ບຸນພຣະທາດຫຼວງວຽງຈັນປີນີ້ຈັດຂຶ້ນວັນທີ4-8ພະ​ຈິກ

ກຳນົດແລ້ວ! ງານບຸນພຣະທາດຫຼວງວຽງຈັນປີນີ້ຈະຈັດຂຶ້ນແຕ່ວັນທີ 4-8 ພະ​ຈິກ. ວັນທີ 19 ຕຸລາ 2022 ຄະນະຮັບຜິດຊອບຈັດງານປະເພນີບຸນນະມັດສະການພຣະທາດຫຼວງວຽງຈັນ ປະຈໍາປີ 2022. ທ່ານ ຖະຫນອມ ທໍາທອງ ປະທານແນວລາວສ້າງຊາດນະຄອນຫລວງວຽງຈັນ ໃຫ້ຮູ້ວ່າ: ງານ​ບຸນ​ນະ​ມັດ​ສະ​ກາ​ນ​ພ​ຣ​ະ​ທາດຫຼວງປີນີ້ໄດ້ກຳ​ນົດ 5 ວັນ ເລີ່ມ​ແຕ່​ວັນ​ທີ 4-8 ພະ​ຈິກ 2022 ລາຍ​ລະ​ອຽດມີ​ຄື:ວັນ​ທີ 4 ພະ​ຈິກ ເວ​ລາ 16:30 ໂມງ

ເປັນ​ມື້​ເລີ່ມ​ງານ​​ບຸນ​ປະ​ເພ​ນີ ວັນ​ທີ 6 ພະ​ຈິກ ເວ​ລາ 16:00 ໂມງ ພິ​ທີ​ສູດ​ປະ​ລິ​ຕະ​ມຸງ​ຄຸ​ນທີ່​ພ​ຣະ​ທາດຫຼວງ ວັນ​ທີ 7 ພະ​ຈິກ ເວ​ລາ 13:30 ໂມງ ພິ​ທີ​ແຫ່​ຜາ​ສາດ​ເຜິ້ງ ວັນ​ທີ 8 ພະ​ຈິກ ເວ​ລາ 7:00 ໂມງ ພິ​ທີ​ໃສ່​ບາດ​ຖວາຍ​ສັງ​ກະ​ທານ ເວ​ລາ 13:00 ໂມງ ພິ​ທີ​ແຫ່​ລູກ​ຄີ ແລະ ການ​ແຂ່ງ​ຈັນ​ກີລາ​ພື້ນ​ບ້ານ​ຕີ​ຄີ ເວ​ລາ 19:00 ໂມງ ພິ​ທີ​ວຽນ​ທຽ​ນ ແລະ ຈູ​ດ​ທູບ​ທຽນບັ້ງ​ໄຟ​ສັກ​ກະ​ລະ​ບູ​ຊາອົງ​ພ​ຣະ​ທາດ. ເພື່ອບໍ່ໃຫ້ມີການແອອັດ ຄະນະຮັບຜິດຊອບຈັດງານບຸນ ໄດ້ກໍານົດການຈັດງານ​ຢູ່​ສູນ​ການ​ຄ້າ​ລາວ-ໄອ​ເຕັກ ເລີ່ມແຕ່ວັນ​ທີ 2-8 ພະ​ຈິກ ມີ​ຈຳ​ນວນ​ບູ​ດ​ໄວ້​ຮອງ​ຮັບ 488 ບູ​ດ

ສ່ວນທີ່​ເດີ່ນ​ທາ​ດຫຼວງ ແລະ ເດີ່ນ​ສ​ະ​ໜາມຫຼວງ​ປະ​ກອບ​ມີ ການ​ວາງ​ສະ​ແດງ​ການ​ທ່ອງ​ທ່ຽວ ນະ​ວັດ​ຕະ​ກຳ​ໃໝ່ ທາງ​ລົດ​ໄຟ​ຄວາມ​ໄວ​ສູງ ເຂດ​ໂລ​ຈິດ​ສະ​ຕິກ ທາງ​ດ່ວນ ຮ້ານ​ວາງ​ສະ​ແດງ​ສິນ​ຄ້າ ຈາກ ສ​ສ ຫວຽດ​ນາມ (ຮ່າ​ໂນ້ຍ ໂຮ່​ຈີ່​ມິນ ຢ່າ​ຈາງ) ສິນ​ຄ້າ​ໂອ​ດ໋ອບ ສິນ​ຄ້າ​ຄອບ​ຄົວ​ຕົວ​ແບບ ສິນ​ຄ້າ​ຜະ​ລິດ​ຕະ​ພັນ​ພາຍ​ໃນ ແລະ ວາງ​ສະ​ແດງ​ສິນ​ຄ້າ ປະ​ເທດ​ທ່ອງ​ທ່ຽວຄາ​ດ​ຄະ​ເນ​ລວມ 215 ຫ້ອງ ສິນ​ຄ້າ​ປະ​ເພດ: ບໍ​ລິ​ສັດ​ຂາ​ເຂົ້າ-ຂາ​ອອກ ເສື້ອ​ຜ້າ ສິນ​ຄ້າ​ທົ່ວ​ໄປ ແລະ ເຄື່ອງຫຼິ້ນ​ຈຳ​ນວນ 669 ຫ້ອງ ປະ​ເພ​ດ​ອາ​ຫານ ແລະ ເຄື່ອງ​ດື່ມ ເຂົ້າຫຼາມ ປີ້ງ​ໄກ່ ຢູ່​ເຂດ​ຮອບນອກ​ 134 ຫ້ອງ ລວມ​ທັງ​ໝົດ​ມີ​ປະ​ມານ 1.018 ຫ້ອງ.