ໃຜ ປ ອ ມ ແ ປ ງ ບັດຂຽວມີ ໂ ທ ດ ໜັ ກ ລ ະ ວັ ງ ຕິ ດ ຄຸ ກ

ທ່ານ ດຣ. ບຸນທະວີ ເດດບັນດິດ ຮອງຫົວໜ້າພະແນກສາທາລະນະສຸກ ນະຄອນຫຼວງວຽງຈັນ, ທັງເປັນຄະນະສະເພາະກິດປ້ອງກັນ ແລະ ຄວບຄຸມພະຍາດ ໂ ຄ ວິ ດ -19 ນະຄອນຫຼວງວຽງຈັນ ໄດ້ໃຫ້ຂໍ້ມູນວ່າ: ໃນວັນທີ 18 ມິຖຸນາ 2021: ພາຍຫຼັງທີ່ລັດຖະບານ ໄດ້ມີມາດຕະການ ແລະມີຄຳສັ່ງທີ່ເຂັ້ມງວດ ໂດຍສະເພາະ ຄຳສັ່ງເລກທີ 959/ສນຍ ໄດ້ລະບຸວ່າ ຖ້າມີການເດີນທາງເຂົ້າ-ອອກ ລະຫວ່າງແຂວງຕໍ່ແຂວງ ຫຼື ອອກຕ່າງປະເທດ ແມ່ນທຸກຄົນຕ້ອງໄດ້ຮັບການສັກວັກຊີນຄົບ 2 ເຂັມ

ຈຶ່ງສາມາດເດີນທາງໄປໄດ້ ໂດຍແມ່ນສູນແມ່ ແລະ​ ເດັກ, ແລະ ກົມອະນາໄມ ກະຊວງສາທາລະນະສຸກ ເປັນຜູ້ອອກໜັງສືອະນຸຍາດ ຫຼື ໜັງສືຢັ້ງຢືນໃຫ້ ແລະຈະອອກໃຫ້ສະເພາະຜູ້ຈະເດີນທາງໄປຕ່າງປະເທດເທົ່ານັ້ນ, ແຕ່ກໍຕ້ອງໄດ້ລໍຖ້າເບິ່ງນະໂຍບາຍ ທີ່ຊັດເຈນຈາກກະຊວງສາທາລະນະສຸກ ແລະ​ ຍັງຕ້ອງໄດ້ເບິ່ງວ່າປະເທດລາວ ແລະປະເທດປາຍທາງ ໄດ້ມີການສັນຍາຮ່ວມກັນລະຫວ່າງປະເທດ ຈຶ່ງສາມາດຈັດຕັ້ງປະຕິບັດໄດ້, ແຕ່ວ່າຢູ່ພາຍໃນປະເທດລາວແມ່ນປະຕິບັດແລ້ວນັ້ນກໍຄື ຖ້າຜູ້ໃດໄດ້ສັກວັກຊິນ 2 ເຂັມແລ້ວ ບໍ່ຈໍາເປັນຕ້ອງມີໃບກວດ ໂ ຄ ວິ ດ -19 ຫລື ໃບ ກັ ກ ກັ ນ ອີກ.

ເນື່ອງຈາກປັດຈຸບັນ, ໄດ້ມີກຸ່ມຄົນຈຳນວນໜຶ່ງໄດ້ໂພສລົງເຟສບຸກ ຫຼື ສື່ອອນລາຍ ວ່າຮັບເຮັດບັດ ແລະ​ ແລ່ນເອກະສານ ກ່ຽວກັບໃບຢັ້ງຢືນກວດ ໂ ຄ ວິ ດ -19, ເຊິ່ງພວກເຮົາຮັບຮູ້ນຳກັນວ່າ ການຈຳກັດການເຂົ້າ-ອອກປະເທດ ແມ່ນພາລະບົດບາດຂອງກົມກົງສູນ ກະຊວງການຕ່າງປະເທດ ແລະ​ ຕ້ອງມີການພົວພັນສັນຍາຮ່ວມກັນລະຫວ່າງປະເທດນັ້ນ. ສະນັ້ນ, ບຸກຄົນຮັບແລ່ນເອກະສານ ຈະບໍ່ມີສິດທີ່ຈະໄປອອກໃບອະນຸຍາດ ໃຫ້ກັບຜູ້ທີ່ຈະເດີນທາງເຂົ້າ-ອອກປະເທດໄດ້ ເຖິງວ່າຈະຢູ່ໃນພື້ນທີ່ຂອງນະຄອນຫຼວງກໍ່ຕາມ ເຊິ່ງນີ້ເປັນບັນຫາ ແລະ​ ເປັນກະແສເຮັດໃຫ້ສັງຄົມຍັງເກີດຄວາມສັບສົນ.

ທ່ານໄດ້ໃຫ້ຮູ້ຕື່ມວ່າ: ທຸກຄົນທີ່ໄດ້ຮັບການສັກວັກຊີນຄົບ 2 ເຂັມ ແມ່ນຈະໄດ້ຮັບບັດຂຽວ ໂດຍແມ່ນສູນ ຫຼື ໂຮງໝໍ ອອກໃຫ້ໂດຍຈະມີການຈ້ຳກາເປັນການຢັ້ງຢືນໃຫ້. ແຕ່ປັດຈຸບັນແມ່ນໄດ້ມີບັດ ປ ອ ມ ອອກມາ ແລະ​ ອາດມີການວ່າຈ້າງຂຶ້ນມາ, ເຊິ່ງທາງຄະນະສະເພາະກິດໄດ້ມີທິດທາງ ເພື່ອຫຼຸດຜ່ອນຜົນກະທົບດັ່ງກ່າວ, ໂດຍໄດ້ມີການປຶກສາຫາລື ເພື່ອສືບຕໍ່ແກ້ໄຂບັນຫາດັ່ງກ່າວໃນຂັ້ນຕໍ່ໄປວ່າຈະເຮັດລັກສະນະໃດ ເພື່ອແກ້ໄຂ ບໍ່ໃຫ້ມີສະພາບດັ່ງກ່າວນີ້ເກີດຂຶ້ນ. ຖ້າຫາກພົບເຫັນຂໍ້ມູນຂອງຜູ້ສວຍໂອກາດນັ້ນ ພວກເຮົາຈະໄດ້ສົ່ງຂໍ້ມູນຂອງຜູ້ກ່ຽວໃຫ້ຕໍ່ທາງເຈົ້າໜ້າທີ່ ເພື່ອດຳເນີນການໃສ່ລະບຽບຕາມກົດໝາຍ.

ຂໍ້ມູນຂ່າວຈາກ ຂ່າວສານປະເທດລາວ