ຂົນກັນຊາແລ້ວແຫກດ່ານສົງໄສເມົາຊາສຸດທ້າຍຖືກຈັບ

ຂົນຄັນຊາແຫ້ງ ເກືອບ 500 ກິໂລກຣາມ ແຫກດ່ານກວດ

ໃນວັນທີ 5/6/2022 ຜ່ານມານີ້ ເວລາ 7 ໂມງ ທ້າວ ຊ໋ອດກີ້ ວົງຄູນຄຳ ອາຍຸ 27 ປີ, ບ້ານທົ່ງຈະເລີນ ເມືອງຄຳເກີດ ແຂວງບໍລິຄຳໄຊ

ຂົນຄັນຊາແຫ້ງ ຫນັກ ເກືອບ 500 ກິໂລກຼາມ ໃສ່ລົດວິໂກ້ ແຫກດ່ານເຈົ້າຫນ້າທີ່ ຢູ່ ປ້ອມສາມແຍກກອງລໍ ເມືອງຄູນຄຳ ແຂວງຄຳມ່ວນ.

ເຈົ້າຫນ້າທີ່ ສືບຮູ້ວ່າ: ຈະມີການຂົນຄັນຊາແຫ້ງຈາກແຂວງບໍລີຄຳໄຊ ຜ່ານປ້ອມດັ່ງກ່າວ ຈິ່ງວາງກຳລັງເພື່ອສະກັດ ມາຮອດເວລາ 7 ໂມງ ໄດ້ເຫັນລົດວິໂກ້ເປົ້າຫມາຍເລກທະບຽນ ລລ 7778 ກຳແພງນະຄອນ

ຂັບຂີ່ມາແຕ່ເມືອງຄໍາເກີດ ມຸ່ງ ໜ້າອອກໄປທາງແບ່ງບ້ານວຽງຄໍາ ເມືອງປາກກະດິງ ແຂວງບໍລິຄໍາໄຊ ພໍໄປຮອດປ້ອມຈະລາຈອນສາມແຍກກອງລໍ ເຈົ້າຫນ້າທີ່ເຂົ້າສະກັດກັ້ນເພື່ອກວດຄົ້ນລົດຄັນດັ່ງກ່າວ.

ພາຍຫລັງເຈົ້າຫນ້າທີ່ໄດ້ຮຽກກວດແຕ່ຜູ້ກ່ຽວບໍ່ໃຫ້ຄວາມຮ່ວມມື ພ້ອມທັງ ເລັ່ງລົດດ້ວຍຄວາມໄວສູງ ຈາກນັ້ນເຈົ້າຫນ້າທີ່ໄດ້ໄລ່ຕິດຕາມ

ໄປທັນບ້ານຄູນເງິນ ເມືອງຄຳເກີດ ແຂວງ ບໍລິຄຳໄຊ ຈຶ່ງຄຸມຕົວ ຜູ້ຂັບຂີ່ໄດ້ສຳເລັດ ແລະ ໄດ້ພົບຖົງ ສີດຳຈໍານວນ 10 ເປົາ ເທົ່ກັບ 488 ກິໂລກຣາມ.