ຊົມເຊີຍວັນສ້າງຕັ້ງສະຫະພັນແມ່ຍິງລາວຄົບຮອບ 66 ປີ

ໃຕ້ການນຳພາຂອງພັກ ສະຫະພັນແມ່ຍິງລາວເຕີບໃຫຍ່ເຂັ້ມແຂງຮອບດ້ານ

*ໃນລະບອບການປົກຄອງຂອງພວກສັກດີນາ, ພວກລ່າເມືອງຂຶ້ນແບບເກົ່າ ແລະ ແບບໃໝ່, ແມ່ຍິງລາວບັນດາເຜົ່າດຳລົງຊີວິດຢູ່ໃນຄວາມມືດມົນ, ບໍ່ມີອິດສະລະພາບ, ພວກເຂົາຖືແມ່ຍິງເປັນຄົນໂງ່ຈ້າ, ຫລ້າຫລັງ, ດູຖູກໝິ່ນປະໝາດ, ບໍ່ມີສິດ, ບໍ່ມີໂອກາດຮ່ຳຮຽນຍົກລະດັບຄວາມຮູ້ຄວາມສາມາດ, ຖືກກົດຂີ່ ຂົ່ ມ ເ ຫ ງ, ຂົ່ ມ ຂື ນ ທຳຊໍາເລົາ, ທຳ ລ າ ຍ ກຽດສັກສີ ເຮັດໃຫ້ແມ່ຍິງບໍ່ມີບົດບາດໃນດ້ານການເມືອງ, ເສດຖະກິດ, ວັດທະນະທຳ-ສັງຄົມ ລວມທັງບົດບາດ ຢູ່ໃນຄອບຄົວ;

ສະນັ້ນ ເພື່ອປົດປ່ອຍຕົນເອງອອກຈາກແອກປົກຄອງດັ່ງກ່າວ ແມ່ຍິງລາວບັນດາເຜົ່າໄດ້ອຸທິດຊີວິດ, ເລືອດເນື້ອເຫື່ອແຮງ, ສະຕິປັນຍາຄຽງບ່າຄຽງໄຫລ່ກັບເພດຊາຍຕໍ່ສູ້ກູ້ຊາດຢ່າງພິລະອາດຫານ. ຍ້ອນເຫັນບົດບາດແມ່ຍິງໃນພາລະກິດດັ່ງກ່າວ ພັກຈຶ່ງໄດ້ເອົາໃຈໃສ່ສຶກສາອົບຮົມ, ເຕົ້າໂຮມກຳລັງແຮງຂອງແມ່ຍິງ ໂດຍການຈັດຕັ້ງໜ່ວຍຄົ້ນຄວ້າວຽກງານແມ່ຍິງຂຶ້ນ ໃນວັນທີ 20 ກໍລະກົດ 1955 ຊຶ່ງແມ່ນຕົ້ນກຳເນີດ ຂອງອົງການຈັດຕັ້ງສະຫະພັນແມ່ຍິງລາວໃນປັດຈຸບັນ.

ໃນສະໄໝ ຕໍ່ ສູ້ ກູ້ ຊ າ ດ ແມ່ຍິງ ມີບົດບາດໃນການປຸກລະດົມຂົນຂວາຍບັນດາແມ່ຍິງໃນຂອບເຂດທົ່ວປະເທດ ໃຫ້ເຂົ້າຮ່ວມຂະບວນການຕໍ່ສູ້ປົດປ່ອຍຊາດ ດ້ວຍຮູບການເບິ່ງແຍງ, ລ້ຽງດູ, ຊຸກເຊື່ອງ, ຕິດຕໍ່, ສົ່ງຂ່າວ, ສົ່ງເອກະສານຕ່າງໆໃຫ້ພະນັກງານ, ທະຫານທີ່ປະຕິບັດໜ້າທີ່ຢູ່ແນວໜ້າ ແລະ ໃນເຂດຄວບຄຸມຂອງສັ ດ ຕູ , ລຳລຽງອາຫານ, ອ າ ວຸ ດ, ເຄື່ອງນຸ່ງຫົ່ມ ໃຫ້ພະນັກງານ, ນັກຮົບຢູ່ແນວໜ້າ; ປຸກລະດົມຂົນຂວາຍຊາວໜຸ່ມ, ລູກ, ຫລານອອກຮັບໃຊ້ປະເທດຊາດ, ປຸກລະດົມຂະບວນການຂອງແມ່ຍິງປະຕິບັດວຽກງານແນວຫລັງ, ເພີ່ມພູນຜະລິດຜົນຫາລ້ຽງກຸ້ມຕົນເອງ,

