ຂົນສົ່ງໂດຍສານສາຍໃຕ້ປິດບໍລິການຊົ່ວຄາວແບບບໍ່ມີກຳນົດ

ແລງວັນທີ 5 ມິຖຸນາ 2021 ສະຖານີສະຖານີຂົນສົ່ງໂດຍສານສາຍໃຕ້ ໄດ້ແຈ້ງ ປິດບໍລິການຊົ່ວຄາວແບບບໍ່ມີກຳນົດ. ພາຍຫລັງໄດ້ເປີດໃຫ້ບໍລິການໃຫມ່ພຽງວັນດຽວ ກໍແຈ້ງປິດຄືນອີກຮອບ ເນື່ອງຈາກວ່າຍັງມີຂໍຈຳກັດຕໍ່ຜູ້ໂດຍສານທີ່ມີຈຸດປະສົງເດີນທາງອອກຕ່າງແຂວງຕ້ອງໄດ້ຮັບການ

ສັກວັກຊີນຄົບ 2 ເຂັມ ເກີນ 1 ເດືອນ,​ ແຕ່ລູກຄ້າທີ່ມາໃຊ້ບໍລິການສ່ວນຫລາຍແມ່ນຍັງບໍສັກວັກຊີນຄົບຕາມເງື່ອນໄຂຂອງມາດຕະການຜ່ອນຜັນຂອງຄະນະສະເພາະກິດ. ສະນັ້ນທາງສະຖານີໂດຍສານສາຍໃຕ້ຈື່ງແຈ້ງການເຖິງຜູ້ທີ່ຕ້ອງການເດີນທາງອອກຕ່າງແຂວງດັ່ງນີ້:

– ອີງຕາມຄຳສັ່ງສະບັບເລກທີ 595 ລົງວັນທີ 4/6/2021 , ທີ່ອະນຸຍາດໃຫ້ສະເພາະ ຜູ້ໂດຍສານທີ່ສັກວັກຊີນ ຄົບ 2 ເຂັມ ເທົ່ານັ້ນທີ່ສາມາດເດີນທາງ ແຂວງ ຕໍ່ ແຂວງໄດ້.

– ອີງຕາມການການກວດກາຕົວຈີງໃນມື້ນີ້ເຫັນວ່າ ຜູ້ໂດຍສານສ່ວນໃຫ່ຍແມ່ນບໍ່ໄດ້ຮັບການສັກວັກຊີນຄົບຕາມແຈ້ງການທີ່ລະບຸໄວ້. ເຊີ່ງພາຍໃຕ້ ຂໍ້ກຳນົດດັ່ງກ່າວທາງຄິວລົດຂອງພວກເຮົາບໍ່ສາມາດເປີດດຳເນີນກິດຈະການໄດ້,​ ສະນັ້ນ ທາງສະຖານີຈື່ງ ຂໍປິດບໍລິການຊົ່ວຄາວແບບບໍ່ມີກຳນົດໄປຕື່ມອີກ

ຈົນກວ່າຈະມີການຜ່ອນຜັນ ມາດຕະການຕ່າງໆ ໃຫ້ຫລາຍກວ່ານີ້ ແລະ ຂໍແຈ້ງມາຍັງຜູ້ໂດຍສານທຸກໆທ່ານເພື່ອຊາບ ແລະ ຂໍອະໄພໃນຄວາມບໍ່ສະດວກມານະທີ່ນີ້ດ້ວຍ ຫວັງຢ່າງຍິ່ງວ່າຈະໄດ້ເປີດຮັບໃຊ້ບໍລິການທຸກໆທ່ານໃນໄວໄວນີ້ ຂໍຂອບໃຈ

ຫ້ອງວ່າການສຳນັກງານນາຍົກລັດຖະມົນຕີ ອອກແຈ້ງການເລກທີ 595/ຫສນຍ ເລື່ອງສືບຕໍ່ປະຕິບັດມາດຕະການປ້ອງກັນ, ຄວບຄຸມ ແລະ ສະກັດກັ້ນການລະບາດຂອງພະຍາໂຄວິດ-19 ໃນໄລຍະວັນທີ 5-19 ມິຖຸນາ 2021