ເມືອງປາກກະດິງກວດພົບຜູ້ ຕິ ດ ເ ຊື້ ອ ພະຍາດ ໂ ຄ ວິ ດ -19

ຕາມການລາຍງານຈາກ ທ່ານ ສົມພອນ ຈັນທະນາສຸກ ເຈົ້າເມືອງປາກກະ ດິງ ແຂວງບໍລິຄຳໄຊ ໃນນາມຕາງໜ້າຄະນະສະເພາະກິດ ເຝົ້າລະວັງ, ປ້ອງກັນ, ຕ້ານ ແລະ ສະກັດກັ້ນ ການລະບາດຂອງພະຍາດ ໂ ຄ ວິ ດ -19 ຂັ້ນເມືອງ ເມື່ອບໍ່ດົນນີ້ວ່າ: ປັດຈຸ ບັນ ເມືອງປາກກະດິງ ໄດ້ກວດພົບຜູ້ຕິດເຊື້ອພະຍາດ ໂ ຄ ວິ ດ -19 ຈຳນວນ 1 ຄົນ ທີ່ນຳເຂົ້າມາຈາກຈັງວັດປະທຸມທານີ ຣາຊະອານາຈັກໄທ ໄດ້ນຳສົ່ງໄປປິ່ນປົວຢູ່ສູນປິ່ນປົວຂອງແຂວງບໍລິຄຳໄຊ.

ຂະນະທີ່ຜູ້ມີຄວາມສ່ຽງສູງຕໍ່ການ ຕິ ດ ເ ຊື້ ອ ພະຍາດ ໂ ຄ ວິ ດ -19 ກໍໄດ້ແຍກອອກໄປກັກກັນຢູ່ອີກສູນໜຶ່ງ, ພ້ອມທັງມີການຕິດຕາມຢ່າງໃກ້ຊິດ ແລະ ປະຕິບັດມາດຕະການຢ່າງເຂັ້ມງວດ. ນັບແຕ່ກາງເດືອນເມສາ 2021 ເປັນຕົ້ນມາ, ຄະນະສະເພາະກິດເມືອງປາກກະດິງ ໄດ້ເອົາໃຈໃສ່ຜັນຂະຫຍາຍມາດຕະການ ແລະ ນິຕິກຳຕ່າງໆທີ່ຂັ້ນເທິງວາງອອກຢ່າງເຂັ້ມງວດ. ພ້ອມທັງໄດ້ກະກຽມສູນກັກກັນ 2 ສູນຄື: ສະໂມສອນດອກປີກໄກ່ຂອງເມືອງ ແລະ ໂຮງຮຽນປະຖົມສົມບູນໂພນງາມ ເພື່ອຮອງຮັບບຸກຄົນ ທີ່ມາເດີນທາງຈາກຕ່າງປະເທດ ແລະ ເຂດທີ່ມີຄວາມສ່ຽງ.

ມາຮອດປັດຈຸບັນ ມີ ແ ຮ ງ ງານລາວທີ່ຂ້າມມາຈາກຕ່າງປະເທດ ຕາມຈຸດຕ່າງໆທີ່ໄດ້ກຳນົດໄວ້ຈຳນວນ 200 ກວ່າຄົນ, ແຕ່ລະຄົນກໍໄດ້ນຳເຂົ້າມາຈຳກັດບໍລິເວນຢູ່ສູນກັກກັນຂອງເມືອງ ຕາມມາດຕະການທີ່ຂັ້ນເທີງວາງອອກຢ່າງເຂັ້ມງວດ ແລະ ຜ່ານການກວດຫາເຊື້ອແມ່ນມີຜູ້ ຕິ ດ ເ ຊື້ ອ 1 ຄົນ. ໂອກາດນີ້, ທ່ານ ສົມພອນ ຈັນທະນາສຸກ ໃນນາມຕາງໜ້າຄະນະສະເພາະກິດຂັ້ນເມືອງ ກໍໄດ້ຮຽກຮ້ອງມາຍັງປະຊາຊົນເມືອງປາກກະດິງ ຮ່ວມແຮງຮ່ວມໃຈກັນປະຕິບັດຕາມມາດຕະການຕ່າງໆທີ່ຂັ້ນເທິງວາງອອກຢ່າງຈິງໃຈ ເພື່ອເປັນທ່າ ແ ຮ ງ ສະ ກັ ດ ກັ້ ນ ແລະ ປ້ອງກັນ ການ ລ ະ ບ າ ດ ພະຍາດ ໂ ຄ ວິ ດ -19 ໃຫ້ໄດ້ຮັບຜົນດີ.