ຄົນຕິດໂຄວິດລາຍໃໝ່ໃນນະຄອນຫຼວງວຽງຈັນສ່ວນຫຼາຍແມ່ນອາໄສຢູ່ຫ້ອງແຖວ

ຕາມການຖະແຫຼງຂ່າວໃນວັນທີ 4 ມິຖຸນາ 2021 ຂອງ ທ່ານ ດຣ. ນາງພອນປະເສີດ ໄຊຍະມຸງຄຸນ ຮອງຫົວໜ້າກົມ ຄວບຄຸມພະຍາດຕິດຕໍ່ກະຊວງສາທາລະນະສຸກ, ຕາງໜ້າໃຫ້ຄະນະສະເພາະກິດ ເພື່ອປ້ອງກັນຄວບຄຸມ ແລະແກ້ໄຂການລະບາດຂອງ ພະຍາດ ໂ ຄ ວ ິ ດ ໃຫ້ຮູ້ວ່າ: ສະພາບການລະບາດຂອງພະຍາດ ໂ ຄ ວ ິ ດ ຢູ່ ສປປ ລາວ ມາຮອດປະຈຸບັນ ມີຜູ້ ຕິດເຊື້ອສະສົມທັງໝົດ 1.952 ຄົນ (ໃໝ່ 9), ເສຍຊວິດິສະສົມ ທັງໝົດ 3 ຄົນ(ໃໝ່ 0 ). ວຽກງານການປິ່ນປົວ ແມ່ນມີຜູ້ທີ່ປິ່ນປົວຫາຍດີທັງໝົດ 1.680 ຄົນ ປິ່ນປົວດີໃໝ່ 26 ຄົນ ຍັງຕິດຕາມຕາມປິ່ນປົວຕໍ່ທົ່ວປະເທດທັງໝົດ 261 ຄົນ ແລະ ອີກ 8 ຄົນ ແມ່ນກໍາລັງໄປຮັບເຂົ້າມາປິ່ນປົວ

ໃນບັນດາຜູ້ທີ່ນອນຕິດຕາມອາການແມ່ນມີ 4 ຄົນຕ້ອງດົມອົກຊີ ທັງໝົດແມ່ນຢູ່ນະຄອນຫຼວງວຽງຈັນ ຜູ້ທີ່ມີອາການໜັກໄດ້ໃຊ້ເຄື່ອງຊ່ວຍຫາຍໃຈແມ່ນບໍມີ . ສຳລັບການເດີນທາງເຂົົ້າມາ ສປປ ລາວ ຕາມຈຸດຜ່ານແດນໃນວັນທີ 3 ມິຖຸນາ 2021 ແມ່ນມີຜູ້ທີ່ໄດ້ຮັບອະນຸຍາດຈາກຄະນະສະເພາະກິດເຂົ້າມາທັງໝົດ 2.603 ຄົນ ໃນນັ້ນຜ່ານທາງດ່ານລາວ-ໄທມີ 1.698 ຄົນ, ດ່ານລາວ-ຈີນ ມີທັງໝົດ 33 ຄົນ, ດ່ານລາວ-ຫວຽດນາມ 862 ຄົນ ແລະເດີນທາງຜ່ານສະໜາມບິນສາກົນວັດໄຕ 10 ຄົນ. ກ່ຽວກັບວຽກງານການກວດວິເຄາະໃນວັນທີ 3 ມິຖຸນາ 2021 ທົ່ວປະເທດ ໄດ້ມີການເກັບຕົວຢ່າງມາກວດຊອກຫາ ເຊື້ອ ໂ ຄ ວ ິ ດ ທັງໝົດ 1.920 ຕົວຢ່າງ ໃນນັ້ນກວດພົບຜູ້ຕິດເຊື້ອໃໝ່ 9 ກໍລະນີ.

ເປັນເລື່ອງທີ່ໜ້າເຫັນໃຈ ແລະເສົ້າໃຈຫຼາຍ ເຫັນໃຈບັນດາແພດໝໍທີ່ມີຄົນຕິດເຊື້ອບໍ່ຂາດໃນແຕ່ລະວັນ ອີຕົນຄົນທີ່ຕັ້ງໃຈຢຸດເຊື້ອເພື່ອຊາດ ແຕ່ກັບມີຄົນຈຳນວນໜຶ່ງບໍ່ສົນໃຈຫຍັງເອົາແຕ່ມ່ວນໄປມາຫາສູ່ກັນຢ່າງມີການປ້ອງກັນ ຍັງເອົານິໄສເດີມໆແບບທີ່ບໍ່ທັນມີຫຍັງເກີດຂຶ້ນໄປໃສກໍ່ຕ້ອງມີການຊຸມແຊວນີ້ເປັນໜຶ່ງສາເຫດທີ່ໂຄວິດບໍ່ໝົດໄປຈາກບ້ານເຮົາຈັກເທື່ອ ເຖິງແມ່ນທັງພາກລັດ ແລະປະຊາຊົນຈະເອົາໃຈໃສ່ຄວບຄຸມສ່ຳໃດກໍ່ຕາມ. ຕາມການຖະແຫຼງຂ່າວຂອງຄະນະສະເພາະກິດໃນວັນທີ 4 ມິຖຸນາ 2021 ໃຫ້ຮູ້ວ່າ

