ແຈ້ງເຕືອນຝົນຕົກ ໜັ ກ ລົມພາຍຸດີເປຼ່ຊັນເຈິມປາກາ

ແຈ້ງເຕືອນຝົນຕົກ ໜັ ກ ປະຈໍາວັນທີ 23 ກໍລະກົດ 2021 ລົມພາຍຸດີເປຼ່ຊັນ ເຈິມປາກາ ກຳລັງເຄື່ອນທີ່ຢູ່ໃກ້ ພາກເໜືອດ້ານຕາເວັນອອກ ສສ ຫວຽດນາມ, ສົມທົບກັບລົມມໍລະສຸມຕາເວັນຕົກສ່ຽງໃຕ້ພັດປົກຄຸມດ້ວຍກຳລັງ ແ ຮ ງ, ຊຶ່ງຈະເຮັດໃຫ້ ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ ຫາ ປານກາງຢູ່ເກືອບທົ່ວໄປໃນແຕ່ລະພາກ ແລະ ຕົກ ໜັກ ຫາ ໜັກຫຼາຍພ້ອມມີລົມພັດ ແ ຮ ງ ຢູ່ບາງທ້ອງຖິ່ນ. ດັ່ງນັ້ນ ຈຶ່ງຂໍແຈ້ງເຕືອນເຖີງປະຊາຊົນບັນດາເຜົ່າທີ່ອາໄສຢູ່:

ແຂວງຜົ້ງສາລີ, ຫົວພັນ, ຊຽງຂວາງ, ຫຼວງພະບາງ, ວຽງຈັນ, ນະຄອນຫຼວງວຽງຈັນ, ບໍລິຄໍາໄຊ, ຄໍາມ່ວນ, ສະຫວັນນະເຂດ, ສາລະວັນ, ເຊກອງ, ຈຳປາສັກ ແລະ ອັດຕະປື ໂດຍສະເພາະຜູ້ທີ່ອາໄສຢູ່ຕາມຮ່ອມພູ ແລະ ລຽບຕາມແຄມແມ່ນ້ຳຕ່າງໆ ຈົ່ງມີສະຕິ ຕໍ່ສະພາບຝົນຕົກ ໜັ ກ ທີ່ຈະເຮັດໃຫ້ເກີດນໍ້າຖ້ວມຍຶ່ງ, ນໍ້າຖ້ວມຊຸ ແລະ ດິນເຈື່ອນໃນໄລຍະນີ້, ພ້ອມທັງກຽມຍົກຍ້າຍ ແລະ ເກັບມ້ຽນວັດຖຸສິ່ງຂອງທີ່ມີຄ່າ ແລະ ສັດລ້ຽງໄປໄວ້ບ່ອນທີ່ສູງ ແລະ ປອດໄພ, ພ້ອມນີ້ຂໍໃຫ້ຕິດຕາມການລາຍງານຂ່າວພະຍາກອນອາກາດຈາກກົມອຸຕຸນິຍົມ ແລະ ອຸທົກກະສາດຢ່າງຕໍ່ເນື່ອງ.

ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ອອກແຈ້ງການ ເລກທີ 0845/ກອຕທ, ລົງວັນທີ 22 ກໍລະກົດ 2021 ເຕືອນຝົນຕົກ ໜັ ກ ໃນວັນທີ 23 ຫາ 26ກໍລະກົດນີ້ ເນື່ອງຈາກວ່າຮ່ອງຄວາມກົດດັນອາກາດຕໍ່ໄດ້ພາດຜ່ານພາກເໜືອ ຂອງປະເທດລາວ ປ່ອງໃສ່ລົມພາຍຸໝຸນເຂດຮ້ອນ ເຈີມປາກາ (Cempaka) ທີ່ກຳລັງເຄື່ອນທີ່ຢູ່ໃກ້ພາກເໜືອດ້ານຕາເວັນອອກຂອງ ສສ ຫວຽດນາມ ແລະ ຈະສືບຕໍ່ເຄື່ອນທີ່ຜ່ານເກາະໄຕ່ໜານ ໃນໄລຍະ 2 – 4 ວັນຕໍ່ໜ້າ.

ເຮັດໃຫ້ກະແສລົມມໍລະສຸມຕາເວັນຕົກສ່ຽງໃຕ້ທີ່ມີກຳລັງ ແ ຮ ງ ພັດປົກຄຸມເຂດພາກກາງ ແລະ ພາກໃຕ້ ຂອງ ສປປ ລາວ ເຊິ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ ຫາ ປານກາງເປັນບໍລິເວນກວ້າງໃນແຕ່ລະພາກ ແລະ ຕົກໜັກ ຫາ ໜັກຫຼາຍ ພ້ອມມີລົມພັດ ແ ຮ ງ ຢູ່ບາງທ້ອງຖິ່ນແຂວງພາກເໜືອດ້ານຕາເວັນອອກ ລົງຫາ ພາກກາງ ແລະ ພາກໃຕ້ ໃນໄລຍະວັນທີ 23 ຫາ 26 ກໍລະກົດ 2021 ເຊັ່ນ: ແຂວງ ຜົ້ງສາລີ (ເມືອງ ໃໝ່, ເມືອງ ຂົວ ແລະ ເມືອງ ສຳພັນ), ແຂວງ ຫຼວງພະບາງ (ເມືອງ ໂພນໄຊ, ນໍ້າບາກ, ເມືອງ ງອຍ ແລະ ເມືອງ ວຽງຄຳ),

ແຂວງ ຫົວພັນ (ເມືອງ ຊຳເໜືອ, ເມືອງ ຫົວເມືອງ, ເມືອງ ວຽງທອງ, ເມືອງ ແອດ ແລະ ເມືອງ ຊຳໃຕ້), ແຂວງ ຊຽງຂວາງ (ເມືອງ ໝອງແຮດ, ເມືອງ ແປກ, ເມືອງ ຄຳ, ເມືອງ ຜາໄຊ ແລະ ເມືອງ ໝອກ), ແຂວງ ວຽງຈັນ (ເມືອງ ກາສີ, ເມືອງ ວັງວຽງ, ເມືອງ ເຟືອງ, ເມືອງ ໂພນໂຮງ, ເມືອງ ແກ້ວອຸດົມ ແລະ ເມືອງ ທຸລະຄົມ), ນະຄອນຫຼວງວຽງຈັນ (ເມືອງ ນາຊາຍທອງ, ເມືອງ ໄຊທານີ, ເມືອງ ຫາດຊາຍຟອງ ແລະ ເມືອງ ປາກງື່ມ), ແຂວງ ໄຊສົມບູນ, ບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ, ເຊກອງ, ຈຳປາສັກ ແລະ ອັດຕະປື.