ໂຮງໝໍ 20 ແຫ່ງ ແລະ ໂຮງໝໍພາກສະໜາມ 22 ແຫ່ງເພື່ອປິ່ນປົວ ໂ ຄ ວິ ດ – 19

ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ ລ ະ ບ າ ດ ຂອງພະຍາດ ໂ ຄ ວິ ດ – 19 ແຈ້ງໃຫ້ຮູ້ວ່າ: ສປປ ລາວມີຄວາມພ້ອມໃນການຮັບມືກັບ ຜູ້ ຕິ ດ ເ ຊື້ ອ ພະຍາດ ໂ ຄ ວິ ດ – 19 ໂດຍມີໂຮງໝໍ 20 ແຫ່ງ ແລະ ໂຮງໝໍພາກສະໜາມອີກ 22 ແຫ່ງ ໃນຂອບເຂດທົ່ວປະເທດເພື່ອປິ່ນ ປົວ ຜູ້ ຕິ ດ ເ ຊື້ ອ ພະຍາດ ດັ່ງກ່າວ. ສະເພາະຢູ່ ນະຄອນຫຼວງວຽງຈັນ ມີໂຮງໝໍ 3 ແຫ່ງຄື: ໂຮງໝໍເສດຖາທິລາດ, ໂຮງໝໍສູນກາງ 103 ກອງທັບ ແລະ ໂຮງໝໍມິດຕະພາບ ທີ່ເປັນໂຮງໝໍຫຼັກໃນການປິ່ນປົວ ຜູ້ ຕິ ດ ເ ຊື້ ອ ທີ່ມີອາການ ໜັ ກ ແລະ ປານກາງ, ນອກນັ້ນຍັງມີໂຮງໝໍພາກສະໜາມຈໍານວນໜຶ່ງໄວ້ຮອງຮັບ ຊຶ່ງປະກອບ ມີສູນ ກິລາລ້ານຊ້າງມີ 354 ຕຽງ, ສູນຫຼັກ 27 ມີ 300 ຕຽງ, ສູນກິລາຫ້ວຍຫົງ ມີ 150 ຕຽງ, ສູນ ມ ຊ ດົງໂດກ ມີ 200 ຕຽງ,

ສູນກິລາຫຼັກ 16 ມີ 180 ຕຽງ, ຖ້າໃນກໍລະນີ ຄົນເຈັບເພີ່ມຂຶ້ນຍັງມີ 1 ອາ ຄານຢູ່ສູນຫຼັກ 16 ຍັງສາມາດຮອງຮັບໄດ້ 180 ຕຽງ ແລະ ສູນ ມຊ ດົງໂດກອີກ 1 ແຫ່ງ ສາມາດຮອງຮັບໄດ້ 150 ຕຽງ ໂດຍສັງລວມແລ້ວ ຢູ່ນະຄອນຫຼວງວຽງຈັນ ມີຕຽງຮອງຮັບ ຜູ້ ຕິ ດ ເ ຊື້ ອ ທັງໝົດ 1.376 ຕຽງ ຊຶ່ງປັດຈຸບັນມີຄົນເຈັບນອນປິ່ນປົວຢູ່ພຽງ 890 ຄົນ ນັ້ນສະ ແດງວ່າຍັງເຫຼຶອຕຽງວ່າງໄວ້ຮອງຮັບຫຼາຍກວ່າ 500 ຕຽງ. ສະເພາະຢູ່ບັນດາແຂວງທີ່ມີ ແ ຮ ງ ງານກັບຄືນປະເທດເປັນຈໍານວນຫຼາຍ ໂດຍສະເພາະ ແຂວງ ຄໍາມ່ວນ ມີ 990 ຕຽງ, ສະຫວັນນະເຂດ ມີ 2.930 ຕຽງ, ສາລະວັນ ມີ 676 ຕຽງ ແລະ ແຂວງຈໍາ ປາສັກ ມີ 1.176 ຕຽງ. ສໍາລັບທີມແພດໝໍຫຼັກໃນການຮັບມືກັບພະຍາດດັ່ງກ່າວນັ້ນໄດ້ມີການຝຶກອົບຮົມ ໃຫ້ 1.075 ຄົນ, ທີມງານສໍາຮອງ ຈໍານວນ 706 ຄົນ ແລະ ທິມງານສະໜັບສະໜູນ 1.202 ຄົນ.

CR: ວຽງຈັນທາມ