ວັນ​ທີ 14-18 ກໍລະກົດຝົນຈະຕົກໜັກ​ຢູ່​ເຂດ​ພາກ​ເໜືອ

ກົມອຸຕຸນິຍົມ ແລະ ອຸທົກກະສາດ ແຈ້ງໃຫ້​ຮູ້​ວ່າ: ນັບ​ແຕ່​ວັນ​ທີ 14-18 ກໍລະກົດ 2021 ຈະມີຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍ ຫາ ປານກາງຢູ່ທົ່ວໄປ ແລະ ຕົກ​ໜັກ​ຢູ່​ເຂດ​ພາກ​ເໜືອ ພ້ອມມີລົມພັດແຮງຢູ່ບາງ ທ້ອງຖິ່ນໃນແຕ່ລະພາກ ດັ່ງ​ນັ້​ນຈຶ່ງ​ແຈ້ງ​ເຕືອນ​ໃຫ້​ປະ​ຊາ​ຊົນຢູ່​ທົ່ວ​ທຸກ​ພາກຈົ່ງມີສະຕິລະມັດລະວັງຕໍ່ສະພາບ ອາ​ກາດ​ດັ່ງ​ກ່າວ​ອາດຈະເຮັດໃຫ້ມີ ນໍ້າຖ້ວມຊູ ແລະ ດິນເຈື່ອນ ເກີດຂຶ້ນຢູ່ບາງທ້ອງຖິ່ນ ໂດຍ​ສະ​ເພາະ​ຢູ່​ບັນ​ດາແຂວງພາກເໜືອໃຫ້​ລະ​ວັງ​ເປັນ​ພິ​ເສດ.