ເປີດກອງປະຊຸມ​ໃຫຍ່​ສະພາແຫ່ງຊາດຄັ້ງ​ທີ XI ຢ່າງເປັນທາງການ

ໂດຍ​​ສືບ​ຕໍ່​ຜັນ​ຂະ​ຫຍາຍ​ມະ​ຕິ​ກອງ​ປະ​ຊຸມ​ໃຫຍ່​ຄັ້ງ​ທີ XI ຂອ​ງ​ພັກ ໂດຍ​ສະ​ເພາ​ະ​ແມ່ນກອງ​ປະ​ຊຸ​ມວິ​ສາ​ມັນ​​ຂອງ​ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ, ກອງປະຊຸມສະໄໝວິ​ສາ​ມັນເທື່ອທີ 1 ຂອງສະພາແຫ່ງຊາດ ຊຸດທີ IX ໄດ້​ໄຂ​ຂຶ້ນຢ່າງເປັນທາງການ ໃນຕອນເຊົ້າວັນ​ພະ​ຫັດທີ 5 ສິງ​ຫ​າ 2021 ທີ່ຫ້ອງປະຊຸມສະພາແຫ່ງຊາດ, ນະຄອນຫລວງວຽງຈັນ ໂດຍການເປັນປະທານຂອງທ່ານ ປອ. ໄຊ​ສົມ​ພອນ ພົມ​ວິຫານ ປະທານສະພາແຫ່ງຊາດ ແລະ ເຂົ້າຮ່ວມມີທ່ານ ​ທອງ​ລຸນ ສີ​ສຸ​ລິດ ເລຂາທິການໃຫຍ່ຄະນະບໍລິຫານງານສູນກາງພັກ,

ປະທານປະເທດ; ທ່ານ ​ພັນ​ຄຳ ວິ​ພາ​ວັນ ນາຍົກລັດຖະມົນຕີ; ບັນ​ດາ​ທ່ານການ​ນຳ​ພັກ-ລັດ, ອ​ະ​ດີດ​ການ​ນຳ​ພັກ-ລັດ, ສະມາຊິກສະພາແຫ່ງຊາດ ຈຳນວນ 164 ທ່ານ, ອ​ະ​ດີດການ​ນຳ​ຂອງສະພາແຫ່ງຊາດ, ຕາງໜ້າຈາກອົງການຈັດຕັ້ງພັກ-ລັດ, ອົງການຈັດຕັ້ງແນວລາວສ້າງຊາດ, ອົງການຈັດຕັ້ງມະຫາຊົນ ພ້ອມ​ດ້ວຍຜູ້ຕາງໜ້າຈາກພາກສ່ວນຕ່າງໆ ​ແລະ ແຂກຖືກເຊີນ ເຂົ້າ​ຮ່ວມ​ຢ່າງ​ພ້ອມ​ພຽງ. ກອງປະຊຸມສະໄໝວິສາມັນເທື່ອທີ 1 ຂອງສະພາແຫ່ງຊາດ ຊຸດທີ IX

ຈະສ​ືບ​ຕໍ່ດຳເນີນໄປຈົນເຖິງວັນທີ 10 ສິງ​ຫາ 2021 ໂດຍ​ຈະ​ໄດ້​ສຸມ​ໃສ່​​ປະ​ກອບ​ຄ​ຳ​ເຫັນ​ໃສ່​ບັນ​ຫາ​ສຳ​ຄັນພື້ນຖານຂອງປະເທດຊາດ​ ​ເຊິ່ງ​ຈ​ະ​ໄດ້​ປຶ​ກ​ສາ​ຫາ​ລື ແລະ ຮັບ​ຮອງ​ເອົາວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ; ວາລະແຫ່ງຊາດວ່າດ້ວຍການແກ້ໄຂບັນຫາ ຢ າ ເ ສ ບ ຕິ ດ ແລະ ​ປຶ​ກ​ສາ​ຫາ​ລື ແລະ ຮັບ​ຮອງ ກົ ດ​ ໝ າ ຍ ​ທີ່​ກ່ຽວ​ຂ້ອງ​ກັບ​ວາ​ລະ​ແຫ່ງ​ຊາດ ຈຳ​ນວນ 5 ສະ​ບັບຄື: ກົ ດ​ ໝ າ ຍ​ ວ່າ​ດ້ວຍ​ການ​ຄຸ້ມ​ຄອງ​ສ່ວຍ​ສາ​ອາ​ກອນ,

ກົດ​ໝາຍ​ວ່າ​ດ້ວຍ​ອາ​ກອນ​ມູນ​ຄ່າ​ເພີ່ມ, ກົດ​ໝາຍ​ວ່າ​ດ້ວຍ​ອາ​ກອນ​ລາຍ​ໄດ້, ກົ ດ​ ໝ າ ຍ​ ວ່າ​ດ້ວຍ​ອ​າ​ກອ​ນຊົມ​ໃຊ້ ແລະ ກົດໝາຍວ່າດ້ວຍ ຢ າ ເ ສ ບ ຕິ ດ. ນອກນັ້ນ, ກອງ​ປະ​ຊຸມ​ຍັງ​ຈະ​ໄດ້​ຮັບ​ຟັງ​ການ​ລາຍ​ງານ​ຂອງ​ລັດ​ຖະ​ບານ​ ກ່ຽວ​ກັ​ບ​ສະພາບການແຜ່ ລ ະ ບ າ ດ ຂອງພະຍາດອັກ ເ ສ ບ ປອດ ຮຸ ນ ແ ຮ ງ ຫລື ໂ ຄ ວິ ດ -19 ແລະ ມາດຕະການແກ້ໄຂຜົນ ກ ະ ທົ ບ ຈາກການແຜ່ ລ ະ ບ າ ດ ຂອງພະຍາດດັ່ງກ່າວ. ພິ​ເສດ, ກອງ​ປະ​ຊຸມ​ຍັງ​ຈະ​ໄດ້​ຮັບ​ຟັງ​ການ​ກ່າວ​ປາ​ໄສ

ຂອງ​ຄະ​ນະ​ຜູ້​ແທນ​ຂັ້ນ​ສູງ​ພັກ-ລັດ ສ​ສ.ຫວຽດ​ນາມ ແລະ ເຂົ້າ​ຮ່ວມ​​ພິ​ທີ​ມອ​ບ-ຮັບ​ຫໍ​ສະ​ພາ​ແຫ່ງ​ຊາດ ຫລັງ​ໃໝ່​ຢ່າງ​ເປັນ​ທາງ​ການ ລະ​ຫວ່າງ​ການນ​ຳ​ສູງ​ສຸ​ດ​ພັກ-ລັດ​ຂອງ 2 ປະ​ເທດ ລາວ-ຫວຽດ​ນາມ. ໄລຍະດໍາເນີນກອງປະຊຸມດັ່ງກ່າວ ສພຊ ​ຍັງໄດ້ຈັດຕັ້ງໜ່ວຍງານຮັບ ຜິ ດ ຊອບໂທລະສັບສາຍດ່ວນ ເປີດຮັບເອົາຄຳຄິດຄຳເຫັນ ແລະ ຄຳສະເໜີໂດຍກົງຈາກທົ່ວ ສັ ງ ຄົ ມ ໃນ​ໂມງ​ລັດ​ຖະ​ການ ດ້ວຍໂທລະສັບໝາຍເລກ 156 ໂດຍບໍ່ໄດ້ເສຍຄ່າ ແລະ ສົ່ງ​ອີ​ເມວ [email protected]