ສໍາຫຼວດດິນເນື້ອທີ່​150ເຮັກຕາເພື່ອປູກພືດ​​ສະໜອງເປັນວັດຖຸດິບ

ກຽມສຶກສາສໍາຫຼວດດິນເນື້ອທີ່​ 150 ເຮັກຕາ​ ເພື່ອປູກພືດ​ສະໜອງເປັນວັດຖຸດິບຜະລິດຫົວອາຫານສັດ ຢູ່ເມືອງສຸຂຸມາ ພິທີເຊັນບົດບັນທຶກຄວາມເຂົ້າໃຈ ວ່າດ້ວຍການສຶກສາສໍາຫຼວດເນື້ອທີ່ດິນ ເພື່ອປູກພືດ,​ ສາລີ​ ແລະ​ ມັນຕົ້ນ ສະໜອງເປັນວັດຖຸດິບ ໃຫ້ແກ່ການຜະລິດຫົວອາຫານສັດ ຢູ່ເຂດບ້ານອຸທຸມ ເມືອງສຸຂຸມາ ແຂວງຈໍາປາສັກ​

ລະຫວ່າງ​ ອົງການປົກຄອງແຂວງຈຳປາສັກ​ ກັບ​ບໍລິສັດ ປາລາມີ ພັດທະນາກະສິກໍາ ຂາອອກ​ – ຂາເຂົ້າ ຈໍາກັດ​ ຈັດຂຶ້ນ​ວັນທີ​ 24​ ພະຈິກ​ 2022​ ຕາງໜ້າອົງການປົກຄອງແຂວງຈຳປາສັກ​ ໂດຍ​ພະແນກແຜນການ​ ແລະ​ ການລົງທຶນ​ແຂວງ​ ລົງນາມໂດຍ ທ່ານ​ ພັດທະກອນ ສີຫາວົງ​ ຮອງຫົວໜ້າ​ພະແນກ​ແຜນການ​ ແລະ​ ການລົງທຶນ​ແຂວງ​

ແລະ​ ບໍລິສັດ ປາລາມ ພັດທະນາກະສິກໍາ ຂາອອກ​ – ຂາເຂົ້າ ລົງນາມໂດຍ​ ທ່ານ​ ນາງ​ ປາລະມີ ປະສອນໄຊ ຜູ້ອໍານວຍ​ບໍລິສັດ ປາລາມ ພັດທະນາກະສິກໍາ ຂາອອກ​ – ຂາເຂົ້າ,​ ຝ່າຍອົງການປົກຄອງແຂວງ ລົງນາມເປັນພະຍານ ມີ​ ທ່ານ​ ສົມເພັດ​ ບຸດສະດີ ເຈົ້າເມືອງໆສຸຂຸມາ,

ທ່ານ​ ສົມລິດ ວິລະວົງ​ ຫົວໜ້າ​ພະແນກກະສິກໍາ​ ແລະ​ ປ່າໄມ້ແຂວງ​ແລະ​ ຝ່າຍບໍສັດ ລົງນາມເປັນພະຍານມີ​ ທ່ານ ສຸລິໂຍ ປະສອນໄຊ ຮອງຜູ້ອໍານວຍການ​ບໍລິສັດ​ ແລະ​ ທ່ານ​ ຄໍາໄໝ​ ໄຊຍະລາດ.​

ການເຊັນບົດບັນທຶກຄວາມເຂົ້າໃຈ​ ຄັ້ງນີ້​ ແມ່ນເພື່ອສຶກສາສໍາຫຼວດເນື້ອທີ່ດິນ​ ຈໍານວນ 150 ເຮັກຕາ ເພື່ອປູກພຶດ,​ ສາລີ,​ ມັນຕົ້ນ ສະໜອງເປັນວັດຖຸດິບ ໃຫ້ແກ່ການຜະລິດຫົວອາຫານສັດ ຢູ່ເຂດບ້ານອຸທຸມ​ເມືອງສຸຂຸມາ​ ເຊິ່ງຈະເລີ່ມຈັດຕັ້ງປະຕິບັດ ນັບແຕ່ມື້ເຊັນບົດບັນທຶກເປັນຕົ້ນໄປ.​