ສາວແມ່ຄ້າອອນລາຍຖືກເລກ 4 ໂຕຍ້ອນນັກຮ້ອງວົງ BTS

ວັນທີ 24/5/2021 ສາວ ລັກກີ້ ອາຊີບແມ່ຄ້າອອນລາຍ ແລະ ຂາຍເລກ ມື້ນີ້ເປັນມື້ສັນວັນດີສຸດໆ ທີ່ຕົນເອງຖືກເລກ 4 ໂຕ ເພາະຊື້ຕາມ MV ເພງວົງນັກຮ້ອງຊື່ດັງ BTS ທີ່ໄດ້ອອກມາໃໝ່ ແລະ ໃນ MV ດັ່ງກ່າວກໍມີຕອນທີ່ນັກຮ້ອງຈັບປ້າຍບອກເຖິງໂຕເລກ.

ລັກກີ້ ໄດ້ໃຫ້ສຳພາດວ່າ: ວົງນີ້ເປັນວົງທີ່ຕົນເອງມັກມາດົນແລ້ວ ແລະ ມີໝູ່ທີ່ເປັນແຟນຄັບ BTS ໄດ້ສົ່ງຮູບມາໃຫ້ເບິ່ງ ຈຶ່ງໄດ້ຊື້ເລກນຳກັນ. ໂດຍສ່ວນຕົວແລ້ວ ລັກກີ້ ມີສະມາຊິກໃນວົງທີ່ມັກເປັນພິເສດຄື ຈີມິນ.

ໃນການຖືກເລກຄັ້ງນີ້ ລັກກີ້ ຮູ້ສຶກດີໃຈ ແລະ ຕື່ນເຕັ້ນແຮງຈົນບອກບໍ່ຖືກ ປົກກະຕິຖືກເລກທຳມະດາກໍດີໃຈພໍແຮງ ແຕ່ນີ້ຖືກນຳວົງທີ່ຕົນເອງຕິ່ງ ເລີຍມີຄວາມສຸກສຸດໆ.