ໄຟໄໝ້ລົດແລ້ວລາມໃສ່ປ່າອ້ອຍເສຍຫາຍຫຼາຍລ້ານ

ໃນຕອນບ່າຍ ຂອງວັນທີ 18 ພຶດສະພາ 2021 ເວລາ 14 ໂມງ 00 ນາທີ ທາງເຈົ້າໜ້າກອງຕໍາຫຼວດຈະລາຈອນ-ມອດ ໄຟ ປກສ ເມືອງສິງ ແຂວງຫຼວງນ້ຳທາ ໄດ້ຮັບແຈ້ງຈາກປະຊາຊົນວ່າ : ໄດ້ເກີດໄຟໄໝ້ສວນອ້ອຍຢູ່ຂອບເຂດດິນຂອງປະຊາຊົນ ບ້ານ ນ້ຳ ແກ້ວຫຼວງ, ເມືອງສິງ ເຈົ້າຂອງສວນອ້ອຍ ຊື່ທ້າວ ເກືອແມະ ອາຍຸ 30 ປີ, ຢູ່ບ້ານ ຫ້ວຍນ້ຳແດງ, ເມືອງສິງ, ແຂວງ ຫຼວງ ນ້ຳທາ ແລ້ວຈຶ່ງໄດ້ຮີບຮ້ອນຈັດກຳລັງ ແລະ ລົດດັບເພີງ 2 ຄັນລົງໄປກວດກາສະຖານ ທີເກີດເຫດເຫັນວ່າມີໄຟໄໝ້ ສວນ ອ້ອຍແທ້.

ທາງເຈົ້າໜ້າທີ່ຂອງພວກເຮົາໄດ້ສົບທົບກັບ ປະຊາຊົນຊ່ວຍກັນສະກັດ ກັ້ນສີດນ້ຳ ເພື່ອບໍ່ໃຫ້ໄຟລຸກລາມໄປ ໃສ່ສວນອ້ອຍຂອງປະຊາຊົນ ທີຢູໃກ້ຄຽງເຊີ່ງໃຊ້ເວລາປະມານ 40 ນາທີຈຶ່ງສາມາດສະ ກັດ ແລະ ຄວບຄຸ້ມໄຟໄວ້ໄດ້ສໍາ ເລັດ, ສ່ວນສາເຫດຂອງໄຟໄໝ້ໃນຄັ້ງນີແມ່ນເກີດມາຈາກ ທ້າວ ໄມ່ອຸນຕານ ອາຍຸ 32 ປີ, ອາຊີບປະຊາຊົນ, ຢູ່ບ້ານ ຫ້ວຍກົດ, ເມືອງສິງ ແຂວງ ຫຼວງນໍ້າທາ ເຊິ່ງເປັນເຈົ້າຂອງລົດທີເຂົ້າມາຕ່າງອ້ອຍເວລານັ້ນ. ລົດແມ່ນໄດ້ຕ່າງອ້ອຍໜັກ ຫຼາຍໂຕນ ແລ້ວຈຶ່ງເຮັດໃຫ້ລົດອ້ອຍໄດ້ຄາຢູ່ສວນອ້ອຍອອກໄປບໍ່ໄດ້ ຈຶ່ງໄດ້ບືນລົດຫຼາຍຄັ້ງ

ຈຶ່ງເຮັດໃຫ້ທໍ່ຄັວນລົດເກີດມີ ຄວາມຮ້ອນແລ້ວເກີດມີແປວໄຟ ແລະ ໄດ້ໄປຕິດໃສ່ໃບອ້ອຍທີຕັດແລ້ວຢູ່ສວນນັ້ນສົມ ທົບກັບເວລານັ້ນ, ແມ່ນອາກາດຮ້ອນ ແລະ ມີລົມແຮງ ຈຶ່ງເຮັດໃຫ້ໄຟໄໝ້ໃສ່ສວນອ້ອຍ ແລ້ວໄດ້ລຸກລາມມາໃສ່ລົດທີຈອດ ຢູ່ນັ້ນ ຈຶ່ງເຮັດໃຫ້ໄຟໄໝ້ ເກີດຂຶ້ນ ຜົນເສຍຫາຍສວນອ້ອຍທີຖືກໄຟໄໝ້ທັງໝົດປະມານ 2.000 ຕາແມັດ, ມູນຄ່າເສຍຫາຍປະມານ 7.000.000 ກີບ.

ນອກຈາກນີ້ຍັງມີລົດຕ່າງ ອ້ອຍ 1 ຄັນ ແລະ ເຄື່ອງທີໄວ້ຢູ່ໃນຫົວລົດມີ ເງິນກີບ 300.000 ກີບ, ( ສາມແສນກີບ ) ເງິນຢວນ 6.200 ຢວນ ( ຫົກພັນສອງຮ້ອຍ ຢວນ) ບັດປະຈຳຕົວ 1 ອັນ, ໃບຂັບຂີ່ 01 ອັນ, ໃບບິນນ້ຳມັນລົດ 12.700 ຢວນ ( ໜຶ່ງໝື່ນສອງພັນເຈັດຮ້ອຍຢວນ ແລະ ເອກະສານລົດ, ມູນຄ່າເສຍຫາຍປະມານ 100.000.000 ກີບ, ລວມມູນຄ່າ ເສຍຫາຍທັງໝົດ ປະມານ107.000.000 ກີບ ( ໜຶ່ງຮ້ອຍເຈັດລ້ານກີບ ).

ແນວໃດກໍ່ຕາມ ຝາກເຖິ່ງພໍ່-ແມ່ປະຊາຊົນ ຢູ່ພາຍໃນເມືອງສິງ ຂອງພວກເຮົາ ໃຫ້ມີສະຕິໃນການ ດັງຟືນໄຟຢູ່ພາຍໃນເຮືອນ, ຈູດຂີ້ເຫຍື້ອ, ຈູດສວນອ້ອຍ ແລະ ຈູດ ສິ່ງອື່ນໆ ໂດຍສະເພາະແມ່ນໃນລະດູເກັບກ່ຽວຜົນຜະ ລິດຕັດອ້ອຍ ເຊິ່ງເປັນຕົ້ນແມ່ນການຈູດ ສວນອ້ອຍໃຫ້ມີສະຕິໃນ ການຈູດ, ປອດໄພ ແລະ ຮັບປະກັນທາງດ້ານຊັບສິນ ຂອງລວມໝູ່ກໍ່ຄືຂອງພໍ່ແມ່ປະຊາຊົນ.