ທ່ານຄິດວ່າທີມໃດຈະຊະນະ

ຊາດລາວ ຮຸ່ນອາຍຸບໍ່ເກີນ 23 ປີ ພົບກັບ ທີມ ແຂວງ ສາລະວັນ ເວລາ: 16:00 ທີ່ ສະຫນາມກິລາແຂວງ ຈຳປາສັກ (ຫຼັກ2) ທີມຊາດລາວ ຮຸ່ນອາຍຸບໍ່ເກີນ 23 ປີ ມີນັດອຸ່ນເຄື່ອງ 2 ນັດ ເພື່ອກະກຽມເຂົ້າຮ່ວມການແຂ່ງຂັນບານເຕະ ຊາຍຊີງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ປະຈຳປີ 2022 ຢູ່ທີ່ປະເທດກຳປູເຈຍ.

+ ສຳລັບນັດອຸ່ນເຄື່ອງ 2 ນັດມີດັ່ງນີ້ :

– ວັນທີ 6 ກຸມພາ 2022 ທີມຊາດລາວ ຮຸ່ນອາຍຸບໍ່ເກີນ 23 ປີ ພົບກັບ ທີມ ແຂວງ ສາລະວັນ ເວລາ: 16:00 ທີ່ ສະຫນາມກິລາແຂວງ ຈຳປາສັກ (ຫຼັກ2)

– ວັນທີ 9 ກຸມພາ 2022 ທີມຊາດລາວ ຮຸ່ນອາຍຸບໍ່ເກີນ 23 ປີ ພົບກັບ ທີມ ສະໂມສອນບານເຕະ ຈຳປາສັກ ເວລາ: 16:00 ທີ່ ສະຫນາມກິລາແຂວງ ຈຳປາສັກ (ຫຼັກ2).

ຕາຕະລາງ ການແຂ່ງຂັນບານເຕະຊາຍ ຊີງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ປະຈຳປີ 2022 ຈັດຂຶ້ນທີ່ປະເທດກຳປູເຈຍ ໃນລະຫວ່າງວັນທີ 14-26 ກຸມພາ 2022 ໂດຍຈະແຂ່ງຂັນຢູ່ 2 ສະຫນາມຄື: Morodok Techno National Stadium ແລະ Prince Stadium ເຊິ່ງ ທີມຊາດລາວ ຢູ່ຮ່ວມກຸ່ມ ບີ ປະກອບມີ: ອິນໂດເນເຊຍ, ມາເລເຊຍ, ມຽນມາ ແລະ ລາວ.

+ ຕາຕະລາງການແຂ່ງຂັນຂອງ ທີມຊາດລາວ ຮຸ່ນອາຍຸບໍ່ເກີນ 23 ປີ

– ວັນທີ 15/02/2022 ເວລາ 19:00 ທີມຊາດລາວ ພົບ ທີມຊາດອິນໂດເນເຊຍ

– ວັນທີ 18/02/2022 ເວລາ 16:00 ທີມຊາດລາວ ພົບ ທີມຊາດມາເລເຊຍ

– ວັນທີ 21/02/2022 ເວລາ 19:00 ທີມຊາດລາວ ພົບ ທີມຊາດມຽນມາ

ທຸກໆນັດ ທີມຊາດລາວ ຮຸ່ນອາຍຸບໍ່ເກີນ 23 ປີ ແມ່ນຈະແຂ່ງຂັນຢູ່ທີ່ສະຫນາມ Prince Stadium, ສຳລັບການຖ່າຍທອດສົດນັ້ນແມ່ນຈະແຈ້ງໃຫ້ຮັບຊາບພາຍຫລັງ, ສຳລັບ ທີມຊາດລາວ ຮຸ່ນອາຍຸບໍ່ເກີນ 23 ແມ່ນໄດ້ເຂົ້າສູນເກັບຕົວຝຶກຊ້ອມນັບຕັ້ງແຕ່ ວັນຈັນ 17 ມັງກອນ 2022 ທີ່ຜ່ານມາ.

*ຮູບທີມຊາດລາວແມ່ນມາຈາກການແຂ່ງຂັນຊີງແຊ໋ມອາຊີທີ່ປະເທດມົງໂກລີ 2021

*ຮູບທີມແຂວງສາລະວັນແມ່ນມາຈາກຊີງຂັນວັນຊາດ 2020