ມີ​ແຜນ​​ສ້າງສວນອຸທິຍານດອກຈຳປາຕິດພັນການທ່ອງທ່ຽວເຂດມໍລະດົກໂລກ

ອຳ​ນາດ​ການ​ປົກ​ຄອງແຂວງຈຳປາສັກ ມີ​ແຜນ​ຈະ​ສ້າງສວນອຸທິຍານ ດອກຈຳປາ ຕິດພັນກັບ ການ ທ່ອງທ່ຽວ ຢູ່​ເຂດມໍລະດົກໂລກ ວັດພູຈຳປາສັກ ເພື່ອພັດທະນາຕາມທິດສີຂຽວ ແລະ ຍືນຍົງ ຊຶ່ງດອກ​ຈຳ​ປາ​ນີ້​ແມ່ນດອກ​ໄມ້​ປະ​ຈຳ​ຊາດ​ຂອງ​ປະ​ເທດ​ລາວ ໂດຍ​ມີ​ການ​ຈັດ​ກອງ​ປະ​ຊຸມ​ປຶກ​ສາ​ຫາ​ລື​ກ່​ຽວ​ກັບ​ໂຄງ​ການ​ສ້າງ​ສວນ​ອຸ​ທິ​ຍານ​ດັ່ງ​ກ່າວ​ເມື່ອ​ມໍ່ໆ​ມາ​ນີ້ ທີ່​ແຂວງ​ຈ​ໍາ​ປາ​ສັກ ໂດຍການເຂົ້າຮ່ວມເປັນ​ປະ​ທານຂອງທ່ານ ວິໄລວົງ ບຸດດາຄຳ ເຈົ້າແຂວງຈໍາປາສັກ.

ທ່ານ ຈັນທະບູນ ສີປະເສີດ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ລາຍງານກ່ຽວກັບໂຄງການດັ່ງ​ກ່າວ​ທີ່ກອງ​ປະ​ຊຸມໃຫ້ຮູ້ວ່າ: ພາຍ​ຫຼັງ​ທີ່ລົງສໍາຫຼວດເກັບກໍາຂໍ້ມູນ​ຕົວ​ຈິງ​ຢູ່​ເຂດເນື້ອ​ທີ່​ເປົ່າ​ວ່າງ​ຢູ່​ເຂດ​ວັດ​ພູ​ຈຳ​ປາ​ສັກ​​ໃນ​ເບື້ອງ​ຕົ້ນເຫັນ​ວ່າ ເຂດພະສາດຫີນວັດພູຈຳປາສັກ ມີເນື້ອທີ່

ຈຳນວນຫຼາຍ​ກ່​ວາ 50 ເຮັກຕາ ແລະ ເຂດໂຮງນາງ ສີດາ ມີເນື້ອທີ່ 54.549 ຕາແມັດ ໂດຍ​ຈະ​ມີການກຳນົດພື້ນທີ່ປູກດອກຈຳປາໃນເບື້ອງຕົ້ນ​ຢູ່ 5 ຈຸດ, ໃນເນື້ອທີ່ດິນທີ່ຈະປູກໄດ້ຕົວຈິງມີປະ​ມານ 95.112 ​ຕາແມັດ ແລະ ແຜນປູກເບື້ອງຕົ້ນໃນເນື້ອທີ່ 49.904 ​ຕາແມັດ ໂດຍ​ມີ​ຕົ້ນ​ຈຳ​ປາ​ທີ່​ຈະ​ປູກ​ຈຳ​ນວນ 1.268 ຕົ້ນ.