ເຈົ້າຂອງລົດນໍ້າມັນຢືນຢັນບໍ່ມີສ່ວນກ່ຽວຂ້ອງກັບຄະດີຢາມູນຄ່າ100ລ້ານ​ບາດ

ຂ່າວດັງຂ້າມເວລາ, ເຈົ້າຂອງລົດນໍ້າມັນຢືນຢັນ! ບໍ່ມີສ່ວນກ່ຽວຂ້ອງກັບຄະດີທີ່ ດ່ານພາສີໜອງຄາຍ ແລະ ເຈົ້າໜ້າທີ່ກ່ຽວຂ້ອງ ຈັບກຸມການຂົນ​ຢາ​ເສບ​ຕິດ ມູນຄ່າ 100 ລ້ານ​ບາດ, ບໍລິສັດ Buntherng Transport Co.,LTD (ບໍລິສັດ ບັນເທີງທຣານສະປອດ ຈຳກັດ) ເຊີ່ງເປັນເຈົ້າຂອງລົດຂົນສົ່ງນ້ຳມັນ ໄດ້ເຂົ້າພົບພະນັກງານສອບສວນ ສພ.ເມືອງໜອງຄາຍ ຢືນຢັນວ່າບໍ່ມີສ່ວນກ່ຽວຂ້ອງກັບຄະດີທີ່ ດ່ານພາສີໜອງຄາຍ ແລະ ເຈົ້າໜ້າທີ່ກ່ຽວຂ້ອງ

ຈັບກຸມການຂົນ​ຢາ​ເສບ​ຕິດ ມູນຄ່າ 100 ລ້ານ​ບາດ, ພ້ອມຖະແຫຼງຢືນຢັນວ່າ: ບໍລິສັດ NTP Trading Petroleum Public Company (ບໍລິສັດ ເອັນທີພີ ການຄ້ານ້ຳມັນເຊື້ອໄຟ ມະຫາຊົນ) ເປັນພຽງບໍລິສັດວ່າຈ້າງຂົນສົ່ງນ້ຳມັນຈາກໄທ ມາສົ່ງທີ່ ສປປ ລາວ ແລະ ບໍ່ມີສ່ວນກ່ຽວຂ້ອງກັບການຂົນຢາເສບຕິດ ແລະ ພ້ອມຈະໃຫ້ຄວາມຮ່ວມມືກັບທາງເຈົ້າຫນ້າທີ່ຢ່າງເຕັມທີ່, ປັດຈຸບັນ, ເຈົ້າໜ້າທີ່ກຳລັງສືບສວນຂະຫຍາຍຜົນຄະດີດັ່ງກ່າວ, ທ້າຍເດືອນພະຈິກ 2022 ທີ່ໄທ