ສັກວັກຊິນໄດ້ຜົນດີຢູ່ອັງກິດບໍ່ພົບຜູ້ເສຍຊີວິດຈາກເຊື້ອໂຄວິດ 28 ມື້ແລ້ວ

ກະຊວງສາທາລະນະສຸກ ອັງກິດ ເປີດເຜີຍວ່າ ອັງກິດທຸບສະຖິຕິບໍ່ພົບຜູ້ເສຍຊີວິດຈາກເຊື້ອຈຸລາໂລກສາຍພັນໃໝ່ໂຄວິດ-19 ເປັນເວລາ 28 ມື້ ຈົນຮອດວັນອັງຄານ ທີ 1 ມິຖຸນາ ເຊິ່ງເປັນສັນຍານທີ່ບົ່ງບອກວ່າ ສະຖານະການ ການແຜ່ລະບາດຂອງພະຍາດໂຄວິດ-19 ໃນອັງກິດເລີ່ມດີຂຶ້ນແລ້ວ ຫຼັງຈາກທີ່ອັງກິດໄດ້ຜ່ານພົ້ນມື້ພັກ ເນື່ອງໃນມື້ Spring Bank Holiday ໃນວັນທີ 31 ເດືອນ ພຶດສະພາທີ່ຜ່ານມາ. ທ່ານ ແມດ ແຮນດ໋ອກ ລັດຖະມົນຕີກະຊວງສາທາລະນະສຸກຂອງອັງກິດໄດ້ກ່າວໃນຖະແຫຼງການວ່າ“ປະຊາຊົນທົ່ວປະເທດຈະຮ່ວມຍິນດີທີ່ປະເທດ ສາມາດທຸບສະຖິຕິ ບໍ່ພົບຜູ້ເສຍຊີວິດຈາກການລະບາດຂອງພະຍາດໂຄວິດ-19 ເປັນໄລຍະເວລາ 28 ມື້ ເຊິ່ງສະທ້ອນໃຫ້ເຫັນວ່າ ວັກຊີນໃຊ້ໄດ້ຜົນ”

“ເຖິງຢ່າງໃດກໍຕາມ ອາດຈະເປັນຂ່າວດີ ແຕ່ພວກເຮົາຍັງບໍ່ສາມາດເອົາຊະນະເຊື້ອໄວຣັສຊະນິດນີ້ໄດ້ ດັ່ງນັ້ນ, ຂໍໃຫ້ປະຊາຊົນທຸກຄົນຄໍານຶງເຖິງການລ້າງມື, ການລ້າງໜ້າ, ການເວັ້ນໄລຍະຫ່າງ ແລະ ການຢູ່ໃນພື້ນທີ ທີ່ມີອາກາດຖ່າຍເທສະດວກ ເປັນສິ່ງສໍາຄັນ ແລະ ທຸກຄົນຄວນເຂົ້າຮັບການສັກວັກຊີນໃຫ້ຄົບສອງໂດສ” ທ່ານ ແຮນດ໋ອກ ກ່າວໄວ້. ຂໍ້ມູນຈາກ Worldometer ເຊິ່ງເປັນເວັບໄຊ໌ລາຍງານຂໍ້ມູນຫຼ້າສຸດ ທີ່ມີການລວມຂໍ້ມູນຈາກໜ່ວຍງານດ້ານສາທາລະນະສຸກທົ່ວໂລກ ລະບຸໄວ້ວ່າ ໃນເວລານີ້ ອັງກິດມີຍອດຜູ້ຕິດເຊື້ອຂອງພະຍາດໂຄວິດ-19 ໃນຈໍານວນ 4,490,438 ຄົນ ແລະ ມີຍອດຜູ້ເສຍຊີວິດ ຈໍານວນ 127,782 ຄົນ.