ປະຢັດເຂົ້າປາອາຫານເພື່ອສົ່ງໄປແນວໜ້າ ແລະ ມີແມ່ຍິງຈໍານວນຫລວງຫລາຍປະຕິບັດໜ້າທີ່ ເປັນທັງພໍ່ທັງແມ່ໃນເວລາດຽວກັນ, ເຮັດໜ້າທີ່ປຸກຢ້າວແປງເຮືອນ, ເຮັດໄຮ່, ເຮັດນາ ເພື່ອລ້ຽງດູຄອບຄົວ ແລະ ຜະລິດໄວ້ຊ່ວຍແນວໜ້າ, ເປັນເຈົ້າການປົກປັກຮັກສາເຂດນ້ຳແດນດິນອັນແສນຮັກ ແລະ ຫວງແຫນຂອງຕົນໄວ້ຢ່າງໝັ້ນຄົງ ດ້ວຍນ້ຳໃຈເສຍສະຫລະອັນສູງສົ່ງ ແລະ ອົງອາດກ້າຫານ. ໃນຂະບວນການດັ່ງກ່າວ ແມ່ຍິງລາວບັນດາເຜົ່າຈຶ່ງໄດ້ຮັບນາມມະຍົດເປັນວິລະຊົນແຫ່ງຊາດ, ນັ ກ ຮົ ບ ແຂ່ງຂັນທົ່ວປະເທດ, ມີແມ່ຍິງຈຳນວນຫລວງຫລາຍ ຖື ກ ຄັດເລືອກເປັນເປັນແບບຢ່າງທີ່ດີເດັ່ນ ໃນການປະກອບສ່ວນວຽກງານໃນຂົງເຂດຕ່າງໆ ຊຶ່ງໄດ້ຮັບການຍ້ອງຍໍຈາກພັກ-ລັດ ຢ່າງສົມກຽດ.

ພາຍຫລັງປະເທດຊາດໄດ້ຮັບການປົດປ່ອຍ ແລະ ສະຖາປະນາເປັນ ສາທາລະນະລັດ ປະຊາທິປະໄຕ ປະຊາຊົນລາວ ຈົນເຖິງປັດຈຸບັນ; ແມ່ຍິງລາວໄດ້ເຂົ້າຮ່ວມປະຕິບັດສອງໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດ; ຜ່ານຂະບວນການດັ່ງກ່າວ ສ້າງໃຫ້ແມ່ຍິງລາວໄດ້ຮັບການພັດທະນາໃນທຸກດ້ານ ສາມາດເຂົ້າຮ່ວມໃນທຸກຂົງເຂດວຽກງານ ແລະ ໄດ້ຮັບຄວາມເຊື່ອໝັ້ນຈາກການຈັດຕັ້ງ ພັກ-ລັດ, ສັງຄົມ ແລະ ຄອບຄົວ. ຕະຫລອດໄລຍະ 66 ປີ ແຫ່ງການສ້າງຕັ້ງສະຫະພັນແມ່ຍິງລາວ;

ພັກ-ລັດຖະບານ ໄດ້ຕີລາຄາສູງຕໍ່ຜົນງານການເຄື່ອນໄຫວຂອງແມ່ຍິງລາວ ແລະ ໄດ້ເອົາໃຈໃສ່ຊຸກຍູ້ສົ່ງເສີມພັດທະນາແມ່ຍິງໃນທຸກຊົນເຜົ່າ, ສາຂາອາຊີບ, ບໍ່ມີຂົງເຂດໃດ ແລະ ວຽກງານໃດທີ່ບໍ່ມີເອື້ອຍນ້ອງແມ່ຍິງໄດ້ເຂົ້າຮ່ວມ ແລະ ປະກອບສ່ວນຄຽງບ່າຄຽງໄຫລ່ກັບເພດຊາຍ. ພ້ອມດຽວກັນນັ້ນ, ພັກ-ລັດຖະບານ ກໍໄດ້ສ້າງເງື່ອນໄຂ ແລະ ເອື້ອອໍານວຍຄວາມສະດວກໃຫ້ແກ່ແມ່ຍິງລາວບັນດາເຜົ່າໄດ້ມີໂອກາດໃນການສຶກສາຮໍ່າຮຽນ, ຍົກລະດັບຄວາມຮູ້ດ້ານທິດສະດີການເມືອງ, ວິຊາສະເພາະໃນຂະແໜງການຕ່າງໆ ອັນໄດ້ເຮັດໃຫ້ເອື້ອຍນ້ອງແມ່ຍິງຈໍານວນບໍ່ໜ້ອຍກາຍເປັນອາຈານສອນ,

