ສ້າງປ້ອງກັນຕາຝັ່ງເຈື່ອນສະຖານທີ່ທ່ອງທ່ຽວພຣະທາດຕູມພະວັງ

ໂຄງການກໍ່ສ້າງປ້ອງກັນຕາຝັ່ງເຈື່ອນ ຕິດພັນກັບ ສະຖານທີ່ທ່ອງທ່ຽວ ພຣະທາດຕູມພະວັງ ບ້ານນາວາງໃຫຍ່ ເມືອງໜອງບົກແຂວງຄຳມ່ວນ ເລີ່ມລົງມືກໍ່ສ້າງໃນຕົ້ນເດືອນເມສາ 2021 ມີຄວາມຍາວທັງໝົດ ປະມານ 300 ແມັດ ຊຶ່ງມາຮອດປະຈຸບັນການກໍ່ສ້າງ ແມ່ນປະຕິບັດໄດ້ແລ້ວ 85% ແລະ ຄາດວ່າຈະໃຫ້ສຳເລັດ 100% ໃນທ້າຍເດືອນ ມິຖຸນາ 2021 ນີ້. ໂຄງການດັ່ງກ່າວ ແມ່ນເນັ້ນໃສ່ ສົ່ງເສີມການທ່ອງທ່ຽວດ້ານວັດທະນະທຳ

ຕິດພັນກັບພຣະທາດຕູມພະວັງ ໂດຍການຊຸກຍູ້ໃຫ້ມີ ການສະແດງສີລະປະວັນນະຄະດີ ແລະ ການສົ່ງເສີມການຂາຍຜະລິດຕະພັນທາງດ້ານກະສິກຳ-ຫັດຖະກຳ ຂອງທ້ອງຖິ່ນ ຕິດພັນກັບການຈັດງານບຸນ ເພື່ອດຶງດູດ ນັກທ່ອງທ່ຽວ ໃຫ້ເຂົ້າມາທ່ອງທ່ຽວຫຼາຍຂຶ້ນໃນອະນາຄົດ ພາຍຫຼັງທີ່ມີການຜ່ອນຄາຍ ຂອງພະຍາດໂຄວິດ-19.