ເອົາອີກແລ້ວແຜ່ນດິນໄຫວຢູ່ເມືອງເງິນແຂວງໄຊຍະບູລີ

ກົມອຸຕຸນິຍົມ ແລະ ອຸທົກກະສາດ ໄດ້ລາຍງານສະພາບການເກີດແຜ່ນດິນໄຫວ ໃນວັນທີ 19 ກໍລະກົດ 2021 ເວລາ 05:55 ໂມງ, ໄດ້ພົບສັນຍານແຜ່ນດິນໄຫວ ພາຍໃນປະເທດລາວ 1 ຄັ້ງ ໃນບໍລິເວນ ແຂວງໄຊຍະບູລີ . ຈຸດສູນກາງເກີດແຜ່ນດິນໄຫວ ຢູ່ເມືອງເງິນ ແຂວງໄຊຍະບູລີ

ສູນກາງຢູ່ເສັ້ນຂະໜານທີ 19.61 ອົງສາເໜືອ ແລະ ເສັ້ນແວງທີ 101.07 ອົງສາຕາເວັນອອກ ດ້ວຍຄວາມແຮງສັ່ນສະເທືອນວັດແທກໄດ້ 2.3 ຣິກເຕີ. ມີຄວາມເລິກຈາກເທິງໜ້າດິນປະມານ 10 ກິໂລແມັດ ຫ່າງຈາກເທສະບານ ເມືອງເງິນ ປະມານ 5 ກິໂລແມັດ ແລະ ໃນເບື້ອງຕົ້ນຍັງບໍ່ມີລາຍງານຜົນເສຍຫາຍ.