ກຸ່ມປະເທດພັນທະມິດຣັດເຊຍຈັບມືກັນສ້າງສະກຸນເງິນຕົນເອງຂື້ນມາ

ພວກນີ້ໄປຈັບມືກັນຖ່າຍຮູບເຮັດຫຍັງ? ມີຫຍັງສຳຄັນບໍ່?

ເລີ່ມເປັນສັນຍານຊັດເຈນຂຶ້ນເລື້ອຍໆ ສຳລັບເລື່ອງ ລະບຽບໂລກໃໝ່ທີ່ບໍ່ໄດ້ຢູ່ໃຈ້ຮົ່ມເງົາຂອງດອລລ່າ

ຣັດເຊຍ ແລະກຸ່ມປະເທດ BRICS. Brazil, Russia, India, China (PRC), and South Africa ກຳລັງວາງແຜນໃນການສ້າງ ສະກຸນເງິນ Reserve Currency ຂອງຕົວເອງ

ຕົ້ນຕໍຂອງເລື່ອງນີ້ເປັນເພາະ ເມກາຍາດບາດຄູບາ ແລ້ວຂວໍ້າບາດຣັດເຊຍ ເພາະຣັດເຊຍເຮັດສົງຄາມກັບຢູເຄຣນ ກະວ່າຈະເອົາໃຫ້ຕາຍຄາສົ້ນທີນ ແຕ່ເອົາມາ ເອົາໄປ ຣັດເຊຍຢູ່ໄດ້ ບໍ່ເປັນຫຍັງ ເພາະມີພັນທະມິດຢູ່ນັ້ນກໍຄື ຈີນ ແລະອິນເດຍ

ຣັດເຊຍກຽມການມາຢ່າງດີ ໂດຍສະເພາະການໃຊ້ທອງຄຳຄໍ້າເງິນຣູເບິ້ລຂອງຕົວເອງ ແລ້ວກໍມີການຂຶ້ນດອກເບ້ຍ ພ້ອມທັງໃຊ້ເງິນຣູເບິ້ລໃນການຊື້ຂາຍນໍ້າມັນຂອງຕົວເອງອີກ ເຮັດໃຫ້ຄ່າຂອງເງິນຣູເບີ້ລແຂງຄ່າສູງສຸດ ໃນຮອບ 6-7 ປີກັນເລີຍ

ແຕ່ໃນປະເທດທີ່ລວມຂວໍ້າບາດຣັດເຊຍຕ້ອງເດືອດຮ້ອນເອງ ອັງກິດເງິນເຟີ້ສູງສຸດໃນຮອບ 40 ປີ ເຢຍລະມັນເງິນເຟີ້ສູງສຸດໃນຮອບ 60 ປີ ແລະເມກາເອງກໍຕ້ອງຂຶ້ນດອດເບ້ຍ ເພາະເງິນເຟີ້ສູງຂຶ້ນຕະຫຼອດ ແລະຜົນຂອງການຂຶ້ນດອກເບ້ຍ ກໍອາດເຮັດໃຫ້ເສດຖະກິດເມກາເອງຖົດຖອຍອີກ

ກະວ່າຈະຕົບເດັກ ແຕ່ເດັກຢືນໄດ້ ແລະລວມຕົວກັນຫຼາຍຄົນ ຄືກຸ່ມ BRICS ມາເອົາຄືນ

ກ່ອນໜ້ານີ້ ພວກເຂົາກໍມີຄວາມພະຍາຍາມ ທີ່ອອກຈາກອິດທິພົນຂອງດອລລ່າມາດົນລະ ແຕ່ກໍຍັງບໍ່ໄດ້ຜົນຈັກເທື່ອ ເພາະເມກາຍັງຍິ່ງໃຫຍ່ຫຼາຍ ແລະບໍ່ມີໃຜກ້າລອງຂອງຈັກເທື່ອ

ແຕ່ຮອດດຽວນີ້ ອຳນາດນັ້ນກຳລັງຫຼຸດລົງ ແລະເສື່ອຍຄາຍລົງໄປ ແລະປະເທດເຫຼົ່ານີ້ກໍເຖິງວ່າທີ່ຈະສ້າງອະທິປະໄຕເປັນຂອງຕົວເອງແລ້ວ

ຈີນ..ອ້າຍໃຫຍ່ ເປັນຄົນນຳທາງໃຫ້ ໂດຍການສ້າງລະບົບ CIPS ທີ່ເປັນລະບົບຊື້ຂາຍຊໍາລະເງິນຕ່າງປະເທດ ເພື່ອກຽມຮັບມືກັບການຂວໍ້າບາດມາດົນແລ້ວ

ການສ້າງສະກຸນເງິນເປັນຂອງຕົວເອງນັ້ນ ຂ້ອນຂ້າງເປັນໄປໄດ້ສູງຫຼາຍເລີຍແຫຼະ ແຕ່ສິ່ງທີ່ໜ້າສົນໃຈກວ່າກໍຄື ຖ້າຂຶ້ນມາປະເຈີດປະເຈີ້ກັນຂະໜາດນີ້ແລ້ວ ອ້າຍໃຫຍ່ເມກາຈະກັດແຂ້ວ ບີບກຳປັ້ນໄດ້ດົນຂະໜາດໃດ ຈະທົນໄດ້ບໍ່ ຫຼືວ່າຈະມີການໂບະບະກັນ

ຕ້ອງຕິດຕາມກັນຕໍ່ໄປ ອ້າວວວ…ເປັນຫຍັງຕ້ອງຕິດຕາມລະ ເລື່ອງຂອງປະເທດອື່ນ ກ່ຽວຫຍັງກັບປະເທດເຮົາ?

ກ່ຽວແນ່ນອນ ເບິ່ງຕົວຢ່າງ ການຂຶ້ນດອກເບ້ຍ ຂອງທະນາຄານກາງສະຫະລັດເລີຍ ສົ່ງຜົນກະທົບໄປທົ່ວໂລກນັ້ນແຫຼະ