ສຶກສາອົບຮົມແມ່ຕູ້ພາແຕ່ລູກຫຼານຫຼີ້ນແຕ່ໄພ້

ໃນວັນທີ 21 ມິຖຸນາ 2021 ເວລາ 14:00 ໂມງ ເຈົ້າໜ້າທີ່ສະຖານີຮັບແຈ້ງ ແລະ ແກ້ໄຂເຫດສຸກເສີນ 1191 ໄຊສົມບູນໄດ້ນຳກຳລັງສົມທົບກັບອຳນາດການປົກຄອງບ້ານເຂົ້າແກ້ໄຂການພະນັນທີ່ຕ້ອງຫ້າມ ຫຼື ຫຼີ້ນໄພ້ ຢູ່ເຮືອນຂອງນາງນ້ອຍ ອາຍຸ 52 ປີ ປະຊາຊົນ ບ້ານໄຊສົມບູນ ເມືອງໄຊທານີ ນະຄອນຫຼວງວຽງຈັນ ພ້ອມຜູ້ຮ່ວມຫຼີ້ນໄພ້ອີກ 8 ຄົນທັງໝົດ ແມ່ນປະຊາຊົນ ພາຍໃນບ້ານໄຊສົມບູນ ເມືອງໄຊທານີ ນະຄອນຫຼວງວຽງຈັນ. ​ຕໍ່ກັບການກະທຳດັ່ງກ່າວເປັນການລະເມີດຄຳສັ່ງ ເລກທີ 15/ນຍ, ແຈ້ງການເລກທີ 02/ຈນວ ແລະ ເປັນການກະທຳທີ່ແຕະຕ້ອງເຖິງສາຍພົວພັນທາງສັງຄົມປະມວນກົດໝາຍອາຍາມາດຕາ 141 ວ່າດ້ວຍການຫຼີ້ນພະນັນທີ່ຕ້ອງຫ້າມ,

ແຕ່ຍ້ອນເປັນການກະທຳຜິດຄັ້ງທຳອິດ ແລະ ຜົນເສຍຫາຍເກີດຂື້ນເລັກນອ້ຍເບົາບາງ ຈຶ່ງໄດ້ສຶກສາອົບຮົມນຳໃຊ້ມາດຕະການປັບໃໝຕາມລະບຽບຂອງບ້ານ. ເພື່ອປ້ອງກັນ ແລະ ຄວບຄຸມການລະບາດຂອງເຊື້ອພະຍາດ ໂຄວິດ 19 ຢູ່ນະຄອນຫຼວງວຽງຈັນ ໃຫ້ລຸດລົງກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງມາຍັງ ຊາວນະຄອນຫຼວງວຽງຈັນ ຈົ່ງພ້ອມກັນປະຕິບັດຕາມຄຳສັ່ງ, ແຈ້ງການ ແລະ ລະບຽບການທີ່ທາງຄະນະສະເພາະກິດໄດ້ກຳນົດ, ຖ້າພົບເຫັນການຕັ້ງວົງຊຸມນຸມ ຫຼື ຊຸມແຊວ, ສະພາບປະກົດການຫຍໍ້ທໍ້ທີ່ເກີດຂຶ້ນໃນນະຄອນຫຼວງວຽງຈັນ ແລະ ພົບເຫັນຜູ້ລະເມີດ ໃຫ້ແຈ້ງມາທີເບີ Whatsapp 020 28899774.​