ແມ່ຄ້ານ້ອຍ ຮ້ອຍລີລາ ໄດ້ຮັບທຶນການສຶກສາ​ ຈາກໂຮງຮຽນນານາຊາດ

ຊົມເຊີຍ​ ​ນ້ອງແຊນດີ້ ແມ່ຄ້ານ້ອຍ ຮ້ອຍລີລາ ໄດ້ຮັບທຶນການສຶກສາ​ ຈາກໂຮງຮຽນນານາຊາດ ຈົນຈົບ​ ມໍ.7 ໃນວັນທີ​ 5​ ຕຸລາ​ 2021​ ຜ່ານມາ​ ຜູ້ໃຊ້ເຟສບຸກຊື່: Leng Santisouk ໂພສວ່າ Congrats ແລະ ມື້ນີ້ກະເປັນມື້ທີ່ທາງຄອບຄົວໄດ້ເຂົ້າໄປເຊັນສັນຍາມອບທຶນການສຶກສາ ທາງຄອບຄົວເຮົາຕື້ນຕັນໃຈ ດີໃຈຈົນນໍ້າຕາອອກເລີຍ ບໍ່ຄິດວ່າຈະມີມື້ນີ້.​ ກ່ອນອື່ນຕ້ອງຂໍຂອບໃຈທາງເອື້ອຍເບ ຜູ້ອຳນວຍການ ເຈົ້າຂອງໂຮງຮຽນນານາຊາດ ປັນຍາທິບ ທີ່ໄດ້ມອບທຶນການສຶກສາໃຫ້ແກ່ ນ້ອງແຊນດີ້ ຕັ້ງແຕ່ ມ.​1-ມ.7 ຈົນຈົບ High School ເຊິ່ງແມ່ນຮຽນຟຣີ,​ ກິນຟຣີຈົນກວ່າຈະຮຽນຈົບ.​

ນ້ອງ ແຊນດີ້ ສຸກຈໍາປາ​ ຫຼາຍຄົນອາດຈະຮູ້ຈັກນ້ອງ​ຄົນນີ້​ ເຊິ່ງກຳລັງເປັນທີ່ໂດ່ດດັງໃນສື່ສັ່ງຄົມອອນລາຍໃນປັດຈຸບັນ,​ ເຊິ່ງນ້ອງມີພອນສະຫວັນ ແລະ ຄວາມໜ້າຮັກຂອງໃນໄວພຽງ 10 ປີ ທີ່ເລີ່ມໄລສົດຂາຍເຄື່ອງຜັກທອດ ຈາກລີລາການຂາຍ, ການເວົ້າ ທັກສະດີ ຂາຍເກັ່ງຈົນໂດ່ງດັງຂ້າມຝັ່ງຂອງ ປະເທດເພື່ອນບ້ານນໍາຄຣິບຂອງນ້ອງໄປອອກຂ່າວ ແລະ ໃຜໆກໍກ່າວເຖິງ. ປັດຈຸບັນ ນ້ອງ ແຊນດີ້ ມີງານໄລສົດຂາຍເຄື່ອງ,​ ໂຄສະນາໂປຣໂມດສິນຄ້າຈຳນວນຫຼາຍ ເຊິ່ງນ້ອງສາມາດຫາເງິນຊ່ວຍພໍ່ແມ່ໄດ້ໃນໄວເດັກພຽງ 10​ ປີ​ ແລະ​ ຖືເປັນບຸກຄົນໂຕແບບທີ່ດີໃນສັງຄົມໄດ້