ຊົມເຊີຍແຫຼ່ງຜະລິດໄຟຟ້າ94ແຫ່ງທົ່ວປະເທດ

0 minutes, 1 second Read

………………………………………

………………………………………

………………………………………

ໜັງສືພິມວຽງຈັນທາຍ ລາຍງານໃຫ້ຮູ້ວ່າ ປະຈຸບັນ ສປປ ລາວ ມີແຫຼ່ງຜະລິດພະລັງງານໄຟຟ້າ ທີ່ມີກໍາລັງຕິດຕັ້ງ 1 MW ຂຶ້ນໄປ ມີທັງຫມົດ 94 ແຫ່ງ, ລວມກໍາລັງຕິດຕັ້ງ 11.661,14 MW, ສາມາດຜະລິດພະລັງງານໄຟຟ້າໄດ້ 58.813 GWh/y ຊຶ່ງຈໍານວນຕົວ ເລກດັ່ງກ່າວ ໄດ້ລາຍງານໃນກອງປະຊຸມສະຫຼຸບຂະແຫນງພະລັງງານ ແລະ ບໍ່ແຮ່ ທົ່ວປະເທດປະຈໍາປີ 2022 ຈັດຂຶ້ນໃນວັນທີ 2 ກຸມພາ 2023 ທີ່ ນະຄອນຫຼວງວຽງຈັນ. ໃນໂອກາດນີ້, ທ່ານ ປອ ດາວວົງ ພອນແກ້ວ ລັດຖະມົນຕີກະຊວງ ພະລັງງານ ແລະ ບໍ່ແຮ່ ໄດ້ກ່າວວ່າ: ໃນໄລຍະ 1 ປີຜ່ານມາ, ກະຊວງ ພະລັງງານ ແລະ ບໍ່ແຮ່ ໃນຖານະທີ່ເປັນເສນາທິການໃຫ້ແກ່ລັດຖະບານ ກ່ຽວກັບການຄຸ້ມຄອງວຽກງານພະລັງງານ ແລະ ບໍ່ແຮ່ ໄດ້ມີຄວາມ ພະຍາຍາມຢ່າງຕັ້ງຫນ້າໃນການຈັດຕັ້ງປະຕິບັດແຜນພັດທະນາອຸດສາຫະ ກໍາພະລັງງານໄຟຟ້າ ແລະ ອຸດສາຫະກໍາບໍ່ແຮ່ ຢູ່ປະເທດພວກເຮົາດ້ວຍ ຜົນສໍາເລັດ ແລະ ມີບາດກ້າວຂະຫຍາຍຕົວທີ່ຫນັກແຫນ້ນ, ປະກອບສ່ວນ ເຂົ້າໃນການພັດທະນາເສດຖະກິດ-ສັງຄົມຂອງປະເທດຊາດຢ່າງຕັ້ງຫນ້າ, ຊຶ່ງອັນພົ້ນເດັ່ນ ຂະແຫນງພະລັງງານ ແລະ ບໍ່ແຮ່ ສາມາດບັນລຸໄດ້ມູນຄ່າ ການຜະລິດ 66.623 ຕື້ກີບ ທຽບໃສ່ໄລຍະດຽວຂອງປີຜ່ານມາເພີ່ມຂື້ນ 53%, ທຽບໃສ່ທິດທາງແຜນການປີ ເພີ່ມຂື້ນ 51% ໃນນັ້ນ ຂະແຫນງ ພະລັງງານ ປະຕິບັດໄດ້ 41.196 ຕື້ກີບ, ຂະແຫນງບໍ່ແຮ່ ປະຕິບັດໄດ້ 25.426 ຕື້ກີບ. ທ່ານ ປອ ດາວວົງ ພອນແກ້ວ ໄດ້ກ່າວອີກວ່າ: ຮອດທ້າຍປີ 2022 ທົ່ວ ປະເທດ ມີໄຟຟ້າຊົມໃຊ້ແບບຖາວອນກວມເອົາ 95% ຂອງຈໍານວນຄົວ ເຮືອນທັງຫມົດ, ມີສະຖານີກະຈາຍໄຟຟ້າ 84 ແຫ່ງ, ມີລະບົບສາຍສົ່ງແຮງ ດັ່ນສູງ 500 ກວ, 230 ກວ, 115 ກວ, ລະບົບຕາຂ່າຍແຮງກາງ ແລະ ແຮງຕໍ່າ ຊຶ່ງເປັນເສັ້ນເລືອດໃຫຍ່ ໃນການລໍາລຽງກະຈ່າຍໄຟຟ້າໃນ ຂອບເຂດທົ່ວປະເທດ ທັງຫມົດ 67 ພັນກ່ວາກິໂລແມັດ.

………………………………………

………………………………………

………………………………………

Similar Posts