ຍິ່ງໃຫຍ່ແນ່ນອນບຸນພຣະທາດຫຼວງປີນີ້

ກຽມພົບກັນ! ບຸນພຣະທາດຫຼວງ ເລີ່ມ 4-8 ພະຈິກ ປີນີ້ ຍິ່ງໃຫຍ່ແນ່ນອນ! ວັນທີ 19 ຕຸລາ 2022 ຄະນະຮັບຜິດຊອບຈັດງານປະເພນີບຸນນະມັດສະການພຣະທາດຫຼວງວຽງຈັນ ປະຈໍາປີ 2022 ໄດ້ຖະແຫຼງຂ່າວກ່ຽວກັບການກະກຽມງານບຸນປະເພນີ ການຈັດງານຄັ້ງນີ້ມີຈຸດປະສົງເພື່ອະນຸລັກຮັກສາ ແລະ

ສົ່ງເສີມວັດທະນະທຳ ພ້ອມນັ້ນເພື່ອເປັນການສ້າງໂອກາດໃນການຈັດຕັ້ງປະຕິບັດ 2 ວາລະແຫ່ງຊາດກໍ່ຄືການຟື້ນຟູເສດຖະກິດ ດ້ວຍຮູບການຊຸກຍູ້ສົ່ງເສີ່ມການທ່ອງທ່ຽວ ສົ່ງເສີ່ມການຄ້າ ສິນຄ້າຄອບຄົວຕົວແບບທີ່ຈະກ້າວເປັນສິນຄ້າໂອ ຈັດງານບຸນນະມັດສະການພຣະທາດຫຼວງປີນີ້ໄດ້ກຳນົດ 5 ວັນ ເລີ່ມແຕ່ວັນທີ 4-8 ພະຈິກ 2022 ລາຍລະອຽດມີຄື

ວັນທີ 4 ພະຈິກ ເວລາ 16:30 ໂມງ ເປັນມື້ເລີ່ມງານບຸນປະເພນີ
ວັນທີ 6 ພະຈິກ ເວລາ 16:00 ໂມງ ພິທີສູດປະລິຕະມຸງຄຸນທີ່ພຣະທາດຫຼວງ

ວັນທີ 7 ພະຈິກ ເວລາ 13:30 ໂມງ ພິທີແຫ່ຜາສາດເຜິ້ງ
ວັນທີ 8 ພະຈິກ ເວລາ 7:00 ໂມງ ພິທີໃສ່ບາດຖວາຍສັງກະທານ ເວລາ 13:00 ໂມງ ພິທີແຫ່ລູກຄີ ແລະ ການແຂ່ງຈັນກີລາພື້ນບ້ານຕີຄີ ເວລາ 19:00 ໂມງ ພິທີວຽນທຽນ ແລະ ຈູດທູບທຽນບັ້ງໄຟສັກກະລະບູຊາອົງພຣະທາດ.