ເປັນແພດໝໍທີ່ຊໍານານງານ, ກາຍເປັນນັກການເມືອງ, ນັກການທູດ, ນັກວິທະຍາສາດ, ນັກປະພັນ, ນັກປະດິດຄິດແຕ່ງ, ນັກສະແດງ, ນັກທຸລະກິດທີ່ດີ ແລະ ເກັ່ງນັບມື້ນັບຫລາຍຂຶ້ນ. ພ້ອມດຽວກັນນີ້, ສູນກາງສະຫະພັນແມ່ຍິງໄດ້ສືບຕໍ່ເອົາໃຈໃສ່ຊີ້ນຳ ນຳພາສະຫະພັນແມ່ຍິງລາວ ແຕ່ລະຂັ້ນ ໃຫ້ເປັນເຈົ້າການນຳພາ ປະຕິບັດຂໍ້ແຂ່ງຂັນ 3 ດີ ໃຫ້ແທດເໝາະກັບກົມກອງທັງທ້ອງຖິ່ນ. ພ້ອມກັນຈັດຕັ້ງຜັນຂະຫຍາຍວຽກງານ 3 ສ້າງ ຕິດພັນກັບການຈັດຕັ້ງປະຕິບັດຂໍ້ແຂ່ງຂັນ 3 ດີ ຂອງສະຫະພັນແມ່ຍິງລາວ ແລະ ຂະບວນການແຂ່ງຂັນຮັກຊາດ ແລະ ພັດທະນາ.

ເພື່ອສືບຕໍ່ສ້າງຜົນງານໃໝ່ທີ່ໃຫຍ່ຫລວງກວ່າເກົ່ານັ້ນ ແມ່ຍິງລາວບັນດາເຜົ່າຕ້ອງໄດ້ສືບຕໍ່ຮັກສາຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ຮັກສາໄດ້ຄຸນລັກສະນະທີ່ເປັນມູນເຊື້ອຂອງແມ່ຍິງລາວ, ຕ້ານ ແລະ ສະກັດກັ້ນປາກົດການ ຫ ຍໍ້ ທໍ້ ທີ່ເກີດຂຶ້ນໃນຖັນແຖວແມ່ຍິງ ແລະ ຄອບຄົວ; ຈັດຕັ້ງປະຕິບັດ ຄຳຂວັນ ແລະ ຂໍ້ ແຂ່ງຂັນ 3 ດີ ຂອງສະຫະພັນແມ່ຍິງລາວ ຢ່າງກວ້າງຂວາງ; ສົ່ງເສີມໃຫ້ແມ່ຍິງໄດ້ຮັບການພັດທະນາດ້ານແນວຄິດຈິດໃຈ, ຮ່າງກາຍ, ການສຶກສາ, ວິຊາຊີບ ແລະ ສີມືແຮງງານ ແລະ ໄດ້ຮັບນາມມະຍົດດີເດັ່ນໃນທຸກສາຂາອາຊີບເພີ່ມຂຶ້ນ;

ສືບຕໍ່ປົກປ້ອງສິດຜົນປະໂຫຍດອັນຊອບທຳຂອງ ແມ່ຍິງ-ເດັກນ້ອຍ, ສົ່ງເສີມຄວາມກ້າວໜ້າຂອງແມ່ຍິງ ແລະ ຄວາມສະເໝີພາບ ຍິງ-ຊາຍ ຢ່າງກວ້າງຂວາງ; ສົ່ງເສີມໃຫ້ແມ່ຍິງໄດ້ຮັບການບັນຈຸ, ສັບຊ້ອນເຂົ້າໃນຕຳແໜ່ງນຳພາ-ຄຸ້ມຄອງ ໃຫ້ມີຈຳນວນເພີ່ມຂຶ້ນ; ສືບຕໍ່ພົວພັນຮ່ວມມືກັບການຈັດຕັ້ງແມ່ຍິງປະເທດເພື່ອນມິດ, ປະເທດອາຊຽນ ແລະ ອົງການຈັດຕັ້ງສາກົນມີປະສິດທິຜົນຫລາຍຂຶ້ນກວ່າເກົ່າ.

ຊົມເຊີຍວັນສ້າງຕັ້ງສະຫະພັນແມ່ຍິງລາວ, ວັນທີ 20 ກໍລະກົດ ຄົບຮອບ 66 ຢ່າງສຸດໃຈ