ວຽກງານໂຄງການຊອກຄົ້ນສໍາຫຼວດ ຂຸ ດ ຄົ້ ນ ແຮ່ທາດ

ໃນຕອນເຊົ້າວັນທີ 9 ກັນຍາ 2021 ທີ່ຫ້ອງປະຊຸມ ຫ້ອງວ່າການເມືອງຄໍາເກີດ ແຂວງບໍລິຄຳໄຊ ໄດ້ຈັດກອງປະຊຸມປຶກສາຫາລື ການລົງເຄື່ອນໄຫວ ຕິ ດ ຕາມ ກວດກາ ແລະ ຊຸກຍູ້ບັນດາໂຄງການຊອກຄົ້ນ-ສໍາຫຼວດ ແລະ ຂຸດຄົ້ນແຮ່ທາດ ທີ່ເມືອງຄໍາເກີດ ພາຍໃຕ້ການເປັນປະທານຂອງທ່ານ ປອ. ສຸວັນນີ ໄຊຊະນະ ຮອງເລຂາພັກແຂວງ ປະທານສະພາປະຊາຊົນແຂວງ, ມີທ່ານ ເພັດສະໃໝ ໄຊຍະທິຈັກ ເຈົ້າເມືອງຄໍາເກີດ,

ມີພະນັກງານ ພະແນກພະລັງງານ ແລະ ບໍ່ແຮ່ແຂວງ, ເຈົ້າຂອງໂຄງການ ແລະ ພະແນກການທີ່ກ່ຽວຂ້ອງ ເຂົ້າຮ່ວມ. ໃນກອງປະຊຸມ ໄດ້ປຶກສາຫາລືບາງບັນຫາ ເຊັ່ນ: ການຕອບສະໜອງຄວາມ ເ ສ ຍ ຫາຍຂອງປະຊາຊົນ ທີ່ໄດ້ຮັບ ຜົ ນ ກ ະ ທົ ບ ຈາກໂຄງການ, ການສໍາຫຼວດຄວາມເປັນໄປໄດ້ ແລະ ການເຄື່ອນໄຫວຂອງໂຄງການ ໃຫ້ເຂົ້າກັບລະບົບຂອງຂັ້ນເທິງວາງອອກ ເພື່ອໃຫ້ສອດຄ່ອງກັບ ກົ ດ ໝ າ ຍ ໃນການຂຸດຄົ້ນບໍ່ແຮ່ ໃນ ສປປ ລາວ.

ຈາກນັ້ນ ເຈົ້າຂອງໂຄງການຜະລິດຫີນອ່ອນມາໂບ ແລະ ຕາງໜ້າໂຄງການຂຸດຄົ້ນຫີນແກ້ວກາສຊິດ ໄດ້ລາຍງານການເຄື່ອນໄຫວວຽກງານທີ່ທາງໂຄງການໄດ້ຈັດຕັ້ງປະຕິບັດຜ່ານມາ. ພ້ອມນັ້ນ ປະທານກອງປະຊຸມ, ຄະນະປະທານ, ເຈົ້າຂອງໂຄງການ ພ້ອມພະແນກການທີ່ກ່ຽວຂ້ອງ ໄດ້ເດີນທາງໄປໂຮງງານຜະລິດຫີນອ່ອນມາໂບ ແລະ ສະຖານທີ່ຂຸດຄົ້ນຫີນແກ້ວກາສຊິດ ທີ່ບ້ານທົ່ງວຽງຄໍາ ເມືອງຄໍາເກີດ ແຂວງບໍລິຄຳໄຊ ເພື່ອ ຕິ ດ ຕາມ ກວດກາ