ພໍ່ຕູ້ບຸນມາບ້ານຝາຍເສຍຊີວິດແລ້ວຈາກເຊື້ອໂຄວິດ

ຊາດວ່າຕາດູຕົນແທ້ ທັງທີຢູ່ເຮືອນບໍ່ໄດ້ໄປໃສ ກໍ່ມີຜູ້ເອົາເຊື້ອມາຕິດເຮັດໃຫ້ເສຍຊີວິດ ຍັງຊິພາກັນປະໝາດຖືເບົາກັນຢູ່ບໍ?? ຕອນເຊົ້າວັນທີ 28/5/2021 ນຳສົ່ງຜູ້ເສຍຊີວິດຈາກໂຄວິດ-19 ຜູ້ທີ່ 3 ເປັນເພດຊາຍ ອາຍຸ 74 ປີ ບ້ານຝາຍ ເມືອງໄຊເສດຖາ ນວຈ ຂໍໃຫ້ດວງວິນຍານຂອງເພິ່ນໄປສູ່ສຸຂະຕິ, ປະຈຸບັນພໍ່ຕູ້ບຸນມາ ເສຍຊີວິດແລ້ວ ພາກສ່ວນກ່ຽວຂ້ອງລາຍງານມາວ່າ ພໍ່ຕູ້ ບຸນມາ ຢູ່ ບ້ານຝາຍ ທີ່ເປັນຂ່າວຕິດເຊື້ອແລ້ວກະຊວງພະລັງງານ ແລະ ບໍ່ແຮ່ອອກແຈ້ງການໃຫ້ພະນັກງານພາຍໃນກະຊວງ ໃຜໄປພົວພັນຮ້ານພໍ່ຕູ້ບຸນມາໃຫ້ໄປກວດເຊື້ອ

ຂໍສະແດງຄວາມເສຍໃຈນຳ, ສະຫຼຸບການລະບາດຂອງພະຍາດໂຄວິດ-19 ປະຈຳວັນທີ 28 ພຶດສະພາ 2021 ກວດພົບຜູ້ຕິດເຊື້ອໃໝ່ 10​ ຕົວຢ່າງ​ ແລະ​ ເສຍຊີວິດ​ໃຫມ່​ 1​ ຄົນ​ ເພດຊາຍ​ ອາຍຸ​ 74​ ປີ​ ຢູ່​ບ້ານຝາຍ,​ ເມືອງໄຊເສດຖາ,​ ນະຄອນຫຼວງວຽງຈັນ. ຜູ້ຕິດເຊື້ອໃຫມ່ມີ ນະຄອນຫຼວງວຽງຈັນ 7 ຄົນ, ສະຫວັນນະເຂດ 1 ຄົນ (ນໍາເຂົ້າ), ຈຳປາສັກ​ 1 ຄົນ​ (ນຳເຂົ້າ), ຫຼວງນ້ຳທາ​ 1​ ຄົນ​ (ນຳເຂົ້າ)