ສະຖານະ​ການຍັງຄົງ​ເຄັ່ງຮ້ອນເຂດ ກາຊາ ມີຜູ້​ເສຍ​ຊີວິດຈຳນວນຫຼາຍຄົນ

ຕາມ​ຂ່າວ​ຈາກ ປາ​ເລ​ສຕິນ, ວັນ​ທີ 19 ພຶດສະພາ​ 2021 ນີ້ ຫລາຍ​ຝ່າຍ ຮຽກຮ້ອງ​ໃຫ້​ມີ ​ການ​ເຈລະຈາ​ ຮອບ​ໃໝ່ ລວມທັງ ​ອົງການ​ ຈັດຕັ້ງສາກົນຕ່າງໆ ​ເພື່ອ​ຮ່ວມ​ກັນ ​ແກ້​ໄຂ​ ຂໍ້​ຂັດ​ແຍ່ງ ລະຫວ່າງ ປາ​ເລ​ສຕິນ(Palestine)​ແລະ ອິດສະຣາ​ແອນ(Israel) ໂດຍ​ສັນຕິ​ວີ​ທີ ​ຫລັງ​ຈາກ ສູ້​ຮົບ​ກັນ​ມາ ​ເປັນ​ວັນ​ທີ 10 ​ແລ້ວ

ສົ່ງ​ຜົນ​ໃຫ້​ມີ ​ຜູ້​ເສຍ​ຊີວິດ 217 ຄົນ ​ໃນ​ນີ້ ມີ​ທັງ​ເດັກ ​ແລະ ຜູ້ຍິງ​​ ​ເຖິງ​ເຄິ່ງໜຶ່ງ ​ແລະ ສ້າງ​ຄວາມ​ເສຍ​ຫາຍ ​ຢ່າງ​ໜັກ ໃນເຂດ ກາຊາ ຫລັງ​ຈາກ ໜ່ວຍ​ງານ​ຂອງ ສະຫະ​ ປະຊາ​ຊາດ ປະ​ເມີນ​ວ່າ: ມີ​ອາຄານ 450 ຫລັງ, ​ໂຮງໝໍ 6​ ແຫ່ງ ​ແລະ ສູນ​ສຸຂະພາບ 6 ​ແຫ່ງ ຖືກ​ທຳລາຍ. ປັດຈຸບັນ ສະຖານະ​ການ ​ຍັງຄົງ​ເຄັ່ງຮ້ອນຢູ່.