ລົດບັນທຸກໃຫ້ຫລຸດນໍ້າໜັກລວມລົງ 20% ເພື່ອຮັກສາເສັ້ນທາງ

ແຈ້ງການດ່ວນ ລົດບັນທຸກທີ່ມີນໍ້າໝັກ 7 ໂຕນຂື້ນໄປ ໃຫ້ຫລຸດນໍ້າໜັກລວມລົງ 20% ເພື່ອຮັກສາເສັ້ນທາງ ພະແນກ ຍທຂ ນະຄອນຫລວງວຽງຈັນ ໄດ້ອອກແຈ້ງການ ເຖີງ : ບັນດາສະມາຄົມລົດຂົນສົ່ງ,ບໍລິສັດຂົນສົ່ງ, ແລະ ບັນດາເຈົ້າຂອງລົດຂົນສົ່ງ, ທີ່ຈະແລ່ນຕາມເສັ້ນທາງດິນແດງ ແລະ ທາງທໍາມະຊາດ ພາຍໃນນະຄອນຫລວງວຽງຈັນ ເລື່ອງ : ໃຫ້ຫລຸດຜ່ອນ ນ້ຳໜັກລວມສູງສຸດຂອງລົດບັນທຸກລົງ 20% ໃນຊ່ວງລະດູຝົນ. ທັງນີ້, ເພື່ອເປັນການປົກປັກຮັກສາເສັ້ນທາງ ດີນແດງ ແລະ ເສັ້ນທາງທໍາມະຊາດ ໃຫ້ມີອາຍຸການນຳໃຊ້ໄດ້ຍາວນານ,

ແລະ ທັງຮັບປະກັນໃຫ້ທຽວໄດ້ສອງລະດູການ ພ້ອມທັງເປັນການປະຢັດລາຍຈ່າຍງົບປະມານຂອງພາກລັດເຂົ້າໃນການກໍ່ສ້າງ ແລະ ສ້ອມແປງທາງດັ່ງກ່າວ. ໂດຍໃຫ້ເລີ່ມແຕ່ວັນທີ 01/06/2021 ຫາວັນທີ 30/11/2021, ໃຫ້ລົດບັນທຸກທີ່ມີນໍ້າໝັກເກີນ 07 ໂຕນຂື້ນໄປ, ທີ່ຈະແລ່ນຕາມເສັ້ນທາງດິນແດງ ແລະເສັ້ນທາງທໍາມະຊາດ ໃນຂອບເຂດນະຄອນຫລວງວຽງຈັນ, ຕ້ອງຫລຸດນໍ້າໜັກລວມສູງສຸດລົງ 20%, ຖ້າລົດບັນທຸກຄັນໃດມີການລະເມີດ ເມື່ອເຈົ້າໜ້າທີກວດພົບເຫັນ ຈະໄດ້ຖືກຄ່ຽນຖ່າຍສີນຄ້າທີ່ມີນໜັກເກີນນັ້ນອອກ ພ້ອມທັງ ຈະຖືກປັບໄໝຕາມລະບຽບການ