ເດັກຍິງຮ້ອງໄຫ້ເມື່ອທີມເຢຍລະມັນເສຍໃຫ້ທີມອັງກິດ

ສຳນັກຂ່າວ ບີບີຊີ ລາຍງານເມື່ອວັນທີ 9 ກໍລະກົດນີ້ວ່າ: ເດັກຍິງເຢຍລະມັນທີ່ກໍາລັງນັ່ງຢູ່ໃນອ້ອມກອດຂອງພໍ່ ເບິ່ງການແຂ່ງຂັນບານເຕະ ເອີໂຣ ຮອບ 8 ທີມ ທີ່ຜ່ານມາ ໄດ້ຮ້ອງໄຫ້ຂຶ້ນ ເມື່ອເຫັນທີມຊາດເຢຍລະມັນເສຍໃຫ້ທີມຊາດອັງກິດ 0-2, ໄດ້ກາຍເປັນຂ່າວໃນສື່ສັງຄົມອອນລາຍຢູ່ອັງກິດ ແລະ ເຢຍລະມັນ ຈົນກາຍເປັນເປົ້າການເຢາະເຢີ້ຍຂອງແຟນບານທີມຊາດອັງກິດ.

ຕໍ່ໜ້າສະພາບການດັ່ງກ່າວ, ມີຊາຍຄົນໜຶ່ງຊື່ວ່າ Joel Hughes ຢູ່ເມືອງ Caerleon ແຂວງ Newport ໃນອັງກິດ ໄດ້ປຸກລະດົມຂະບວນການແຜ່ປັດໄຈ ເພື່ອມອບເງິນປອບຂວັນໃຫ້ເດັກຍິງ ເຢຍລະມັນ ຄົນນັ້ນ Joel Hughes ໄດ້ກ່າວວ່າ: “ແຟນບານອັງກິດບໍ່ແມ່ນຈະເປັນຄົນຊົ່ວຮ້າຍທັງໝົດ” ຂະບວນການປຸກລະດົມຂອງ Joel Hughes ໄດ້ຮັບການສະໜັບສະໜູນເຖິງ 36.000 ປອນສະກຸນເງິນອັງກິດ ຫຼື ປະມານ 400 ລ້ານກ່ວາກີບ

ມອບໃຫ້ຄອບຄົວຂອງເດັກນ້ອຍຄົນໃນພາບດັ່ງກ່າວ, ແຕ່ຄອບຄົວຂອງເດັກນ້ອຍ ໄດ້ປະຕິເສດທີ່ຈະຮັບເງິນກ້ອນດັ່ງກ່າວ ເພື່ອຮັກສາກຽດສັກສີ. ຄອບຄົວຂອງເດັກຄົນນັ້ນໄດ້ກ່າວວ່າ: ເພື່ອສິດຜົນປະໂຫຍກຂອງລູກສາວ ແລະ ຄອບຄົວ,ພວກເຮົາຂໍສະແດງຄວາມຂອບໃຈມາຍັງທຸກຄົນທີ່ໄດ້ປະກອບສ່ວນປັດໄຈ ໃນຄວາມດີຄັ້ງນີ້, ລູກສາວຂອງພວກເຮົາຂໍມອບເງິນກ້ອນດັ່ງກ່າວໃຫ້ກັບກອງທຶນເພື່ອເດັກ

ແລະ ເຍົາວະຊົນ ຂອງອົງການສະຫະປະຊາຊາດ ( UNICEF ) ເພື່ອນນໍາໄປໃຊ້ໃນສິ່ງທີ່ຈໍາ ແລະ ມີປະໂຫຍດຕໍ່ສ່ວນລວມ. Joel Hughes ອາຍຸ 51 ປີ ໄດ້ສະແດງຄວາມຂອບໃຈຕໍ່ທຸກຄົນທີ່ໄດ້ປະກອບສ່ວນປັດໄຈໃຫ້ກັບເດັກຍິງຄົນດັ່ງກ່າວ ເຖິງແມ່ນວ່າຈະຮັບຮັບການປະຕິເສດທີ່ຈະຮັບເງິນກ້ອນດັ່ງກ່າວນັ້ນກໍຕາມ

ແຕ່ເງິນດັ່ງກ່າວກໍໄດ້ຖືກມອບຕໍ່ນຳໄປໃຊ້ປະໂຫຍດຕໍ່ສັງຄົມຕໍ່ໄປ. ລາວຍັງໄດ້ກ່າວຕື່ມວ່າ: ຈຸດປະສົງເບື່ອງຕົ້ນຄິດວ່າຈະລະດົມໃຫ້ໄດ້ພຽງ 500 ປອນສະກຸນເງິນອັງກິດ ເພື່ອຊື້ຂອງຂວັນໃຫ້ນ້ອງເທົ່ານັ້ນ ບໍ່ຄິດວ່າຈະມີຄົນຮ່ວມແຜ່ປັດໄຈຫລາຍປານນີ້.