ກໍລະນີຕິດເຊື້ອໃໝ່ 9 ຄົນທີ່ກວດພົບຈາກ 1.920 ຕົວຢ່າງໃນວັນທີ 3 ມິຖຸນາ ແມ່ນມີຄົນຕິດເຊື້ອໃໝ່ຢູ່ນະຄອນຫຼວງວຽງຈັນ 7 ຄົນ ທັງໝົດນັ້ນລ້ວນແມ່ນຜູ້ສຳຜັດໃກ້ຊິດກັບຜູ້ຕິດເຊື້ອເກົ່າໃນຊຸມຊົນທີ່ຜ່ານມາ ສ່ວນອີກ 2 ກໍລະນີແມ່ນຢູ່ແຂວງສະຫວັນນະເຂດ ແລະຈຳປາສັກ ແຂວງລະ 1 ຄົນເປັນກໍລະນີນຳເຂົ້າໃນແຮງງານທີ່ກັບຈາກປະເທດໄທຖືກຕ້ອງຕາມກົດໝາຍ. ສຳລັບເຂດສ່ຽງໃໝ່ຫຼ້າສຸດຕາມການລາຍງານຂອງຄະນະສະເພາະກິດໃນວັນທີ 4 ມິຖຸນາ ທີ່ຜູ້ຕິດເຊື້ອໄດ້ໄປນັ້ນມີຫຼາຍບ່ອນ ແລະສ່ວນໃຫຍ່ລ້ວນເປັນບ່ອນທີ່ມີຄົນໄປເປັນຈຳນວນຫຼາຍ ເປັນຕົ້ນຮ້ານຂາຍຢາໃສສະອາດ, ຕະຫຼາດ ແລະຫ້ອງແຖວ ອັນເປັນບ່ອນພັກຂອງຄົນຫາເຊົ້າກິນຄ່ຳ.

ຂໍ້ມູນພື້ນຖານເຂດສ່ຽງທີ່ກຸ່ມຜູ້ຕິດເຊື້ອໄປຫຼ້າສຸດມີດັ່ງນີ້

ວັນທີ 30/5/2021: ໄປຕະຫລາດຊັ່ງຈຽງ (ຢູ່ແຕ່ຮ້ານ ບໍລິເວນດ້ານນອກ) ແລະ ໄປຫານ້ອງຮັກຢູ່ຫ້ອງແຖວຕານມີໄຊ(ຢູ່ແຄມທາງໃຫຍ່) ແລະ ໄດ້ໄປໃຊ້ຫ້ອງນ້ຳ.

ວັນທີ 22/5/2021: ໄປຫອ້ງແຖວບາ້ນໂພນສະອາດ.

ວັນທີ 03/6/2021: ໄປຊື້ຢາຢູ່ຮ້ານໃສສະອາດ ສາຂາ ໜອງດ້ວງ 1 ຄັ້ງ/ອາທິດ ແມ່ນໄປຕະຫລາດສີເກີດ ເພື່ອຊື້ອາຫານ

ເຮັດໃຫ້ມາຮອດປະຈຸບັນ ທົ່ວນະຄອນຫຼວງມີຈຳນວນບ້ານແດງທັງໝົດ 25 ບ້ານໃນ 7 ເມືອງ.

ຄະນະສະເພາະກິດຕີລາຄາວ່າ ເຖິງແມ່ນວ່າການລາຍງານຜູ້ຕິດເຊື້ອ ຈະມີທ່າອ່ຽງຫຼຸດລົງ ບໍ່ມີລາຍງານກໍລະນີຕິດເຊື້ອໃໝ່ໃນຊຸມຊົນຢູ່ບ້ານດາແຂວງແລ້ວມີແຕ່ແຮງງານທີ່ກັບມາແຕ່ຕ່າງປະເທດ ແຕ່ສຳລັບນະຄອນຫຼວງວຽງຈັນແລ້ວແມ່ນຍັງມີຄົນຕິດເຊື້ອໃນຊຸມຊົນ ແລະເພີ່ມບ້ານເຂດແດງໃໝ່ຢູ່. ເຊິ່ງນັ້ນສັງເກດເຫັນວ່າ ໃນສັງຄົມຍັງມີການໄປມາຫາສູ່ລະຫວ່າງຍາດຕິພີ່ນ້ອງ, ໝູ່ເພື່ອນ ຊຸມແຊວສັງສັນເຮັດໃຫ້ມີການລະບາດເປັນຈຸ້ມເຈື້ອໃນຄອບຄົວ ຍາດຕິພີ່ນ້ອງ ແລະໝູ່ຄູ່ ທັງໝົດນັ້ນລ້ວນຢູ່ໃນມາດຕະການປ້ອງກັນໂຄວິດ-19 ແລະພວກເຮົາບໍ່ຄວນປະໝາດ ຍັງຕ້ອງເອົາໃຈໃສ່ ແລະສືບຕໍ່ປະຕິບັດໃນທຸກມາດຕະການທີ່ທາງຄະນະສະເພາະກິດ ຂັ້ນສູນກາງ ແລະ ຂັ້ນແຂວງວາງອອກຢ່າງເຂັ້ມງວດ. ຈະເວົ້າໄປແລ້ວຄົນຢູ່ຫ້ອງແຖວສ່ວນໃຫຍ່ແມ່ນຜູ້ທີ່ຍັງທຸກຍາກ ເຮືອນເຊົ່າເຂົ້າຊື້ ແລະມີຫຼາຍຄົນມາຢູ່ຮ່ວມກັນໃນຫ້ອງດຽວ ທີ່ສຳຄັນຈຸດໜຶ່ງມີຄົນຕັ້ງຫຼາຍ ດັ່ງນັ້ນ ໃນສະຖານະການແບບນີ້ ຖ້າມີຈຸດສຳນຶກພໍບ່ອນທີ່ບໍ່ຄວນໄປຊຸມແຊວທີ່ສຸດຄືຫ້ອງແຖວນັ້ນເອງ ຫວັງວ່າສັງຄົມຈະຕື່ນຕົວຫຼາຍຂຶ້ນ.