ທຸກພາກສ່ວນຄວນ ເ ຮັ ດ ໜັງສື ຢັ້ ງ ຢື ນ ໃຫ້ພະນັກງານຂອງຕົນໃນການມາປະຈຳການ

ຫ້ອງວ່າການ, ນະຄອນຫຼວງວຽງຈັນ ອອກແຈ້ງການເລກທີ 3/ຫວນວ, ລົງວັນທີ 20 ກັນຍາ 2021 ເລື່ອງການເຮັດຫນັງສືຢັ້ງຢືນໃຫ້ພະນັກງານຂອງຕົນທີ່ປະຈຳການ ໃນຊ່ວງໄລຍະປະຕິບັດ ມ າ ດ ຕ ະ ກ າ ນ ປີດການສັນຈອນຫ້າມເດີນທາງໄປມາ ໂດຍບໍ່ໄດ້ຮັບອະນຸຍາດພາຍໃນ 7 ເມືອງຄື: ເມືອງໄຊເຊດຖາ, ສີສັດຕະນາກ, ຈັນທະບູລີ, ສີໂຄດຕະບອງ, ໄຊເສດຖາ, ນາຊາຍທອງ, ຫາດຊາຍຟອງ ແລະ ເມືອງໄຊທານີ. ອີງຕາມ ຄຳສັ່ງຂອງນາຍົກລັດຖະມົນຕີ ສະບັບເລກທີ 15/ນຍ, ລົງວັນທີ 21 ເມສາ 2021, ແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີ ສະບັບເລກທີ 1187/ຫສນຍ, ລົງວັນທີ 18 ກັນຍາ 2021,

ຄຳສັ່ງເຈົ້າຄອງນະຄອນຫຼວງວຽງຈັນ ສະບັບເລກທີ 016/ຈນວ, ລົງວັນທີ 19 ກັນຍາ 2021 ກ່ຽວກັບ ມ າ ດ ຕ ະ ການ ປ້ ອ ງ ກັ ນ, ຄວບຄຸມ ແລະ ແກ້ໄຂການ ລ ະ ບ າ ດ ຂອງພະຍາດ ໂ ຄ ວິ ດ – 1 9 ຢູ່ນະຄອນຫຼວງວຽງຈັນ ແລະ ອີງຕາມການຊີ້ນຳຂອງກອງປະຊຸມຄະນະສະເພາະກິດ ເພື່ອ ປ້ ອ ງ ກັ ນ, ຄວບຄຸມ ແລະ ແກ້ໄຂການ ລ ະ ບ າ ດ ຂອງພະຍາດ ໂ ຄ ວິ ດ – 1 9 ນະຄອນຫຼວງວຽງຈັນ ຄັ້ງວັນທີ 20 ກັນຍາ 2021. ຫ້ອງວ່າການນະຄອນຫຼວງວຽງຈັນ ຂໍຖືເປັນກຽດ ແ ຈ້ ງ ມາຍັງບັນດາທ່ານເພື່ອຊາບ ແລະ ຈັດຕັ້ງປະຕິບັດ ດັ່ງນີ້

+ໃຫ້ບັນດາທ່ານຫົວໜ້າຫ້ອງການ ຂອງການຈັດຕັ້ງທຸກພາກສ່ວນ ເປັນເຈົ້າການເຮັດໜັງສືຢັ້ງຢືນໃຫ້ພະນັກງານຂອງຕົນ ທີ່ປະຈຳການໂດຍໃຫ້ມີເນື້ອໃນດັ່ງນີ້:

1) ຊື່ ນາມສະກຸນ,
2) ກົມກອງສັງກັດ,
3) ເລກບັດປະຈຳຕົວ (ບັດພະນັກງານ ຖ້າມີ),
4) ບ່ອນພັກອາໃສ, ເຮືອນເລກທີ, ຊື່ບ້ານ, ຊື່ເມືອງ ແລະ ອື່ນໆ ທີ່ສາມາດກວດສອບໄດ້,
5) ເປັນບຸກຄົນບໍ່ຢູ່ເຂດບ້ານແດງ,
6) ເປັນບຸກຄົນໄດ້ຮັບວັກຊີນຄົບໂດສ (ຖືບັດຮັບວັກຊີນມາພ້ອມ),
7) ບໍ່ແມ່ນຜູ້ສຳຜັດໃກ້ຊິດກັບຜູ້ຕິດເຊື້ອ (C1), ວັນທີ່ປະຈໍາການ(ຕາຕະລາງປະຈຳການ).

ໝາຍເຫດຖ້າ ຖື ກ ມື້ປະຈຳການໃຫ້ຖືເອກະສານຢັ້ງຢືນຈາກກົມກອງ ເພື່ອແຈ້ງຕໍ່ ເ ຈົ້ າ ໜ້ າ ທີ່ ປະຈໍາດ່ານກວດກາທຸກຄັ້ງ, ກໍລະນີບໍ່ແມ່ນມື້ປະຈໍາການແຕ່ມີວຽກຈໍາເປັນ ຕ້ອງມີການຢັ້ງຢືນຈາກກົມກອງສະເພາະ ຫຼື ໄດ້ຮັບອະນຸຍາດຈາກຄະນະສະເພາະກິດ. ດັ່ງນັ້ນ, ຈຶ່ງ ແ ຈ້ ງ ມາຍັງທ່ານເພື່ອຊາບ ແລະ ຈັດຕັ້ງປະຕິບັດ ຕາມເນື້ອໃນຂ້າງເທີງດ້ວຍ.