ຈັບໂຈນລັກເສົາໄຟຟ້າເຫຼັກໄດ້ແລ້ວ

ຊົມເຊີຍ! ຕຳຫຼວດຈັບແກ້ງລັກເສົາໄຟຟ້າ, ວັນທີ 25 ພະຈິກ 2022 ນີ້ ເຈົ້າໜ້າທີ່ພະແນກຕໍາຫຼວດ ປກສ ເມືອງ ທ່າພະບາດ ແຂວງບໍລິຄໍາໄຊ ສາມາດຈັບພວກລັກເຫລັກ ເສົາໄຟຟ້າ ເສຍຫາຍ 200 ລ້ານກວ່າກີບ. ຄົນຂີ້ລັກ ໄດ້ລັກຕັດເອົາ ເຫຼັກ ແລະ ນ໋ອດ ເສົາໄຟຟ້າແຮງສູງ 115 ກິໂລວັດ ແລວທ່າບົກ-ປາກຊັນ ຕັ້ງຢູ່ເຂດບ້ານ ໂພສະຫວັນ ເມືອງທ່າພະບາດ ແຂວງບໍລິຄໍາໄຊ. ໃນກໍລະນີໄຟຟ້າລົ້ມ ຈະເຮັດໃຫ້ໄຟຟ້າດັບເປັນບໍລິເວນກວ້າງ ພ້ອມທັງສ້າງຄວາມເສຍຫາຍອັນໃຫຍ່ຫລວງຕາມມາ.