ຂໍຄວາມຊ່ວຍເຫລືອແມ່ຄ້າເກີດອຸປະຕິເຫດລົດຕຳຂາແຕກຫັກຜູ້ເປັນຜົວຫນີປະ

ວັນທີ 22/5/2021 ເພຈທີ່ມີຊື່ວ່າ HIV/AIDSLaos ໄດ້ໂພສວ່າ “ເສຍສະຫຼະອ່ານຈັກຫນ້ອຍຫນຶ່ງທ່ານເອີ້ຍ. ທາງສະມາຄົມເຮົາ ໄດ້ຮັບການຕິດຕໍ່ຂໍຄວາມຊ່ວຍເຫລືອຈາກນາງ ວົງເດືອນ ສີຫາລາດ ອາຍຸ 46 ປີ ເປັນຄົນແຂວງຈຳປາສັກ, ມາທຳມາຫາກິນ ແລະ ອາໄສຫ້ອງເຊົ່າຢູ່ ບ້ານທາດຫລວງ ນະຄອນຫລວງວຽງຈັນ. ເຊິ່ງມີອາຊີບເດີມເປັນແມ່ຄ້າ ແຕ່ເມື່ອເກີດອຸປະຕິເຫດລົດຕຳ ຈຶ່ງເຮັດໃຫ້ຜູ້ເປັນ ຜົວຫນີປະ,

ຂາທີ່ແຕກຫັກແມ່ນຍັງດາມຂາໄວ້ເຮັດໃຫ້ເດີນ ແລະ ທຳມາຫາກິນລຳບາກ. ເຊິ່ງນາງ ວົງເດືອນແມ່ນຕ້ອງການຄວາມຊ່ວຍເຫລືອໃນການຜ່າຕັດເອົາເຫລັກອອກຈາກຂາ ເພື່ອທີ່ຈະໄປທຳມາຫາກິນປະກອບອາຊີບເອງໄດ້ ເພາະຕອນນີ້ຢູ່ຄົນກ່ຽວບໍ່ສາມາດເຮັດອາຊີບໄດ້ ແລະ ຕິດຫນີ້ຄ່າຫ້ອງເຊົ່າຫລາຍ5-6 ເດືອນແລ້ວ.

ທາງສະມາຄົມເຮົາໄດ້ລົງໄປກວດສອບ ແລະ ຊ່ວຍເຫລືອໃນຊ່ວງເບື້ອງຕົ້ນແລ້ວ ເປັນເຂົ້າສານອາຫານແຫ້ງ ແລະ ຢາກຈະເຊີນຊວນໃຜທີ່ມີຈຸດປະສົງຢາກປະກອບສ່ວນຊ່ວຍເອື້ອຍວົງເດືອນ ຄົນລະເລັກລະຫນ້ອຍສົມທົບກັນເພື່ອຜ່າຕັດ ໃຫ້ລາວສາມາດບໍລິຈາກຜ່ານສະມາຄົມເຮົາ ພວກເຮົາໄດ້ ເຊິ່ງເປັນບັນຊີຮັບບໍລິຈາກສະເພາະ(ສາມາດກວດສອບຄວາມໂປ່ງໃສໄດ້) ທີ່ບັນຊີ:

Asociation of People Living With HIV/AIDS( APL+).

ເລກບັນຊີ: 163-12-0000-389372-001

(ຖ້າໃຜ້ໂອນຊ່ວຍແຈ້ງວ່າ “ຊ່ວຍນາງວົງເດືອນ”) ຂໍຄວາມກະລຸນາທ່ານແຊຣ໌ສິ່ງນີ້ອອກໄປເພື່ອຄົນທີ່ສາມາດຊ່ວຍເຫລືອໄດ້ ຂໍຂອບໃຈ”