ປະເທດໄທເຂົ້າຂັ້ນວິກິດປະຊາຊົນຕິດໂຄວິດເປັນຈຳນວນຫຼາຍທີ່ບໍ່ໄດ້ຮັກສາ

ຕົ້ນເດືອນ ກໍລະກົດ 2021 ດັ່ງທີ່ພວກເຮົາຮັບຮູ້ກັນແລ້ວວ່າ ສະພາບການລະບາດຂອງພະຍາດໂຄວິດ-19 ຢູ່ປະເທດໄທ ນັບມື້ຍິ່ງໜັກໜ່ວງຂຶ້ນ ໃນແຕ່ລະມື້ມີຜູ້ຕິດເຊື້ອເພີ່ມຂຶ້ນຫຼາຍພັນຄົນ ແລະມີລາຍງານຜູ້ເສຍຊີວິດທຸກມື້ເຊັ່ນດຽວກັນ.

ຈາກຂ່າວທີ່ແຜ່ຫຼາຍໃນໂລກອອນລາຍຕອນນີ້ຈະເຫັນໄດ້ວ່າຕຽງປິ່ນປົວຄົນເຈັບແມ່ນບໍ່ພຽງພໍ ຂະນະດຽວກັນ ກໍ່ມີຜູ້ຕິດເຊື້ອໂຄວິດ-19 ເສຍຊີວິດຄາເຮືອນກໍ່ມີ. ທັ້ງນີ້ ສິ່ງທີ່ໜ້າຫ່ວງໄປຫຼາຍກວ່ານັ້ນກໍ່ຄືປະເທດເຮົາເນື່ອງຈາກຢູ່ໃກ້ຄຽງກັນ ແລະແນ່ນອນຕອນນີ້ມີແຮງງານທີ່ໄປເຮັດວຽກຢູ່ປະເທດໄທ ຫຼັ່ງໄຫຼກັບເຂົ້າມາປະເທດລາວ

ພາຍຫຼັງທີ່ສະຖານະການໄທ ໜ້າເປັນຫ່ວງຫຼາຍ ເຊິ່ງບັນດາແຮງງານທີ່ກັບເຂົ້າມານັ້ນ ກໍ່ມີຈໍານວນບໍ່ໜ້ອຍເລີຍ ທີ່ກວດພົບເຊື້ອໂຄວິດ-19. ໂດຍສະເພາະແມ່ນແຂວງຈໍາປາສັກ ແລະ ແຂວງສະຫວັນນະເຂດ ແມ່ນພົບຜູ້ຕິດເຊື້ອໂຄວິດ-19 ທີ່ເປັນກໍລະນີນໍາເຂົ້າຈໍານວນຫຼາຍ. ແນວໃດກໍ່ຕາມ ຂໍໃຫ້ທັງສອງປະເທດສູ້ຜ່ານວິກິດນີ້ໄປໄດ້ໂດຍໄວ.