ມີຫຼາຍກວ່າ 4 ລ້ານຄົນເສຍຊີວິດຈາກພະຍາດໂຄວິດ

ອີງຕາມ​ຂ່າວ​ຈາກ VOVWORLD , ຕາມເວັບໄຊສະຖິຕິ worldometers.info, ໄລ່ຮອດເວລາ 1 ໂມງເຊົ້າຂອງວັນທີ 15 ກໍລະກົດ 2021, ທົ່ວໂລກ ຢັ້ງຢືນ ມີຜູ້ຕິດເຊື້ອ ພະຍາດ ໂຄວິດ – 19 ສະສົມກວ່າ 189 ລ້ານຄົນ, ໃນນັ້ນ ມີຫຼາຍກວ່າ 4 ລ້ານຄົນ ເສຍຊີວິດ. ປະເທດ ທີ່ຖືກຜົນສະທ້ອນ ຢ່າງໜັກໜ່ວງ ທີ່ສຸດ ແມ່ນ ສ.ອາເມລິກາ ດ້ວຍຈຳນວນ ຜູ້ເສຍຊີວິດກວ່າ 623.000 ຄົນ, ໃນຈຳນວນ ຜູ້ຕິດເຊື້ອ ທັງໝົດເກືອບ 35 ລ້ານຄົນ. ຖັດຈາກນັ້ນ ແມ່ນ ອິນເດຍ ແລະ ບຣາຊິນ. ສ່ວນ​ຢູ່​ໃນອາຊີ, ຈຳນວນ ຜູ້ຕິດເຊື້ອຢູ່ ອິນໂດເນເຊຍ ໄດ້ເພີ່ມຂຶ້ນ ຢ່າງຕໍ່ເນື່ອງ ໃນສອງສາມ ອາທິດ ຜ່ານມາ ແລະ ປະກົດ ມີໄວຣັດ ກາຍພັນໃໝ່ ທີ່ ອັ ນ ຕ ະ ລ າ ຍ, ພິເສດແມ່ນ ໄວຣັດ ກາຍພັນໃໝ່ Delta. ປັດຈຸບັນ, ອິນໂດເນເຊຍ ພວມແມ່ນປະເທດ ຢືນອັນດັບໜຶ່ງ ໃນໂລກ ກ່ຽວກັບ ຈຳນວນ ຜູ້ຕິດເຊື້ອ ລາຍໃໝ່ ລາຍວັນ ຈຳນວນ 54.513 ຄົນ ກາຍ​ເປັນປະເທດ

ທີ່ມີຜູ້ຕິດເຊື້ອ ແລະ ຜູ້ເສຍຊີວິດສູງສຸດ ໃນພາກພື້ນ ອາຊີ ຕາເວັນ ອອກສ່ຽງໃຕ້, ອັນໄດ້ຍົກ ຈຳນວນຜູ້ຕິດເຊື້ອ ທັງໝົດ ຢູ່ປະເທດນີ້ ຂຶ້ນ ເປັນ 2.670.042 ຄົນ, ໃນນັ້ນ ມີ 69.210 ຄົນເສຍຊີວິດ. ຂະນະ​ທີ່ ກະຊວງ ສາທາລະນະສຸກ ຫວຽດນາມ ໃຫ້ຮູ້ວ່າ: ຫວຽດນາມ ຢັ້ງຢືນ ມີຜູ້ຕິດເຊື້ອ ລາຍໃໝ່ ຕື່ມອີກ 1.922 ຄົນ, ອັນໄດ້ຍົກ ຈຳນວນ ຜູ້ຕິດເຊື້ອ ລາຍວັນ ຂຶ້ນເປັນ 3.416 ຄົນ. ໃນນັ້ນ ຫຼາຍທີ່ສຸດ ແມ່ນຢູ່ນະຄອນ ໂຮ່ຈີມິງ ດ້ວຍ 2.691 ຄົນ. ​ເມື່ອໄລ່ຮອດເວລາ 18 ໂມງຕອນຄ່ຳ ວັນທີ 15 ກໍລະກົດ, ຫວຽດ ນາມ ມີຜູ້ຕິດ ເຊື້ອ ສະສົມ 40.850 ຄົນ, ໃນນັ້ນ ມີ 9.688 ຄົນ ໄດ້ຮັບການ ປິ່ນປົວຫາຍດີ. ປັດຈຸບັນ ອົງການ ຄຸ້ມຄອງ ການຢາຂອງ ສະຫະພາບ ເອີຣົບ (EMA) ໄດ້ຮຽກຮ້ອງ ໃຫ້ບັນ ດາປະເທດ ຍູ້ແຮງ ໂຄງການ ສັກວັກຊິນ ໂດຍຖືວ່າ ການສັກວັກຊິນ ກັນພະຍາດ ໂຄວິດ – 19 ຄົບ 2 ໂດສ ແມ່ນມີຄວາມສຳຄັນຍິ່ງ ເພື່ອສາມາດ ປ້ອງກັນຕົນເອງ ໃຫ້ຫ່າງຈາກໄວຣັດ ກາຍພັນໃໝ່ Delta.