ທີ່ເມືອງເຟືອງມີຖໍ້ານ້ຳກ້ອນຄືຢູ່ໃນເມືອງແຫ່ງເວດມົນເລີຍ

ສອງສາມປີຜ່ານມາ ເມືອງແຫ່ງນີ້ເປັນທີ່ສົນໃຈຂອງນັກທ່ອງທ່ຽວຫຼາຍ ແລະ ຫຼ້າສຸດ ທີມສຳຫຼວດສະຖານທີ່ທ່ອງທ່ຽວຈາກບໍລິສັດ ກຣິນດິສໂຄເວີຣີລາວ ນຳໂດຍ ທ່ານອິນທີ ເດືອນສະຫວັນ ໄດ້ລົງສຳຫລວດຖໍ້າແຫ່ງໜຶ່ງຢູ່ເມືອງເຟືອງ ເຊິ່ງງົດງາມ ແລະ ໜ້າອັດສະຈັນອີກແຫ່ງຂອງເມືອງລາວ.

ອ້າຍບຸນ ປັນຍາວົງ Boun Panyavong ໜຶ່ງໃນຜູ້ທີ່ເດີນທາງລົງສຳຫຼວດຖໍ້າແຫ່ງດັ່ງກ່າວ ໄດ້ໂພສຂໍ້ຄວາມລົງເພສບຸກ ໃນຕອນເຊົ້າວັນທີ 22 ມັງກອນ 2022 ວ່າ: ເມືອງເຟືອງ ແຂວງວຽງຈັນ ອາດເປັນເສັ້ນທາງການທ່ອງທ່ຽວທີ່ສຳຄັນແຫ່ງໃໝ່ຂອງລາວ ສິ່ງສຳຄັນທີ່ສຸດ ຄືມາໃຫ້ຖືກທີ່ ແລະ

ຖືກເວລາ, ສ່ວນທີ່ເຫຼືອຄືທຳມະຊາດລ້ວນໆ. ຂໍຂອບໃຈເຈົ້າຖິ່ນ ແລະເຈົ້າແນວຄວາມຄິດທີ່ໄດ້ຊັກຊວນໃຫ້ຂ້ອຍໄດ້ມາຮ່ວມເດີນທາງໃນຄັ້ງນີ້ ແລະມີຄວາມພາກພູມໃຈສຸດໆໆໆທີ່ໄດ້ເອົາພາບອັນມະຫັດສະຈັນໃນຖຳ້ແຫ່ງນີ້ອອກມາເຜີຍແຜ່ຕໍ່ສັງຄົມກໍ່ຄືຄວາມອຸດົມສົມບູນ ແລະຮັ່ງມີຂອງ ສປປລາວ ຂອງພວກເຮົາ.

ທາງທີມງານ ຂໍສະຫງວນຊື່ ແລະ ສະຖານທີ່ນີ້ໄວ້ກ່ອນເພາະຍັງມີຫລາຍຢ່າງຍັງມີຄວາມຫຍຸ້ງຍາກໃນການເຂົ້າເຖິງ ແລະ ຄວາມບໍ່ສະດວກຕ່າງໆ. ຖຳ້ແຫ່ງນີ້ມີຄວາມອຸດົມສົມບູນຫລາຍເພາະເປັນຖຳ້ໃໝ່ ມີຫີນຍ້ອຍຄ້າຍໆກັບນໍ້າກ້ອນ ແຕ່ທາງໃດຖໍ້າບໍ່ໄດ້ໜາວ ຄື ຫຼາຍຄົນຄິດ ອາກາດປົກກະຕິ ຄືຖໍ້າທົ່ວໄປ.

ທາງທີມງານຂ່າວ ຂໍອະນຸຍາດແບ່ງປັນພາບ ແລະ ຂໍໃຫ້ຄວາມອຸດົມສົມບູນຂອງທຳມະຊາດແຫ່ງນີ້ ຈົ່ງຢູ່ຄຽງຄູ່ຄົນລາວສືບໄປ, ຂໍໃຫ້ມີລະບົບບະບຽບໃນການດູແລທີ່ດີ ເມື່ອມີການເປີດໃຫ້ເຂົ້າຊົມ, ເພາະທຳມະຊາດມັກຖືກທຳລາຍໂດຍມະນຸດ ບາງຄົນທີ່ບໍ່ຮູ້ຄຸນຄ່າແລະ ສິ່ງງົມງາມທີ່ຕ້ອງໄດ້ໃຊ້ເວລາເນລະມິດ ຫຼາຍລ້ານປີ.