ຈະພັດທະນາເມືອງໃໝ່ຂອງນະຄອນຫຼວງວຽງຈັນ 24 ບ້ານທີ່ຂຶ້ນເມືອງໄຊທານີ

ລັດ​ຖະ​ບານ​ລາວ ໂດຍ​ສະ​ເພາະ​ອຳ​ນາດ​ການ​ປົກ ​ຄອງ​ນະ​ຄອນ​ຫຼວງວຽງ​ຈັນ (ນວ) ຈະ​ພັດ​ທະ​ນາ ​ຮອບ​ ດ້ານໃນ​ອະ​ນາ​ຄົດ ຢູ່ 24 ບ້ານທີ່​ຂຶ້ນ​ກັບເມືອງ ໄຊທານີ ນວ ໂດຍສະເພາະບ້ານທີ່ຢູ່ຟາກ ນໍ້າດ້ານຕາເວັນອອກທີ່ມີຊາຍ ແດນຕິດກັບເມືອງທຸລະຄົມ ແຂວງວຽງຈັນ ເພື່ອສ້າງ​ ເປັນ​ເມືອງ​ໃໝ່ ຂອງ ນວ ພາຍ​ຫຼັງ​ ທີ່​ເຈົ້າ​ຄອງ​ນະ ​ຄອນ​ຫຼວງວຽງ​ຈັນ​ໄດ້​ອອກ ຂໍ້ຕົກລົງເມື່ອ​ມໍ່ໆ​ມາ​ນີ້ ​​ໃນ​ການກຳ​ນົດເອົາ​ເມືອງ ​ໄຊ​ທາ​ນີ ຊຶ່ງ ກວມ​ເອົາ 24 ບ້ານເປັນຂອບເຂດ ເມືອງໃໝ່​ດັ່ງ​ ກ່າວໂດຍ​ຈະ​ມີ​ການ ສໍາຫຼວດເກັບກຳຂໍ້ມູນສ້າງ ແຜນທີ່ຂອບເຂດເມືອງ, ແຜນຜັງ ຕົວເມືອງ, ແຜນທີ່ ການນຳໃຊ້ທີ່ດິນກະສິກຳ,

ການຈັດສັນທີ່ດິນ ແຕ່ລະປະເພດ ແລະ ອື່ນໆ ໃນ​ໄວໆ​ນີ້ ເພື່ອປະກອບ ເຂົ້າໃນບົດວິພາກ ຂອງ ການສ້າງຕັ້ງເມືອງ​. ຈຳນວນ 24 ບ້ານ​ທີ່​ໄດ້​ອອກ​ຂໍ້​ຕົກ​ລົງ​ກຳ​ນົດ​ເປັນ ​ເຂດ​ເມືອງ​ໃໝ່ດັ່ງ​ກ່າ​ວ ປະ​ກອບ​ມີ: ບ້ານ ນາໂງມ ເກົ່າ, ນາໂງມໃໝ່, ນາກາຍ, ນາຄັນທຸງ, ໂພນແພງ, ຫົວຂົວ, ຫົວນາ, ນາຕານ, ຊໍາບອນ, ທົ່ງມັ່ງ, ຂຸດ ສາມບາດ, ຫາດກ້ຽງ, ນາກຸງ, ໂພນຄໍ້, ໂພນໄຮ່ຄຳ, ໂພນໂຮງ, ຫາດພະອິນ, ດວງບຸດດີ, ນາແຖ, ທ່າດິນ ແດງເໜືອ, ທ່າດິນແດງໃຕ້, ເວີນແທ່ນ, ທ່າຈຳປາ ແລະ ບ້ານໄຮ່.

ຂໍ້​ມູນຂ່າວຈາກ ຫ້ອງວ່າ​ການ ນວ