ຫົວໂປ່ໂຕການຂີ້ລັກລົດສຸດທ້າຍກຳຕາມທັນ

ເຈົ້າໜ້າທີ່ຕຳຫຼວດໜ່ວຍສະເພາະກິດ ປກສ ເມືອງສີໂຄດຕະບອງ ນະຄອນຫຼວງວຽງຈັນ ໄດ້ຕິດຕາມຈັ ບກຸ່ມແກ້ງເຄື່ອນໄຫວລັກລົດຈັກຢູ່ເຂດເມືອງສີໂຄດຕະບອງ. ພາຍຫຼັງໄດ້ຮັບແຈ້ງຄວາມຈາກຜູ້ຖືກເສຍຫາຍຢ່າງຕໍ່ເນື່ອງ; ຮອດວັນທີ 1 ມີນາ 2021, ສາມາດຈັບກຸມຫົວໂປ່ໂຕການໄດ້ 1 ຄົນ ຄື: ທ້າວ ອຸ້ຍສ່ຽວປໍ້ ຢູ່ບ້ານໂພນສະຫວາດ ເມືອງສີໂຄດຕະບອງ.

ຂະນະທີ່ຜູ້ກ່ຽວໃຫ້ປາກຄໍາຕໍ່ເຈົ້າໜ້າ ທີ່ ພ້ອມສືບຕໍ່ຂະຫຍາຍຜົນ ສາມາດຈັບກຸ່ມແກ້ງຮ່ວມຂະບວນການອີກ 27 ຄົນ. ໃນນີ້, ມີຜູ້ເຄື່ອນ ໄຫວລັກລົດຈັກ 13 ຄົນ ແລະ ຜູ້ຮັບຊື້ຂາຍອີກ 15 ຄົນ, ຍິງ 4 ຄົນ.

ພັທ ສອນເພັດ ພິຈິດ ຮອງຫົວໜ້າກອງບັນຊາການ ປກສ ເມືອງສີໂຄດຕະບອງ ເປີດເຜີຍວ່າ: ຕໍ່ກັບສະພາບຄົນຮ້າຍລັກລົດຈັກ ຢູ່ພື້ນທີ່ເມືອງສີໂຄດຕະບອງ ກອງບັນຊາການ ປກສ ເມືອງສີໂຄດຕະ ບອງ ໄດ້ມີການຕິດຕາມຢ່າງຕໍ່ເນື່ອງ

ແລະ ສາມາດມ້າງກຸ່ມໃຫຍ່ນີ້ໄດ້ສຳເລັດ; ເຊິ່ງຜ່ານການສອບສວນຂອງເຈົ້າໜ້າທີ່ ປກສ ເມືອງສີໂຄດຕະບອງ ເຫັນວ່າ: ການເຄື່ອນໄຫວລັກຊັບ ແລະ ຊື້-ຂາຍຊັບຂອງພົນລະເມືອງທີ່ຜິດກົດໝາຍຂອງກຸ່ມ ທ້າວ ອຸ້ຍສ່ຽວປໍ້ ຍັງມີການພົວພັນຢ່າງກວ້າງຂວາງກັບອີກຫຼາຍກຸ່ມແກ້ງໃນການລັກ ແລະ ຊື້-ຂາຍຊັບ ໂດຍສະເພາະແມ່ນລົດຈັກ.

ປັດຈຸບັນ, ເຈົ້າໜ້າທີ່ ປກສ ເມືອງສີໂຄດຕະບອງ ຍັງສືບຕໍ່ຂະຫຍາຍຜົນນຳຈັບກຸ່ມແກ້ງພັກພວກຮ່ວມຂະບວນການທີ່ມີ ການພົວພັນເຄື່ອນໄຫວລັກຊັບຂອງພົນລະເມືອງ ໃນພື້ນທີ່ນະຄອນຫຼວງວຽງຈັນ ແລະ ຕ່າງແຂວງມາດໍາເນີນຄະດີຕາມກົດໝາຍ. ຕໍ່ກັບລົດຈັກທີ່ເກັບກູ້ຄືນມາໄດ້ນັ້ນມີ 28 ຄັນ. ໃນນີ້, ມີລົດຈັກ ຮອນດ້າເວບ 100 ຈໍານວນ 12 ຄັນ, ຄິກໄອ 2 ຄັນ, ເທນ້າ 1 ຄັນ,

ໂຊນິກ 1 ຄັນ, ຊີບີອາ 1 ຄັນ, ເອັມເອັດເອັກ 1 ຄັນ, ສະເຕັບ 1 ຄັນ, ສະມາຍ 1 ຄັນ, ເວບລີຟານ 4 ຄັນ, ພີໂນ້ 2 ຄັນ, ຄິກມີໂມຕ້າ 1 ຄັນ ແລະ ສະເກມ 1 ຄັນ ແມ່ນໄດ້ມອບ ໃຫ້ເຈົ້າຂອງເດີມໃນວັນທີ 8 ກໍລະກົດ 2021, ກ່າວມອບໂດຍ ພັທ ສອນເພັດ ພິຈິດ ຮອງຫົວໜ້າກອງບັນຊາການ ປກສ ເມືອງສີໂຄດຕະບອງ ນວ.