ຄົນຮ້າຍລັດຍິງປະຊາຊົນເສຍຊີວິດ1ຄົນຢູ່ເມືອງກາສີ

ເກີດເຫດຄົນຮ້າຍສະກັດລັດຍິງປະຊາຊົນ ເສຍຊີວິດ 1 ຄົນ ຢູ່ບ້ານ ທົ່ງເໝືອດ ເມືອງກາສີ ແຂວງວຽງຈັນ ອີງຕາມເຈົ້າໜ້າທີ່ຕຳຫລວດ ກອງບັນຊາການ ປກສ ເມືອງກາສີ ແຂວງວຽງຈັນ ລາຍງານໃຫ້ຮູ້ວ່າ: ເວລາປະມານ 11:00 ໂມງ ຂອງວັນທີ 25 ຕຸລາ 2022 ນີ້ ໄດ້ເກີດເຫດຄາຕະກໍາ ຢູ່ບ້ານ ທົ່ງເໝືອດ ເມືອງກາສີ ແຂວງວຽງຈັນ,

ມີຜູ້ເສຍຊີວິດ 1 ຄົນ ຊື່ ທ້າວ ເພັງ, ອາຍຸ 47 ປີ, ປະຊາຊົນຢູ່ບ້ານທົ່ງເໝືອດ ເມືອງກາສີ ເຊິ່ງໄດ້ຂັບຂີ່ລົດຈັກເພື່ອຈະໄປຄັງລ້ຽງສັດ ພໍເດີນທາງອອກຈາກບ້ານໃກ້ຈະຮອດຄັງດັ່ງກ່າວ ຈຶ່ງຖືກຄົນຮ້າຍສະກັດລັດຍິງ, ຜ່ານການລົງກວດກາຊັນນະສູດສະຖານທີ່ເກີດເຫດ ພົບເຫັນກະສອບລູກປືນ AK (ອາກ່າ) ຕົກຢູ່ແຄມທາງຈໍານວນ 7 ກະສອບ ແລະ

ກະສອບລູກປືນ 7,65 ຈຳນວນ 7 ກະສອບ, ມີຮ່ອງຮອຍຖືກຍິງຢູ່ຕາມແຂນ, ໃບໜ້າ ແລະ ລໍາຕົວຈຳນວນ 10 ຈຸດ. ປັດຈຸບັນເຈົ້າໜ້າທີ່ຕໍາຫລວດພວກເຮົາກຳລັງເກັບກໍາຫາຂໍ້ມູນເພີ່ມຕື່ມ ພ້ອມທັງຊອກຫາຜູ້ກໍ່ເຫດມາລົງໂທດຕາມລະບຽບກົດໝາຍ. ຂໍສະແດງຄວາມເສຍໃຈກັບຄອບຄົວຜູ້ເສຍຊີວິດດ້ວຍ

Facebook Comments Box

Similar Posts