດ້ຢ້ຽມຢາມເຂດໂຄງການຂຸດຄົ້ນແຮ່ຄຳ ຂອງບໍລິສັດ ທຽນຈີນຫົວຄານ ບໍ່ແຮ່ລາວ ຈຳກັດ ເຊີ່ງຕັ້ງຢູ່ເຂດບ້ານຜາປົ່ນ, ເມືອງປາກອູ, ແຂວງຫຼວງພະບາງ ໂດຍໄດ້ຮັບການຕ້ອນຮັບຈາກ ຄະນະອຳນວຍການບໍລິສັດ ແລະພະນັກງານພາຍໃນ, ໂອກາດນີ້ ຕາງໜ້າຄະນະອຳນວຍການບໍລິສັດ ໄດ້ລາຍງານສະພາບການດຳເນີນການຂອງບໍລິສັດວ່າ:

ເລີ້ມແຕ່ປີ 2011 ບໍລິສັດ ທຽນຈີນຫົວຄານ ບໍ່ແຮ່ລາວ ຈຳກັດ ໄດ້ດຳເນີນການສຳຫຼວດ ແລະ ໄດ້ຮັບການເຊັນສັນຍາ ອານຸມັດການຂຸດຄົ້ນບໍ່ໍ່ແຮ່ ແລະ ປຸງແຕ່ງແຮ່ຄຳ ຢູ່ເຂດບ້ານຜາປົ່ນ, ເມືອງປາກອູ, ແຂວງຫຼວງພະບາງ ໃນປີ 2015, ມາເຖີງເດືອນພະຈິກ ປີ 2016 ການກໍ່ສ້າງສິ່ງອຳນວຍຄວາມສະດວກ ໄດ້ສໍາເລັດສົມບູນ ແລະ ໄດ້ເລີ່ມຕົ້ນເຂົ້າສູ່ ຂັ້ນຕອນທົດລອງການຜະລິດ, ມາຮອດທ້າຍປີ 2020 ບໍລິສັດໄດ້ລົງທືນເຂົ້າໃນການກໍ່ສ້າງທັງໝົດ 72 ລ້ານໂດລາສະຫະລັດ, ມີພະນັກງານທັງໝົດ 434 ຄົນ, ໃນນັ້ນ ເປັນພະນັກງານຄົນຈີນ 180 ຄົນ, ນອກນັ້ນ ເປັນຄົນລາວ, ສະເພາະ 6 ເດືອນຕົ້ນປີນີ້ ໄດ້ຂຸດຄົ້ນ ແລະປຸງແຕ່ງແຮ່ໄດ້ທັງໝົດ 92.300 ໂຕນ, ເຈາະອຸມົງລວມຄວາມຍາວໄດ້ 5.202 ແມັດ,

ຜະລິດໂລຫະຄຳໄດ້ 358 ກິໂລ ເທົ່າກັບ 60% ຂອງແຜນການຜະລິດປະຈຳປີ ແຕ່ບໍ່ສາມາດຈຳໜ່າຍຜະລິດຕະພັນໄດ້ ເນື່ອງຈາກໄດ້ຮັບຜົນກະທົບ ຈາກການແຜ່ ລ ະ ບ າ ດ ຂອງພະຍາດ ໂ ຄ ວິ ດ -19, ສ່ວນການຍົກຍ້າຍປະຊາຊົນທີ່ ຖື ກ ຜົ ນ ກ ະ ທົ ບ ປະຈຸບັນໄດ້ສຳເລັດ ການກໍ່ສ້າງເຮືອນໃຫ້ປະຊາຊົນຈຳນວນ 83 ຄອບຄົວ ແລະ ໄດ້ຍົກຍ້າຍໄປຢູ່ແລ້ວຈຳນວນໜື່ງ, ໃນບົດລາຍງານໄດ້ຍົກໃຫ້ເຫັນສະພາບປະກົດການຫຍໍ້ທໍໍ້ທີ່ເກີດຂື້ນ ໃນໄລຍະຜ່ານມາ ເປັນຕົ້ນ ການ ລັ ກ ລ ອ ບ ຂຸດຄົ້ນແຮ່ຄຳ ຂອງປະຊາຊົນ ນັບແຕ່ປີ 2015 ເປັນຕົ້ນມາ ສາມາດຈັບກຸມໄດ້ 200 ກວ່າຄົນ ແລະມາຮອດປີ 2020 ເລີ່ມມີການບຸກລຸກຫຼາຍຂື້ນ ເຮັດໃຫ້ມີຄວາມສ່ຽງຕໍ່ຊີວິດ ແລະ ຊັບສີນຂອງປະຊາຊົນ,

ຕໍ່ບັນຫາທີ່ເກີດຂື້ນທຸກພາກສ່ວນທີ່ກ່ຽວຂ້ອງ ໄດ້ສຸມໃສ່ແກ້ໄຂໃຫ້ມີຄວາມສະຫງົບໂດຍພື້ນຖານໃນໄລຍະຜ່ານມາ ແລະ ຕ້ອງໄດ້ຮ່ວມມືກັນແກ້ໄຂໃຫ້ດີຂື້ນ ໃນຕໍ່ໜ້າ, ໂອກາດນີ້ ທ່ານ ຮອງນາຍົກລັດຖະມົນຕີ ໄດ້ຊີ້ນໍາໃຫ້ພາກສ່ວນກ່ຽວຂ້ອງ ແລະ ບໍໍລິສັດ ຮີບຮ້ອນແກ້ໄຂບັນຫາທີ່ຄົງຄ້າງ ເພື່ອເຮັດໃຫ້ໂຄງການໄດ້ດຳເນີນວຽກງານຕາມແຜນ ທັງຮັບປະກັນບໍ່ໃຫ້ມີ ຜົ ນ ກ ະ ທົ ບ ຕໍ່ປະຊາຊົນ, ສີ່ງສຳຄັນແມ່ນໃຫ້ປະຊາຊົນທີ່ຢູ່ອ້ອມຮອບເຂດຂຸດຄົ້ນ ມີຊີວິດການເປັນຢູ່ທີ່ດີຂື້ນ.