ແຂວງໄຊຍະບູລີເກີດແຜ່ນດິນໄຫວຫຼາຍຮອບໃນໜຶ່ງວັນ

ວັນທີ 8 ກໍລະກົດ 2021 ນີ້ ກົມອຸຕຸນິຍົມ ແລະ ອຸທົກກະສາດ ລາຍງານ ສະພາບແຜ່ນດິນໄຫວໃນຮອບໜຶ່ງວັນຜ່ານມາ ໃຫ້ຮູ້ວ່າ: ໃນຂອບເຂດທົ່ວປະເທດ ໄດ້ພົບສັນຍານການເກີດແຜ່ນດິນໄຫວຢູ່ພາຍໃນປະເທດ ຈໍານວນ 16 ຄັ້ງ ແຕ່ວັນທີ 7-8 ກໍລະກົດ 2021 ຢູ່ແຂວງໄຊຍະບູລີ

ພາກເໜືອຂອງປະເທດລາວ, ໃນວັນທີ 9 ກໍລະກົດ 2021 ເວລາ 03:22 ໂມງ, ໄດ້ພົບສັນຍານແຜ່ນດິນໄຫວ ພາຍໃນປະເທດລາວ ຈໍານວນ 01 ຄັ້ງ ໃນບໍລິເວນ ແຂວງໄຊຍະບູລີ ຊຶ່ງຈຸດສູນກາງເກີດແຜ່ນດິນໄຫວແມ່ນຫ່າງຈາກຊຸມຊົນໝູ່ບ້ານສາມັກຄີ ເມືອງໄຊສະຖານ ແຂວງໄຊຍະບູລີ

ມີຈຸດສູນກາງຢູ່ເສັ້ນຂະໜານທີ 16.51 ອົງສາເໜືອ ແລະ ເສັ້ນແວງທີ 101.28 ອົງສາຕາເວັນອອກ ດ້ວຍຄວາມແຮງສັ່ນສະເທືອນວັດແທກໄດ້ 1.5 ຣີກເຕີ ມີຄວາມເລິກຈາກເທິງໜ້າດິນປະມານ 3 ກິໂລແມັດ ຫ່າງຈາກເທສະບານ ເມືອງໄຊສະຖານ ປະມານ 11 ກິໂລແມັດ ແລະ ໃນເບື້ອງຕົ້ນຍັງບໍ່ມີລາຍງານຜົນເສຍຫາຍ. ເຊິ່ງມີລາຍລະອຽດດັ່ງນີ້: