ສູນເລືອດແຫ່ງຊາດແລະສູນເລືອດແຂວງທົ່ວປະເທດຂາດເລືອດຢ່າງ ໜັ ກ

ຈາກການ ລ ະ ບ າ ດ ຂອງ ໂ ຄ ວິ ດ – 19 ຮອບ 2 ນີ້ ເຮັດໃຫ້ ສູນເລືອດແຫ່ງຊາດ ແລະ ສູນເລືອດ ທຸກແຫ່ງ ທົ່ວປະເທດ ປະສົບບັນຫາ ຂາດເລືອດ ຢ່າງ ໜັ ກ ຄື ມີເລືອດສໍາຮອງ ຢູ່ໃນຂັ້ນ ວິ ກິ ດ.

ສະເພາະ ຢູ່ນະຄອນຫຼວງວຽງຈັນ ກໍແມ່ນຂາດເລືອດ ໜັ ກ ກວ່າໝູ່ ຄື ຕາມມາຕຖານ ສາກົນແລ້ວ ສູນເລືອດ ແຫ່ງຊາດ ຕ້ອງມີ ເລືອດສໍາຮອງ ເພື່ອຊ່ອຍເຫຼືອ ຄົນເຈັບ ພາຍໃນ ນະຄອນຫຼວງວຽງຈັນ ຢ່າງໜ້ອຍ 80 ຖົງຕໍ່ມື້, ແຕ່ປັດຈຸບັນ ສູນເລືອດແຫ່ງຊາດ ມີເລືອດສໍາຮອງ ພຽງແຕ່ ມື້ລະບໍ່ກາຍ 40 ຖົງ.

ເຊິ່ງຕາມຫຼັກການແລ້ວ ຖ້າສູນເລືອດ ແຫ່ງຊາດ ມີເລືອດສໍາຮອງ ຢູ່ໃນ ຂັ້ນ ວິ ກິ ດ ແນວນີ້ ມັນຈະສົ່ງຜົນ ໃຫ້ ກ ະ ທົ ບ ຕໍ່ຄົນເຈັບ ທີ່ອາດສ່ຽງ ຕໍ່ການເສຍຊີວິດ ຍ້ອນບໍ່ມີ ເລືອດສໍາຮອງ ໄວ້ໃຊ້ ໃນຍາມສຸກເສີນ. ທັງນີ້ ສາເຫດ ທີ່ເຮັດໃຫ້ ເລືອດສໍາຮອງ ຢູ່ໃນຂັ້ນ ວິ ກິ ດ ກໍຍ້ອນ ຜົ ນ ກ ະ ທົ ບ ຈາກແຜ່ ລ ະ ບ າ ດ ຂອງ ໂ ຄ ວິ ດ – 19 ເຮັດໃຫ້ ສູນເລືອດ ແຫ່ງຊາດ ບໍ່ສາມາດ ລົງໄປ ເຄື່ອນໄຫວ ຕາມໂຮງຮຽນ ຫຼື ຊຸມຊົນ ເພື່ອຮັບ ບໍລິຈາກເລືອດໄດ້, ອີງຕາມຄວາມເວົ້າ ຂອງທ່ານໝໍ ຢູ່ສູນເລືອດ ແຫ່ງຊາດ ທ່ານຫນຶ່ງ ໃນວັນທີ 26 ສິງຫາ 2021 ນີ້:

“ເລືອດສໍາຮອງ ຢູ່ໃນຂັ້ນ ວິ ກິ ດ ເນາະ ໝາຍເຖິງ ເລືອດທີ່ເຮົາ ເອົາສໍາຮອງ ສະຕ໊ອກໄວ້ຫັ້ນ ມັນຢູ່ໃນ ຂັ້ນ ວິ ກິ ດ ແລ້ວເນາະ ມັນໜ້ອຍກວ່າ ປົກກະຕິ ແລ້ວເນາະ ແລ້ວມັນ ບໍ່ພຽງພໍ ປັດຈຸບັນນີ້ ເນາະ ເນື່ອງຈາກວ່າ ມີການ ລ ະ ບ າ ດ ນີ້ແຫຼະ ເຮັດໃຫ້ ເຮົາລົງເຄື່ອນໄຫວ ບໍ່ໄດ້ ອາດສົ່ງຜົນ ໃຫ້ຄົນເຈັບ ທີ່ຕ້ອງການເລືອດ ອາດບໍ່ທັນເນາະ ໃຫ້ເລືອດ ບໍ່ທັນ ຫຼື ອາດມີ ການສູນເສຍໄປ ໃນຫຼາຍດ້ານນັ້ນ.”

ທ່ານກ່າວຕື່ມວ່າ ທີ່ຜ່ານມາ ເຈົ້າໜ້າທີ່ ສູນເລືອດແຫ່ງຊາດ ກໍໂທປຸກລະດົມ ຫາຜູ້ທີ່ ເຄີຍບໍລິຈາກເລືອດ ໃຫ້ສູນເລືອດ ແຫ່ງນັ້ນໆ ສາມາດເດີນທາງ ອອກມາ ຈາກບ້ານ ມາບໍລິຈາກເລືອດ ເພື່ອຊ່ອຍເຫຼືອ ຄົນເຈັບໄດ້ ເຖິງແມ່ນວ່າ ບ້ານນັ້ນໆ ຈະມີ ການປິດບ້ານປິດ ເມືອງກໍຕາມ, ແຕ່ການບໍລິຈາກ ເລືອດ ຖື ກ ນອນ ຢູ່ໃນເງື່ອນໄຂ ທີ່ຍົກເວັ້ນໄດ້ ໃນສະຖານະການ ທີ່ເລືອດສໍາຮອງ ຢູ່ໃນຂັ້ນວິກິດ.

ຂະນະທີ່ ທ່ານໝໍ ຢູ່ໂຮງໝໍ ແຂວງສະຫວັນນະເຂດ ທ່ານຫນຶ່ງ ກ່າວກ່ຽວກັບ ສະຖານະການ ເລືອດສໍາຮອງ ພາຍໃນແຂວງວ່າ ໂຮງໝໍແຂວງ ບໍ່ມີ ເລືອດສໍາຮອງ ຈັກຖົງ ເນື່ອງຈາກ ບໍ່ມີຜູ້ສະໝັກໃຈ ມາບໍລິຈາກເລືອດ ໃນທຸກມື້ນີ້ ມີແຕ່ ເຈົ້າໜ້າທີ່ ປະຈໍາໂຮງໝໍ ຈະຕ້ອງແກ້ໄຂ ບັນຫາ ສະເພາະໜ້າ ຫາກມີຄົນເຈັບ ຕ້ອງການເລືອດ ກໍຈະຕ້ອງໃຫ້ ຍາດພີ່ນ້ອງ ຂອງຄົນເຈັບ ຜູ້ນັ້ນ ເປັນຄົນບໍລິຈາກເລືອດ ເພື່ອຊ່ອຍ ຄົນເຈັບແທນ

ດ້ານນັກຮຽນ ຊັ້ນ ມ. 7 ຈາກແຂວງໄຊຍະບູຣີ ຜູ້ຫນຶ່ງເວົ້າວ່າ ໂຕລາວເອງ ງົດບໍລິຈາກ ເລືອດ ໃນໄລຍະນີ້ກ່ອນ ເນື່ອງຈາກ ພາຍໃນບ້ານ ທີ່ລາວ ຢູ່ອາໃສນັ້ນ ຍັງມີ ການປະກາດ ປິດບ້ານປິດເມືອງຢູ່ ແລະ ໂຕລາວເອງ ຢ້ານ ຕິ ດ ໂ ຄ ວິ ດ – 19 ຫາກບໍລິຈາກ ເລືອດໃນໄລຍະນີ້, ຂະນະທີ່ ຜ່ານມາ ກ່ອນທີ່ ຈະມີ ການແຜ່ ລ ະ ບ າ ດ ຂອງ ໂ ຄ ວິ ດ – 19 ລາວເອງ ກໍໄດ້ບໍລິຈາກເລືອດ ເພື່ອຊ່ອຍເຫຼືອ ຊີວິດ ຂອງເພື່ອນມະນຸດ ດ້ວຍກັນແລ້ວ ໂດຍມີ ອົງການກາແດງ ປະຈໍາແຂວງ ມາຮັບ ບໍລິຈາກເລືອດ ຢູ່ໂຮງຮຽນໂດຍຕົງ, ຫາກສະຖານະການ ການແຜ່ ລ ະ ບ າ ດ ຂອງ ໂ ຄ ວິ ດ – 19 ດີຂຶ້ນ ກໍອາດໄປ ບໍລິຈາກເລືອດຕື່ມ

ຂະນະທີ່ ນັກສຶກສາ ຊັ້ນປີທີ 3 ຈາກມະຫາວິທະຍາໄລ ແຫ່ງຊາດ ຫຼື ມຊ ເວົ້າວ່າ ປັດຈຸບັນ ໂຕເອງ ຍັງອາໃສ ຢູ່ຫໍພັກ ນັກສຶກສາ ຂອງ ມຊ ແລະ ບໍ່ໄດ້ໄປ ບໍລິຈາກເລືອດ ຍ້ອນກັງວົນວ່າ ໂຕລາວເອງ ຈະສ່ຽງ ຕິ ດ ໂ ຄ ວິ ດ – 19 ເນື່ອງຈາກ ເຂດດົງໂດກ ທີ່ລາວອາໃສ ຢູ່ນັ້ນ ເປັນພື້ນທີ່ ສີແດງ,

ເຖິງຢ່າງໃດ ກໍຕາມ, ທ່ານໝໍ ຢູ່ສູນເລືຶອດ ແຫ່ງຊາດ ອີກທ່ານຫນຶ່ງ ກໍກ່າວວ່າ ເຖິງແມ່ນວ່າ ຈະເປັນໄລຍະ ທີ່ມີການລະບາດ ຂອງ ໂ ຄ ວິ ດ – 19 ກໍຕາມ, ແຕ່ທາງສູນເລືອດ ແຫ່ງຊາດ ຢືນຢັນໄດ້ວ່າ ຜູ້ທີ່ມາ ບໍລິຈາກເລືອດ ຈະບໍ່ມີຄວາມສ່ຽງ ຕິ ດ ໂ ຄ ວິ ດ – 19 ຢ່າງແນ່ນອນ ເນື່ອງຈາກ ສະຖານທີ່ ຮັບບໍລິຈາກເລືອດນັ້ນ ມີຄວາມປອດໄພດີ

ທ່ານກ່າວຕື່ມວ່າ ອີກສາເຫດ ທີ່ສໍາຄັນ ທີ່ເຮັດໃຫ້ ເລືອດສໍາຮອງ ທົ່ວປະເທດ ຢູ່ໃນຂັ້ນ ວິກິດນັ້ນ ກໍຍ້ອນວ່າ ໄລຍະນີ້ ມີການສັກ ວັ ກ ຊິ ນ ປ້ອງກັນ ໂ ຄ ວິ ດ – 19 ໃຫ້ປະຊາຊົນ ເຮັດໃຫ້ ປະຊາຊົນ ຈໍານວນຫນຶ່ງ ທີ່ສັກ ວັ ກ ຊິ ນ ປ້ອງກັນ ໂ ຄ ວິ ດ – 19 ບໍ່ສາມາດ ບໍລິຈາກເລືອດ ໄດ້ທັນທີ ຕ້ອງລໍຖ້າ 7-28 ມື້ ຈຶ່ງຈະສາມາດ ບໍລິຈາກ ເລືອດໄດ້.

ແລະຫາກ ປະຊາຊົນຜູ້ໃດ ທີ່ມີສຸຂພາບ ແຂງແຮງດີ ສາມາດ ໄປແຈ້ງ ຄວາມປະສົງ ເພື່ອຊ່ອຍເຫຼືອ ຄົນເຈັບ ທີ່ຢູ່ຕາມ ໂຮງໝໍ ແຫ່ງຕ່າງໆ ທົ່ວປະເທດໄດ້ ເພາະຕ້ອງການ ທຸກໝວດເລືອດ ຄື: A, B, O ແລະ AB ເນື່ອງຈາກ ຜູ້ປ່ວຍ ດ້ວຍພະຍາດ ພາຣັດຊີເມຍ, ໝາກ​ໄຂ່​ຫຼັງ (ໄຕ), ພາວະ ເລືອດຈາງ ແລະອື່ນໆ ຕ້ອງການເລືອດ ຈໍານວນຫຼາຍ ເຊິ່ງເຈົ້າໜ້າທີ່ ທີ່ຮັບ ບໍລິຈາກເລືອດ ຈະແນະນໍາເຖິງ ວິທີ ການຕຽມໂຕ ໃນການໄປ ບໍລິຈາກເລືອດ ຕື່ມອີກເທື່ອຫນຶ່ງ.

ນອກຈາກນີ້ ອົງການ ອະນາໄມໂລກ ໄດ້ຕັ້ງເປົ້າໝາຍ ໃຫ້ແຕ່ລະປະເທດ ຈັດຫາ ເລືອດສໍາຮອງ ໃຫ້ພຽງພໍ ຢູ່ທີ່ຮ້ອຍລະ 3 ຂອງປະຊາກອນ ປະເທດນັ້ນໆ. ດັ່ງນັ້ນ ປະເທດລາວ ຕ້ອງມີ ເລືອດສໍາຮອງ ໃຫ້ໄດ້ປີລະ 210,000 ຖົງ ໂດຍທຽບໃສ່ ປະຊາກອນ ລາວທັງໝົດ 7 ລ້ານປາຍຄົນ.

ຂະນະທີ່ ສະພາບໂຕຈິງ ເມື່ອທຽບໃສ່ ເລືອດສໍາຮອງ ຢູ່ປະລິມານ ເລືອດສໍາຮອງ ຢູ່ສູນເລືອດ ແຫ່ງຊາດ ປະຈໍາ ນະຄອນຫຼວງວຽງຈັນ ໃນຂະນະນີ້ ສາມາດ ຈັດຫາເລືອດສໍາຮອງ ໄດ້ພຽງ 40 ຖົງ ຕໍ່ມື້ ຫຼື 14,600 ຖົງ ຕໍ່ປີ ເທົ່ານັ້ນ, ເຊິ່ງເປັນ ຈໍານວນ ທີ່ໜ້ອຍ ຫາກທຽບໃສ່ ປະຊາກອນລາວ ໃນນະຄອນຫຼວງ ວຽງຈັນ ທັງໝົດ 9 ແສນປາຍຄົນ ທີ່ຕ້ອງມີ ເລືອດສໍາຮອງ ຢ່າງໜ້ອຍ 27,000 ຖົງ ຕໍ່ປີ.