ກຳປູເຈຍພົບຜູ້ເສຍຊີວິດຈາກໂຄວິດ-19 ສູງທີ່ສຸດ 20 ຄົນໃນຮອບ 24 ຊົ່ວໂມງ

ຂປລ.ຕາມ​ຂ່າວ​ຈາກ​ ພະນົມ​ເປັນ,ວັນ​ທີ 19 ​ມິຖຸນາ 2021, ກະຊວງ ​ສາທາລະນະ​ສຸກ ກຳປູ​ເຈຍ ລາຍ​ງານ​ວ່າ: ກວດພົບ​ ຜູ້​ເສຍ​ຊີວິດ ​ຈາກ​ໂຄ​ວິດ-19 ​ໃນ​ຮອບ 24​ ຊົ່ວ​ໂມງ ​ຈຳນວນ 20 ຄົນ ເປັນ​ສະຖິຕິ​ສູງ​ທີ່​ສຸດ ​ຂອງ​ຜູ້​ເສຍ​ຊີວິດ ລາຍ​ວັນ ​ແລະ ກວດ​ພົບ ​ຜູ້​ຕິດ​ເຊື້ອ​ ລາຍ​ໃໝ່ ສາຍ​ພັນ ​ເດລຕາ (ອິນເດຍ) 7 ຄົນ ​ເປັນ​ຜູ້​ເດີນທາງ​ ຂ້າມ​ຊາຍ​ແດນ ຈາກ​ປະ​ເທດ​ໄທ.

ນອກ​ນີ້ ​ເຈົ້າໜ້າ​ທີ່ ສາທາລະນະສຸກ ກຳປູເຈຍ ​ຮຽກຮ້ອງ​ໃຫ້​ປະຊາຊົນ ມີ​ຄວາມ​ ລະມັດ ລະວັງ ປະຕິບັດ ຕາມ​ຂໍ້​ກຳນົດ ດ້ານ​ສຸຂະ​ອະນາ​ໄມ ຮັກສາ​​ ໄລຍະຫ່າງ ທາງ​ສັງຄົມ ​ແລະ ຫ້າມອອກ​ຈາກ​ເຮືອນ ຖ້າ​ບໍ່​ຈຳ​ເປັນ. ປັດຈຸບັນ ກຳປູ​ເຈຍ ມີ​ຜູ້​ຕິດ​ເຊື້ອ ພະຍາດ ​ໂຄ​ວິດ-19 ທັງ​ໝົດ 42.052 ຄົນ ​ແລະ ​ເສຍ​ຊີວິດ 414 ຄົນ.

ຮຽບຮຽງ​ຂ່າວ​ໂດຍ ສະ​ໄຫວ ລາດ​ປາກ​ດີ