ຫຼວງພະບາງມອບເງິນຊ່ວຍເຫຼືອແບ່ງເບົາເຮືອນພັກຄູອາຈານບ້ານໜອງເມືອງປາກແຊງ ຖື ກ ໄ ຟ ໄ ໝ້

ພະແນກສຶກສາທິການ ແລະ ກິລາແຂວງຫຼວງພະບາງມອບເງິນຊ່ວຍເຫຼືອແບ່ງເບົາເຮືອນພັກຄູອາຈານບ້ານໜອງ ເມືອງປາກແຊງທີ່ ຖື ກ ໄ ຟ ໄ ໝ້ ເມື່ອທ້າຍເດືອນ ເມສາ ຜ່ານມາ ພິທີມອບເງິນຊ່ວຍເຫຼືອດັ່ງກ່າວໄດ້ມີຂື້ນເມື່ອບໍ່ດົນຜ່ານມານີ້ທີ່ຫ້ອງວ່າການປົກຄອງ ເມືອງປາກແຊງ ແຂວງຫຼວງພະບາງ,

ໂດຍການກ່າວມອບຂອງທ່ານ ປອ ວົງເພັດ ອຸດົມລິດ ຫົວໜ້າພະແນກສຶກສາທິການ ແລະ ກິລາແຂວງ, ໃຫ້ກຽດເຂົ້າຮ່ວມມີທ່ານ ສົມສະນິດ ຮອງເຈົ້າເມືອງປາກແຊງ, ທ່ານຫົວໜ້າ-ຮອງຫົວໜ້າຫ້ອງການສຶກສາທິການ ແລະ ກິລາເມືອງ ພ້ອມດ້ວຍພະນັກງານຄູອາຈານ ແລະ ແຂກຖືກເຊີນກ່ຽວຂ້ອງເຂົ້າຮ່ວມເປັນສັກຂີພີຍານ.

ສຳລັບເຮືອນພັກຄູອາຈານທີ່ ຖື ກ ຜົ ນ ກ ະ ທົ ບ (ໄ ຟ ໄ ໝ້ ເຮືອນ) ເມື່ອວັນທີ 14 ເມສາ 2021 ມີຈຳ 5 ຄົນ ລວມມູນຄ່າການເສຍຫາຍທັງໝົດ 121 ລ້ານກວ່າກີບ, ນອກຈາກນີ້ຍັງມີເຄື່ອງນຸ່ງຂອງນ້ອງນັກຮຽນອີກຈຳນວນໜຶ່ງໄດ້ຮັບການ ເ ສ ຍ ຫ າ ຍ,

ເພື່ອເປັນການແບ່ງເບົາປະກອບສ່ວນຊ່ວຍເຫຼືອໃຫ້ແກ່ຄູອາຈານທີ່ໄດ້ຮັບ ຜົ ນ ກ ະ ທົ ບ ດັ່ງກ່າວນັ້ນ ທາງພະແນກສຶກທິການ ແລະ ກິລາແຂວງຈຶ່ງໄດ້ມອບເງິນ ຈຳນວນ 8 ລ້ານກີບໃຫ້ແກ່ຄູອາຈານຈຳນວນ 5 ຄົນດ້ວຍການແບ່ງຕາມການ ສູ ນ ເ ສ ຍ ຂອງແຕ່ລະຄົນ.