ສປປລາວໄດ້ຊຸດປະຈຳຊາດຕິດ10ຊຸດປະຈຳຊາດທີ່ດີທີ່ສຸດ

ສວຍງາມທີ່ສຸດ! ຊຸດປະຈຳຊາດລາວຕິດ 10 ຊຸດປະຈຳຊາດທີ່ດີທີ່ສຸດໃນການປະກວດ Miss Grand International 2022 ທີ່ຖືກຄັດເລືອກໂດຍຄະນະກຳມະການກອງປະກວດ ເຊິ່ງ ດີນ້າ ຕົວແທນສາວລາວກໍພາຊຸດ ມາເຢີ້ຂວັນເອີຍ ຕິດອັນດັບ ຫຼັງຈາກທີ່ເຮົາໄດ້ເຫັນ ດີນ້າ ພຸດສະຫວັນ ວົງຄຳຊາວ Miss Grand Laos 2022 ປາກົດຕົວອອກມາພ້ອມກັບຊຸດ “ມາເຢີ້ຂວັນເອີຍ” ໃນຮອບການແຂ່ງຂັນຊຸດປະຈຳຊາດ ເທິງເວທີ Miss Grand International 2022 ກໍໄດ້ສ້າງສຽງຮືຮາໄປທົ່ວໂຊຊຽວ ເພາະດີນ້າໄດ້ສະແດງເອກະລັກຄວາມເປັນລາວອອກມາເປັນຢ່າງດີ

ພ້ອມນັ້ນຍັງໄດ້ສຽງຊົມເຊີຍຈາກບັນດາຊາວລາວ ແລະ ຊາວຕ່າງປະເທດຢ່າງເຫຼືອລົ້ນ. ມາຮອດມື້ນີ້ 22 ຕຸລາ 2022 ທາງກອງປະກວດ Miss Grand International ໄດ້ປະກາດ Top 10 Best National Costume selected by judges ຫຼື 10 ຊຸດປະຈຳຊາດທີ່ດີທີ່ສຸດ ທີ່ຖືກຄັດເລືອກໂດຍຄະນະກຳມະການກອງປະກວດ ເຊິ່ງ ດີນ້າ ຂອງເຮົາກໍພາຊຸດ ມາເຢີ້ຂວັນເອີຍ ຕິດ Top 10 ໄດ້ຢ່າງສວຍງາມ. ແລະເພື່ອໃຫ້ ດີນ້າ ຂອງເຮົາພາຊຸດປະຈຳຊາດຄວ້າອັນດັບໜຶ່ງມາໄດ້ ເຮົາທຸກຄົນຕ້ອງຮ່ວມສົ່ງແຮງໃຈ, ແຮງເຊຍ, ແຮງໂຫວດ ແລະ ກຳລັງສະໜັບສະໜູນໃຫ້ກັບຊາວລາວເຮົາດ້ວຍ.

Facebook Comments Box

Similar Posts