ຍອດ​ມູນ​ຄ່າ​ສິນ​ຄ້າ​​ສາ​ກົນຜ່ານ​ທາງ​ລົດ​ໄຟ​ລາວ-​ຈີນບັນ​ລຸຫຼາຍກວ່າ1ຕື້ຢວນ

ດ່ານ​ພາ​ສີ​ຄຸນ​ໝິງ​ເປີດ​ເຜີຍ​ໃຫ້​ຮູ້​ວ່າ: ນັບ​ແຕ່​ທາງ​ລົດ​ໄຟ​ລາວ-​ຈີນ​ ໄດ້​ເປີດ​​ນຳ​ໃຊ້​ໃນ​ວັນ​ທີ 3 ທັນ​ວາ​ 2021 ມາ​ຮອດ​ວັນ​ທີ 17 ມັງ​ກອນ 2022​, ດ່ານ​ພາ​ສີ​ຄຸນ​ໝິງ​ໄດ້​ກວດ​ກາ​ ແລະ​ ອະ​ນຸຍາດ​ໃຫ້ຂະ​ບວນ​ລົດ​ໄຟ​ຂົນ​ສົ່ງ​ສິ​ນ​ຄ້າ​ສາ​ກົນ​​ແລ່ນຕາມ​ທາງ​ລົດ​ໄຟ​ລາວ-ຈີນ​ ຈຳ​ນວນ 153 ຖ້ຽວ, ​ມີສິນ​ຄ້າ​ລວມ​ທັງ​ໝົດ 59,500 ໂຕນ ​ມີມູນ​ຄ່າ 1,068,000,000 ຢ​ວນ. ໄດ້​ຂົນ​ສົ່​ງ​ສິນ​ຄ້າ​​ນຳ​ເຂົ້າ ແລະ ​ສົ່ງ​ອອກຫຼາຍກວ່າ 100 ຊະ​ນິດ, ໃນ​ນັ້ນ, ສິນ​ຄ້າ​ນຳ​ເຂົ້າ​ຈີນ ລວມມີ ຢາ​ງພາ​ລາ, ​ແຮ່​​ເຫຼັກ, ຖ່ານດັງ​ໄຟ ແລະ ອື່ນໆ,

ສິນ​ຄ້າ​ສົ່ງ​ອອກຈາກຈີນ ​ລວມມີ​ ຜັກ​ສົດ, ເຄື່ອງ​ໃຊ້​ປະ​ຈຳ​ວັນ, ກົນ​ຈັກ, ເຄື່ອງ​ໄຟ​ຟ້າ ແລ​ະ ​ອື່ນໆ. ດ່ານ​ພາ​ສີ​ຄຸນ​ງ​​ ຍັງ​​ໃຫ້​ຮູ້​ຕື່ມ​ອີກວ່າ: ເຄືອ​ຂ່າຍ​ຂົນ​ສົ່ງ​ຂອງ​ທາ​ງ​ລົດ​ໄຟ ລາວ​-ຈີນ​ ໄດ້​ກວມ​ເອົາ 9 ແຂວງ ແລະ 15 ກຳ​ແພງ​ນະ​ຄອນ​ຢູ່​ຈີນ ແລະ 10 ກວ່າ​ປະ​ເທດ​ທີ່​ຮ່ວມ​ກັນ​ສ້າງ “ໜຶ່ງ​ແລວ​ໜຶ່ງ​ເສັ້ນ​ທາງ” ຊຶ່ງລວມ​ທັງ​ປະ​ເທດ​ລາວ ​ໄດ້​​ເປັນ​ການເພີ່ມ​ພະ​ລັງ​ຂັບ​ເຄື່ອນ​ໃຫ້​ກັບ​ການ​ຮ່ວມ​ມື​ດ້ານ​ເສດ​ຖະ​ກິດ​ການ​ຄ້າ​ລະ​ຫວ່າງ ​ຈີນ​ ກັບ ​ລາວ ກໍ​ຄື​ລະ​ຫວ່າງ​ປະ​ເທດ​ຕ່າງໆ​ທີ່​ຮ່ວມ​ກັນສ້າງ “ໜຶ່ງ​ແລວ​ໜຶ່ງ​ເສັ້ນ​ທາງ” ນັ້ນເອງ.