ມີ 4 ຮ້ານລັກລອບເປີດກີນເບຍຢ່າງມ່ວນຊື່ນ

ພັທ ອຸດອນ ຈັນທະວົງ ຮອງຫົວໜ້າຫ້ອງສັນຕິບານ ປກສ ນວ ໃຫ້ຮູ້ວ່າ: ວັນທີ 06 ມິຖຸນາ 2021 ເວລາ 23 ໂມງ ໄດ້ນໍາພາກໍາລັງຕໍາຫຼວດທ່ອງທ່ຽວ ອອກກວດກາພົບເຫັນຮ້ານອາຫານ ຈໍານວນ 4 ຮ້ານຕັ້ງຢູ່ບ້ານ ວັດໄຕນ້ອຍທົ່ງ ເມືອງສີໂຄດຕະບອງ ທີ່ລະເມີດຄໍາສັ່ງ. ໂດຍເປີດໃຫ້ບໍລິການເກີນກໍານົດເວລາ 22:00 ໂມງ ແລະ ບໍລິການເຄື່ອງດື່ມທີ່ມີທາດເຫຼົ້າ (ປະເພດເບຍ)ໃຫ້ລູກຄ້ານັ່ງກີນຢູ່ໃນຮ້ານ ແລະ ຜ່ານມາເຈົ້າໜ້າທີ່ເຄີຍແນະນໍາ ແລະ ສຶກສາອົບຮົມກ່າວເຕືອນມາແລ້ວ 1 ຄັ້ງແຕ່ພວກກ່ຽວບໍ່ປະຕິບັດດັ່ງນັ້ນ, ຈຶ່ງໄດ້ເຮັດບົດບັນທຶກ ແລະ ປັບໃໝ.

ຕາມຂໍ້ 3 ໃນມາດຕະການຕໍ່ຜູ້ລະເມີດຂອງແຈ້ງການເລກທີ 02/ສພກ.ນວ ຮ້ານລະ 1.00.000 ກິບ, ລວມ 4.000.000 ກີບ. ກອງບັນຊາການ ປກສ ນວ ຮຽກຮ້ອງຂໍຄວາມຮ່ວມມືມາຍັງຫົວໜ່ວຍທຸລະກິດຮ້ານອາຫານ, ກິນດື່ມ ແລະ ຜູ້ປະກອບການຕ່າງໆ ໃຫ້ຄວາມຮ່ວມມື. ພ້ອມກັນເອົາໃຈໃສ່ປະຕິບັດຕາມຄໍາສັ່ງ ແລະແຈ້ງການຂອງຄະນະສະເພາະກິດກໍານົດໄວ້ຢ່າງເຂັ້ມງວດ ເພື່ອປ້ອງກັນໃຫ້ພະຍາດໂຄວິດ -19 ໝົດໄປ