ເ ມົ າ ກ າ ວ ແລ້ວ ກຸ ມ ແມ່ຕູ້ສຸດທ້າຍຕິດ ຄຸ ກ ມີ ໂ ທ ດ ໜັ ກ

ວັນທີ 18 ພຶດສະພາ ຜ່ານມາ,ເຈົ້າໜ້າທີ່ກອງບັນ ຊາການ ປກສ ເມືອງທ່າແຂກ ແຂວງຄຳມ່ວນ ໄດ້ນຳຕົວຜູ້ຖືກຫາ ຊື່ ທ້າວ ຕໍ່ ຫຼື ຈະລີ ອາຍຸ 25 ປີ ຢູ່ບ້ານນາກຸ່ມ ເມືອງທ່າແຂກ ໃນຂໍ້ຫາ ເສບສານລະເຫີຍ(ກາວ3K) ແລະ ຂົ່ມຂືນທໍາຊໍາເລົາ, ຄ າ ດ ຕ ະ ກໍ າ ແມ່ຕູ້ສົມ ອາຍຸ 70 ປີ ຄົນບ້ານດຽວກັນ ໄປສາ ທິດທຳແຜນປະກອບຮັບຄຳສາລະພາບຄືນ ເພື່ອປະກອບໃສ່ຄຳນວນຄະດີ ສົ່ງໄອຍະການ ສັ່ງຟ້ອງສານຕັດສິນ ຕາມກົດໝາຍ. ເຈົ້າໜ້າທີ່ ປກສ ເມືອງທ່າແຂກ ໃຫ້ຮູ້ວ່າ:

ເວລາປະມານ 8:20 ໂມງ ຂອງວັນທີ 17 ມີນາ2021,ຜູ້ຖືກຫາ ໄປຊື້ກາວ 3K ຢູ່ທີ່ຕະຫຼາດບ້ານນາສະອາດ ຈຳນວນ 1 ປ໋ອງ ໃນລາຄາ 10.000 ກິີບ,ແລ້ວກໍໄດ້ເອົາໄປດົມຄົນດຽວຈົນມີຄວາມມືນເມົາ.ໃນເວລານັ້ນ, ຜູ້ກ່ຽວກໍໄດ້ແນມເຫັນ ແມ່ຕູ້ສົມ ທີ່ກຳລັງຂຸດກະປູຢູ່ທົ່ງນາ.ຫຼັງຈາກນັ້ນ, ຜູ້ກ່ຽວ ຍ່າງໄປຫາແມ່ ຕູ້ສົມເພື່ອບັງຄັບແມ່ຕູ້ສົມ ຮ່ ວ ມ ເ ພ ດ ສຳ ພັ ນ ກັບຜູ້ກ່ຽວ, ແຕ່ແມ່ຕູ້ສົມ ໄດ້ປະຕິເສດ ແລະ ເວົ້າວ່າ ຈະເອົາເງິນໃຫ້ 4.000 ກີບ, ເມື່ອໄດ້ຍິນແນວນັ້ນ ທ້າວ ຕໍ່ ເກີດຄວາມຢາກຮ້າຍ ແລ້ວໃຊ້ມືຍູ້ແມ່ຕູ້ສົມ ຈົນລົ້ມລົງພື້ນດິນ ແລ້ວກໍໄດ້ ຂົ່ ມ ຂື ນ ຈົນສຳເລັດ. ຫຼັງ ຈາກນັ້ນ,ຜູ້ກ່ຽວ ຄິດຢ້ານແມ່ຕູ້ສົມ ໄປບອກຄອບ ຄົວຍາດພີ່ນ້ອງ ຈຶ່ງຈັບເອົາໄມ້ຄ້ອນ ຍາວປະມານ 70 ຊັງຕີເເມັດ ທຸ ບ ຕີ ແມ່ຕູ້ຫຼາຍບາດ ພ້ອມທັງ ໃຊ້ກຳປັ້ນ ຕີ ໃບໜ້າ ຈົນແມ່ຕູ້ໝົດສະຕິໄປ. ຈາກນັ້ນ, ກໍກັບໄປ ດົ ມ ກ າ ວ ທີ່ຍັງເຫຼືອຕໍ່ຢູ່ຖຽງນາບ່ອນເກົ່າຫ່າງ ຈາກຈຸດເກີດເຫດ ປະມານ 45 ແມັດ ແລ້ວກໍໄດ້ເອົາຕົວລົບໜີ.

ຕໍ່ມາ ມີຄົນໄປພົບເຫັນແມ່ຕູ້ສົມ ທີ່ໄດ້ຮັບ ບ າ ດ ເ ຈັ ບ ສ າ ຫັ ດ ແລະ ໝົດສະຕິຢູ່ ຈຶ່ງໄປບອກຍາດພີ່ນ້ອງຂອງແມ່ຕູ້ສົມ ແລ້ວນຳສົ່ງໄປປິ່ນ ປົວຢູ່ໂຮງໝໍແຂວງຄຳມ່ວນ, ມາຮອດເວລາ 16:30 ໂມງຂອງວັນດຽວກັນ ແມ່ຕູ້ສົມ ກໍ ເ ສ ຍ ຊີ ວິ ດ. ໃນວັນດຽວກັນ, ເຈົ້າໜ້າທີ່ຕຳຫຼວດ ປກສ ກຸ່ມເໝືອງບ່າ ໄດ້ສົມທົບກັບການຈັດຕັ້ງບ້ານນາກຸ່ມ ກໍສາມາດຕິດຕາມຈັບທ້າວຕໍ່ ສົ່ງໃຫ້ກອງບັນຊາການ ປກສ ເມືອງທ່າແຂກ ດຳເນີນຄະດີຕາມຂັ້ນຕອນຂອງກົດໝາຍຕໍ່ໄປ.